اے آئی کے ذریعے جعلی کرامات بیچنے والا گروہ پکڑا گیا، 35 افراد گرفتار
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
براسیلیا: برازیل میں جعل سازوں کے ایک گروہ نے مصنوعی ذہانت (اے آئی) کی مدد سے جعلی کرامات کی دعائیں تیار کر کے سادہ لوح مذہبی افراد کو بیچ کر بھاری منافع کما لیا، پولیس نے دو سال سے جاری اس دھوکہ دہی میں ملوث 35 افراد کو گرفتار کر لیا ہے۔
تفصیلات کے مطابق ملزمان مختلف شہریوں سے فون کالز اور سوشل میڈیا پلیٹ فارمز کے ذریعے رابطہ کرتے، ان کی ذاتی زندگی اور مشکلات کے بارے میں معلومات حاصل کرتے اور پھر اے آئی کی مدد سے ہر شخص کے لیے مخصوص دعا تیار کرتے تھے، یہ دعائیں بیماریوں کے علاج، قسمت بدلنے یا مشکلات کے خاتمے کے دعوؤں کے ساتھ فروخت کی جاتی تھیں۔
پولیس کے مطابق ہر دعا کی قیمت تقریباً 10 امریکی ڈالر (تین ہزار پاکستانی روپے سے زائد) رکھی گئی تھی جب کہ کئی متاثرین نے پہلی دعا کے بعد مزید ’’روحانی دعائیں‘‘ بھی خریدیں کیونکہ وہ سمجھتے تھے کہ ان کی زندگی میں مثبت تبدیلی آ رہی ہے۔
تحقیقات کے مطابق جعل سازوں نے مصنوعی ذہانت سے ایسی دعائیں تیار کیں جو انتہائی مؤثر اور جذباتی انداز میں لکھی جاتی تھیں، جس سے لوگوں کا اعتماد حاصل کرنا آسان ہوگیا۔
پولیس نے کہا کہ اے آئی ٹیکنالوجی نے اس فراڈ کو مزید پیچیدہ اور مؤثر بنا دیا کیونکہ تیار کردہ پیغامات لوگوں کے عقیدے اور امیدوں سے براہ راست جڑے ہوتے تھے۔
برازیلی حکام نے ملزمان پر فراڈ، جعل سازی اور مجرمانہ سازش کے الزامات عائد کر دیے ہیں۔ پولیس نے شہریوں سے اپیل کی ہے کہ اگر کوئی شخص اس گروہ سے متاثر ہوا ہو تو وہ فوری طور پر رپورٹ درج کرائے تاکہ مزید شواہد اکٹھے کیے جا سکیں اور متاثرین کو انصاف فراہم کیا جا سکے۔
ذریعہ
ذریعہ: Jasarat News
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