فلپائن کے جنوبی حصے میں 7.5 شدت کا زلزلہ، ہلاکتوں کا خدشہ
اشاعت کی تاریخ: 10th, October 2025 GMT
اسلام آباد (اُردو پوائنٹ ۔ DW اردو۔ 10 اکتوبر 2025ء) جمعہ کی صبح فلپائن کے جنوبی ساحلی علاقے میں 7.5 شدت کا زلزلہ آیا، جس سے عمارتوں کو نقصان پہنچا، بجلی منقطع ہو گئی، کم از کم ایک شخص ہلاک ہوا اور ممکنہ سونامی کے خدشے کے باعث ساحلی علاقوں سے انخلا کرایا گیا۔
پیسیفک سونامی وارننگ سینٹر نے چند گھنٹے بعد فلپائن، پلاؤ اور انڈونیشیا کے لیے جاری کی گئی سونامی وارننگ واپس لے لی۔
ادارے نے اپنی ایڈوائزری میں کہا، ''اب اس زلزلے سے سونامی کا کوئی خطرہ نہیں ہے۔‘‘
فلپائن کے جنوبی حصے میں جمعہ کی صبح سمندر کے اندر 7.
(جاری ہے)
فلپائن کے زلزلہ پیما ادارے فلپائن انسٹی ٹیوٹ آف وولکینالوجی اینڈ سیسمولوجی (فی وولکس) نے خبردار کیا کہ اس طاقتور زلزلے سے نقصان اور آفٹر شاکس کا خطرہ ہے۔
یہ زلزلہ داؤاؤ اورینٹل کے علاقے منائے کے قریب سمندر میں آیا۔امریکی سونامی وارننگ سسٹم نے بھی سونامی کے خطرے کی اطلاع دی اور کہا کہ زلزلے کے مرکز سے 300 کلومیٹر کے دائرے میں موجود ساحلی علاقوں میں خطرناک لہریں اٹھ سکتی ہیں۔
فلپائن کے صوبے داؤاؤ اورینٹل کے گورنر ایڈون جوباہیب نے کہا کہ جب زلزلہ آیا تو لوگ خوفزدہ ہو گئے۔
انہوں نے کہا کہ یہ زلزلہ بہت طاقتور تھا اور کچھ عمارتوں کو نقصان پہنچنے کی اطلاع ہے۔ ریسکیو ٹیمیں تیارصدر فرڈینینڈ مارکوس جونیئر نے کہا کہ حکام زمینی صورت حال کا جائزہ لے رہے ہیں اور جیسے ہی حالات محفوظ ہوں گے، سرچ اینڈ ریسکیو ٹیمیں روانہ کر دی جائیں گی۔
انہوں نے ایک بیان میں کہا، ''ہم دن رات کام کر رہے ہیں تاکہ ہر ضرورت مند تک امداد پہنچ سکے۔
‘‘متاثرہ علاقوں کے مقامی حکام سے فوری طور پر رابطہ نہیں ہو سکا۔
فی وولکس نے وسطی اور جنوبی فلپائن کے ساحلی قصبوں کے رہائشیوں پر زور دیا کہ وہ فوراً اونچی جگہوں کی طرف نکل جائیں یا اندرونِ ملک منتقل ہو جائیں، کیونکہ معمول کی لہروں سے ایک میٹر یا اس سے زیادہ اونچی سونامی لہریں اٹھنے کا امکان ہے۔
پیسیفک سونامی وارننگ سینٹر نے بھی کہا کہ فلپائن میں معمول کی سطح سے ایک سے تین میٹر اونچی لہریں اٹھنے کا امکان ہے۔
خیال رہے کہ صرف دو ہفتے قبل فلپائن میں ایک دہائی سے زائد عرصے کا سب سے ہلاکت خیز زلزلہ پیش آیا تھا، جس میں سیبو جزیرے پر 72 افراد ہلاک ہوئے تھے۔ وہ زلزلہ 6.9 شدت کا تھا اور وہ بھی سمندر میں آیا تھا۔
فلپائن بحرالکاہل کے "رِنگ آف فائر" پر واقع ہے اور وہاں ہر سال 800 سے زائد زلزلے آتے ہیں۔
انڈونیشیا اور پلاؤ کے لیے سونامی وارننگانڈونیشیا کے شمالی سلاویسی اور پاپوا کے علاقوں کے لیے سونامی وارننگ جاری کی گئی۔
