صدر ٹرمپ نے عرب اور مسلمان اتحادی ممالک کی مدد سے غزہ امن معاہدے کو ممکن بنایا، رپورٹ
اشاعت کی تاریخ: 10th, October 2025 GMT
امریکی صدر ڈونلڈ ٹرمپ نے بالآخر اسرائیل اور حماس کے درمیان جنگ بندی اور یرغمالیوں کی رہائی کے حوالے سے معاہدے کو ممکن بنا دیا لیکن اس کامیابی کے پیچھے کئی ہفتوں کی سفارتی کوششوں سمیت عرب اور مسلمان اتحادی ممالک کی مدد ایک بڑا عنصر ہے۔
امریکی خبر رساں ادارے کے مطابق دو امریکی اعلیٰ عہدیداروں نے نام نہ ظاہر کرنے کی شرط پر بتایا کہ وحشیانہ جنگ میں اس وقت اہم موڑ آیا جب شکست خوردہ حماس کو احساس ہوا کہ یرغمالی اثاثے سے زیادہ بوجھ بن چکے ہیں۔
ایک عہدیدار کا کہنا ہے کہ نمائندہ خصوصی سٹیو وٹکوف اور صدر ٹرمپ کے داماد جیرڈ کشنر کی قیادت میں ہونے والے مذاکرات میں شامل اہلکاروں کے خیال میں اس وقت امید پیدا ہوئی جب انہیں لگا کہ حماس کے لیے یہ جنگ مزید جاری رکھنا مشکل ہو گیا ہے۔
اس کے باوجود معاہدے تک پہنچنا ایک پیچیدہ مرحلہ تھا اور امریکی انتظامیہ کو بھی مشکل صورتحال کا سامنا تھا جس کی ایک بڑی وجہ اسرائیل اور مشرق وسطیٰ کے ممالک کے درمیان بڑھتا ہوا عدم اعتماد ہے۔
امریکہ، مصر اور قطر کی ثالثی میں کئی عرصے سے جاری مذاکرات ستمبر کے آغاز میں تعطل کا شکار ہو گئے تھے۔
امریکی نمائندہ خصوصی وٹکوف حماس کو ذمہ دار ٹھہراتے ہوئے مذاکراتی عمل سے علیحدہ ہو چکے تھے۔ حماس نے اس کے بعد ایک مجوزہ معاہدہ قبول کیا جس کے متعلق ثالثوں کا کہنا تھا یہ اسرائیلی تجاویز سے مماثلت رکھتا تھا لیکن اس پر امریکہ اور اسرائیل کی طرف سے کوئی ردعمل نہیں آیا۔
حماس اپنے مؤقف پر قائم رہا کہ وہ پائیدار جنگ بندی، غزہ سے اسرائیلی فوجوں کے مکمل انخلا اور سینکڑوں فلسطینی قیدیوں کی رہائی کے بدلے میں ہی یرغمالیوں کو رہا کرے گا۔
تاہم اسرائیلی وزیر اعظم بینجمن نیتن یاہو نے یہ کہتے ہوئے ان شرائط کو مسترد کر دیا کہ حماس کے ہتھیار ڈالنے اور یرغمالیوں کی واپسی کے بعد ہی جنگ ختم ہو گی۔
لیکن 9 ستمبر کو ایک اور واقعہ پیش آیا اور قطر کا دارالحکومت دوحہ دھماکوں سے گونج اٹھا۔ اسرائیل نے اس وقت دوحہ پر فضائی حملہ کیا جب حماس کے رہنما اور ثالث جنگ بندی معاہدے پر بات چیت کے لیے دوحہ میں اکھٹے تھے۔
اس حملے میں حماس کے پانچ ارکان اور قطری سکیورٹی فورسز کے اہلکار ہلاک ہوئے تھے۔
اس واقعے سے نہ صرف خلیجی ممالک کے سربراہ برہم ہوئے بلکہ وائٹ ہاؤس نے بھی ناراضگی کا اظہار کیا۔ دوسری جانب صدر ٹرمپ نے صورتحال پر قابو پانے کی کوشش میں قطر کو یقین دہانی کروائی۔
اسرائیلی فضائی حملے سے خطے بھر میں امریکہ کے اتحادیوں میں تشویش کی لہر دوڑ گئی تھی بالخصوص مصر اور ترکیہ میں جہاں حماس کے سربراہ رہتے رہے ہیں۔
امریکی عہدیداروں کے مطابق حملے کے باوجود قطری حکومت سٹیو وٹکوف اور جیرڈ کشنر کے ساتھ رابطے میں رہی اور ٹرمپ کے سینیئر مذاکرات کاروں کو امن منصوبے کی تشکیل میں مدد فراہم کی جو بعد میں صدر ٹرمپ کے 20 نکاتی امن منصوبے کی شکل میں سامنے آیا۔
دوحہ حملے کے دو ہفتے بعد صدر ٹرمپ نے اقوم متحدہ کے اجلاس کے موقع پر 8 عرب اور مسلمان ممالک کے سربراہوں سے ملاقات کی جس کو ٹرمپ نے ’سب سے زیادہ اہم ملاقات‘ قرار دیا۔
