کراچی سے چھینے گئے موبائل کہاں جاتے ہیں، انہیں واپس لینے کے لیے کیا کرنا ضروری ہے؟
اشاعت کی تاریخ: 12th, October 2025 GMT
موبائل کا چھن جانا کراچی جیسے بڑے شہر میں معمول کی بات ہے یہی وجہ ہے کہ شہر قائد میں مہنگے موبائل فون رکھنے کا رجحان بہت کم ہے، لیکن موبائل چھن جانے کے بعد سب سے بڑا مسئلہ اس میں موجود معلومات کا ہوتا ہے یہی وجہ ہے کہ چوری شدہ موبائل کو واپس حاصل کرنے کے لیے کوشش کی جاتی ہے۔ سوال یہ ہے کہ موبائل فون کو حاصل کرنے کے لیے کیا کیا جائے اور آخر یہ موبائل فون جاتے کہاں ہیں؟
صدر کراچی موبائل اینڈ الیکٹرانکس ڈیلرز ایسوسی ایشن محمد منہاج گلفام نے ’وی نیوز‘ سے گفتگو کرتے ہوئے کہاکہ کوئی بھی شخص جب مارکیٹ میں موبائل فون فروخت کرنے کے لیے آتا ہے کہ پہلے اس سے شناختی کارڈ طلب کیا جاتا ہے، جبکہ سی پی ایل سی تصدیق کرائی جاتی ہے۔
یہ بھی پڑھیں: میرا چھینا ہوا موبائل مجھے واپس کیسے ملا؟
انہوں نے کہاکہ اس کے بعد تمام معلومات لینے کے بعد موبائل فون خریدا جاتا ہے، اس طریقے پر عمل کیے بغیر موبائل مارکیٹ میں کوئی بھی شخص موبائل فون نہیں خرید سکتا۔
منہاج گلفام نے کہاکہ اسی طریقہ کی وجہ سے ہم کروڑوں روپے مالیت ہے موبائل فون سی پی ایل سی کو دے چکے ہیں، اس کے علاوہ حال ہی میں 400 موبائل فون اس طریقہ کی بنا ریکور کر چکے ہیں، جن کی مالیت ڈیڑھ کروڑ روپے سے زیادہ بنتی ہے۔
موبائل فون کراچی سے چوری ہونے کے بعد جاتے کہاں ہیں؟ اس سوال پر منہاج گلفام کا کہنا تھا جو موبائل یہاں آتا ہے وہ تو مل جاتا ہے لیکن چوری شدہ موبائل ٹریس کرنے کی صورت میں ہمیں پتا چلا کہ اس کی لوکیشن افغانستان کے شہر جلال آباد کی آرہی تھی۔
ان کا کہنا تھا کہ یہاں پر سختی ہونے کے بعد اب پسماندہ علاقوں میں چوری ہونے والے موبائل فونز کا دھندا ہوتا ہے اور ان کے پارٹس الگ الگ کرکے فروخت کیے جاتے ہیں، اور اس میں زیادہ تعداد آئی فونز کی ہے۔
ان کا کہنا تھا کہ سی پی ایل سی اور متعلقہ تھانے میں موبائل فون چوری کی شکایت درج کرائی جا سکتی ہے، کسی بھی شہری کا موبائل چوری ہونے کی صورت میں ضروری ہے کہ وہ 110 پر سی پی ایل سی میں شکایت درج کرائے۔
یہ بھی پڑھیں: اسلام آباد میں چھینے جانے والے موبائل فون کہاں جاتے ہیں؟
’اس سے ہوتا یہ ہے کہ آپ کا ڈیٹا سی پی ایل سی پر آجاتا ہے جس سے اگر موبائل مارکیٹ میں آپ کا موبائل فون بکنے آئے گا اس کے واپس ملنے کے امکانات زیادہ ہیں، اس لیے ضروری ہے کہ موبائل فون چوری ہونے کی صورت میں آپ اس کی شکایت سی پی ایل سی میں ضرور درج کریں اگر ایسا نہیں کریں گے تو آپ کے موبائل کے ملنے کے امکانات نہ ہونے کے برابر ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: سی پی ایل سی موبائل فون چوری ہونے کے بعد کے لیے
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا