غزہ جنگ بندی کے ایک روز بعد ہی اسرائیل کے لبنان پر فضائی حملے
اشاعت کی تاریخ: 11th, October 2025 GMT
غزہ میں جنگ بندی کے نفاذ کے صرف ایک روز بعد ہی اسرائیل نے لبنان کے جنوبی علاقے صیدا میں متعدد فضائی حملے کردیے۔
غیرملکی میڈیا رپورٹس کے مطابق یہ بمباری المصیلح اور النجاریہ کے درمیانی علاقے میں کی گئی، جہاں ایک شوروم کو نشانہ بنایا گیا جس میں بلڈوزر اور کھدائی کی مشینیں موجود تھیں۔
یہ بھی پڑھیں: جنوبی لبنان میں تباہی، اسرائیل کا جنگی جرم قرار، ایمنسٹی انٹرنیشنل نے تحقیقات کا مطالبہ کردیا
حملے کے نتیجے میں کئی گاڑیاں اور بھاری مشینری مکمل طور پر جل کر تباہ ہوگئیں۔
ابتدائی اطلاعات کے مطابق ایک شخص جاں بحق اور پانچ زخمی ہوئے، جبکہ دھماکوں سے علاقے میں بجلی کے کھمبے بھی گر گئے جس کے باعث مختلف مقامات پر بجلی کی فراہمی معطل ہوگئی۔
خیال رہے کہ ایک روز قبل ہی اسرائیلی فوج نے غزہ میں جنگ بندی کے معاہدے کے نفاذ کا اعلان کیا تھا، جس کے بعد ہزاروں فلسطینی شہری اپنے برباد گھروں کی جانب واپس لوٹنے لگے۔
ادھر اسرائیلی افواج نے معاہدے کے تحت نئی سرحدی پوزیشنز سنبھالنا شروع کردی ہیں۔
یہ بھی پڑھیں: اسرائیل لبنان میں شہریوں پر حملے بند کرے، امریکا
امریکا کے مشرقِ وسطیٰ کے لیے نمائندہ خصوصی اسٹیو وٹکوف کے مطابق اسرائیلی فوج انخلا کے پہلے مرحلے کو مکمل کر چکی ہے، جبکہ یرغمالیوں کی رہائی کے لیے 72 گھنٹوں کا عمل شروع ہو گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل امریکا غزہ جنگ بندی فضائی حملے لبنان وی نیوز.ذریعہ: WE News
کلیدی لفظ: اسرائیل امریکا فضائی حملے وی نیوز
پڑھیں:
ملبے سے اسرائیلی یرغمالی کی لاش برآمد، آج حوالے کی جائے گی، حماس
غزہ(ویب ڈیسک) اسرائیلی بمباری سے تباہ عمارتوں کے ملبے سے ایک اور اسرائیلی یرغمالی کی لاش مل گئی۔غزہ سے حماس کا کہنا ہے کہ وسطی غزہ سے ملنے والی اسرائیلی یرغمالی کی لاش آج اسرائیل کے حوالے کی جائے گی۔
حماس غزہ جنگ بندی معاہدے کے تحت یرغمالی کی لاش اسرائیل کے حوالے کرے گی۔ حماس کو مزید تین اسرائیلی یرغمالیوں کی لاشیں اسرائیل کے حوالے کرنی ہیں۔
تحریک تحفظ آئین پاکستان کی اپیل پر ملتان میں بھی یوم سیاہ، نماز جمعہ کے بعد سیاہ پٹیاں باندھ کر احتجاج