پیسیفک سونامی وارننگ سینٹر نے کہا کہ انڈونیشیا کے کچھ ساحلی علاقوں اور بحرالکاہل کی جزیرہ ریاست پلاؤ میں ایک میٹر تک اونچی لہریں اٹھ سکتی ہیں۔
ادھر انڈونیشیا میں حکام نے عوام سے اپیل کی ہے کہ وہ ''پُرسکون رہیں اور غیر مصدقہ معلومات پھیلانے یا ان پر یقین کرنے سے گریز کریں۔‘‘
بیان میں کہا گیا، ''ایسی عمارتوں سے دور رہیں جن میں زلزلے کے باعث دراڑیں پڑ گئی ہیں یا جو نقصان زدہ ہیں۔ اپنے گھروں کا معائنہ کریں اور یقین دہانی کر لیں کہ وہ ساختی طور پر محفوظ ہیں اور زلزلے سے کوئی نقصان نہیں ہوا، اس کے بعد ہی دوبارہ اندر داخل ہوں۔‘‘
ادارت: صلاح الدین زین
ذریعہ: UrduPoint
کلیدی لفظ: تلاش کیجئے سونامی وارننگ انڈونیشیا کے فلپائن کے نے کہا کہ
پڑھیں:
شدید زلزلے کے بعد ڈھاکا یونیورسٹی 15 روز کے لیے بند، طلبا کو ہالز خالی کرنے کا حکم
بنگلہ دیش میں شدید زلزلے اور مسلسل آفٹر شاکس کے بعد ڈھاکا یونیورسٹی نے فوری طور پر 15 روز کے لیے تعلیمی سرگرمیاں معطل کرنے کا اعلان کر دیا ہے۔ اس دوران تمام کلاسز اور امتحانات 6 دسمبر تک بند رہیں گے۔
یہ فیصلہ ہفتے کے روز وائس چانسلر پروفیسر نیاز احمد خان کی زیرِ صدارت یونیورسٹی کی سنڈیکیٹ کے ہنگامی ورچوئل اجلاس میں کیا گیا۔
یہ بھی پڑھیے: 5.7 شدت کے زلزلے سے بنگلہ دیش میں 5 ہلاک، 200 سے زائد زخمی
سنڈیکیٹ کے جاری کردہ بیان کے مطابق، اجلاس میں زلزلے کے طلبا پر جسمانی اور نفسیاتی اثرات کا جائزہ لیا گیا اور اس بات پر اتفاق کیا گیا کہ طلبا کی حفاظت اولین ترجیح ہے۔ اجلاس میں بوئٹ (Bangladesh University of Engineering and Technology) کے ماہرین نے بھی شرکت کی اور تمام رہائشی ہالز کے ڈھانچوں کی تکنیکی جانچ کی سفارش کی۔
ماہرین نے مشورہ دیا کہ مکمل معائنے اور ضروری مرمت کے لیے تمام ہاسٹلز کو خالی کرایا جائے۔
انتظامیہ نے تمام رہائشی طلبا کو ہدایت کی ہے کہ وہ اتوار شام 5 بجے تک اپنے ہالز خالی کر دیں۔ ہال پرووسٹس کو ذمہ داری دی گئی ہے کہ وہ عمل کو بہتر انداز میں مکمل کرائیں۔
یہ بھی پڑھیے: افغانستان: مزارِ شریف کے قریب زلزلہ، 7 افراد جاں بحق، 150 زخمی
اگرچہ یونیورسٹی طلبا کے لیے 15 روز تک بند رہے گی، لیکن انتظامی دفاتر معمول کے مطابق کام کرتے رہیں گے۔
اس سے قبل ہفتہ کی رات یونیورسٹی نے صرف اتوار کے دن کی کلاسز اور امتحانات معطل کیے تھے، تاہم ماہرین کی تجاویز کے بعد اب تعطیلات کو دو ہفتوں تک بڑھا دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش زلزلہ ڈھاکا یونیورسٹی طلبا ہاسٹلز
4.5 ملین برطانوی بچے غربت میں زندگی گزار رہے ہیں، رپورٹ