صدر ٹرمپ واشنگٹن واپس آ گئے لیکن سٹیو وٹکوف اور جیرڈ کشنر نے سیکریٹری خارجہ مارکو روبیو کے ہمراہ عرب اور مسلمان رہنماؤں سے ملاقاتوں کا سلسلہ جاری رکھا تاکہ زیادہ سے زیادہ حمایت حاصل کر سکیں۔
اس کے ایک ہفتے بعد ہی سٹیو وٹکوف اور جیرڈ کشنر حتمی پلان کے ساتھ واشنگٹن واپس آئے جب صدر ٹرمپ کی وائٹ ہاؤس میں وزیراعظم نیتن یاہو کے ساتھ ملاقات متوقع تھی۔
اس دوران سٹیو وٹکوف اور جیرڈ کشنر نے صدر ٹرمپ کو مشورہ دیا کہ وہ فضائی حملے کے ردعمل میں قطری حکومت کو مفاہمت کی پیشکش کریں۔
صدر ٹرمپ نے قطر کے وزیراعظم محمد بن عبدالرحمان الثانی سے ٹیلی فون پر بات کی اور ساتھ ہی فون نیتن یاہو کو دے دیا۔ اسرائیلی وزیر اعظم نے تحریری معافی نامہ پڑھا اور قطر کی خودمختاری کی خلاف ورزی پر افسوس کا اظہار کیا۔
29 ستمبر کو ہونے والی ملاقات کے بعد واشنگٹن میں پریس کانفرنس سے خطاب میں نیتن یاہو نے اعلان کیا کہ انہیں صدر ٹرمپ کا منصوبہ منظور ہے۔
مارکو روبیو کا کہنا ہے کہ اس اعلان کے بعد صدر ٹرمپ کے ثالثوں نے اپنی کوششوں میں تیزی لاتے ہوئے قطر اور مصر کے ذریعے حماس کو بھی اس تمام عمل میں شامل کیا جبکہ دوسری جانب صدر ٹرمپ نے عالمی رہنماؤں سے رابطے کیے۔
حماس نے مذاکرات کے دوران فلسطینی قیدیوں کے بدلے تمام یرغمالیوں کو رہا کرنے اور دیگر فلسطینی دھڑوں کے لیے اقتدار چھوڑنے پر آمادگی ظاہر کی۔ لیکن ساتھ یہ بھی کہا کہ ٹرمپ کے منصوبے کے دیگر نکات پر مزید بات چیت کی ضرورت ہے جبکہ خود کو غیرمسلح کرنے سے متعلق نکتے پر کوئی ردعمل نہیں دیا جو دراصل اسرائیل کا ایک اہم مطالبہ ہے۔
جب حماس نے جمعے کی رات کو اپنے جواب سے آگاہ کیا تو اس وقت اسرائیل میں سبت کے مذہبی دن کے باعث چھٹی تھی لہٰذا صدر ٹرمپ نے پہل کرتے ہوئے بیان جاری کیا۔
جمعے کی رات گئے صدر ٹرمپ نے اپنے بیان میں کہا کہ حماس امن منصوبے کے پہلے مرحلے پر عمل درآمد کے لیے تیار ہے تاہم انہوں نے یہ نہیں کہا کہ حماس نے چند اہم شرائط قبول نہیں کیں۔
اس بیان کے بعد صدر ٹرمپ نے فوکس نیوز کی میزبان سے بات کرتے ہوئے اس امید کا اظہار کیا معاہدے سے اسرائیل کی عالمی سطح پر ساکھ بہتر ہو گی۔
انہوں نے کہا ’میں نے کچھ دیر پہلے ببی (نیتن یاہو) سے بات کی ہے۔ میں نے ان سے کہا ببی اسرائیل دنیا سے نہیں لڑ سکتا۔ وہ دنیا سے نہیں لڑ سکتے اور وہ اس بات کو سمجھتے ہیں۔‘
ذریعہ
ذریعہ: Daily Mumtaz
پڑھیں:
کرایہ داری ایکٹ کی خلاف ورزی پر کریک ڈاؤن تیز، 5600 سے زائد ملزمان گرفتار
عرفان ملک:لاہور پولیس نے کرایہ داری ایکٹ کی خلاف ورزی کرنے والوں کے خلاف کریک ڈاؤن میں مزید تیزی لاتے ہوئے رواں سال اب تک 5600 سے زائد ملزمان کو گرفتار کر لیا ہے.
ترجمان لاہور پولیس کے مطابق اقبال ٹاؤن ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے، جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا, شہر کے مختلف تھانوں میں 651 مقدمات کا اندراج بھی یقینی بنایا گیا ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔
انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں، اس لیے قانون کی خلاف ورزی کرنے والوں کے خلاف بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بلال صدیق کمیانہ نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