بدین،پرائمپری اسکول کے پلاٹ پر قبضے کیخلاف شہریوں کا احتجاج
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
251018-05-10
بدین(نمائندہ جسارت)بدین میں پرائمری گرلز اسکول کینٹ روڈ کے پلاٹ پر پیپلز پارٹی کی پشت پناہی سے قبضے کے الزام پر شہریوں نے سخت احتجاج کیا ہے۔ذرائع کے مطابق بدین کے کینٹ روڈ صدیق کمبہار محلے میں تعلیم کے لیے مختص زمین پر قبضے کا معاملہ مزید سنگین صورت اختیار کر گیا ہے۔ مقامی رہائشیوں کا دعویٰ ہے کہ قبضہ مافیا کو پیپلز پارٹی کے بااثر رہنماؤں کی مکمل حمایت حاصل ہے، جس کی وجہ سے انتظامیہ کی مداخلت کے باوجود انہوں نے دوبارہ غیر قانونی تعمیرات شروع کر دی ہیں۔قبضہ کرنے والوں میں بلاول عمرانی ، اکبر عمرانی ،اللہ بچائیو عمرانی ، عبدالحئی عمرانی اور ٹھیکیدار علی محمد آزاد سومرو شامل بتائے جاتے ہیں۔احتجاج کرنے والے شہریوں نے الزام عائد کیا ہے کہ 5 ستمبر 2023ء کو ضلعی انتظامیہ نے اس تعمیراتی کام کو روک دیا تھا، لیکن سیاسی دباؤ کے باعث قبضہ مافیا نے ایک بار پھر رات کی تاریکی اور دن کی روشنی میں تیزی سے تعمیرات شروع کر دی ہیں۔رہائشیوں اشفاق احمد بلیدی ، نوشاد پٹھان، سرفراز آرائیں، ذوھیب میمن، ابراہیم سومرو، بابر ابڑو، موسیٰ سموں، محمد اسحاق قاضی، ذوالفقار میمن اور دیگر شہریوں نے مشترکہ احتجاج کرتے ہوئے کہا کہ یہ قبضہ مافیا عوام کے حق پر ڈاکہ ڈال رہی ہے۔انہوں نے بتایا کہ اس سے قبل ڈپٹی کمشنر آغا شاہنواز خان نے نوٹس لے کر قبضہ ختم کرایا تھا، مگر اب پیپلز پارٹی کے مقامی نمائندوں کی آشیر باد سے ایک بار پھر اسکول کی زمین پر غیر قانونی عمارتیں تعمیر کی جا رہی ہیں۔رہائشیوں نے مطالبہ کیا ہے کہ ڈپٹی کمشنر بدین یاسر بھٹی اسٹنٹ کمشنر راجش کمار ایجوکیشن آفیسر الطاف میمن اور اعلیٰ حکام سیاسی دباؤ کو نظرانداز کرتے ہوئے فوری طور پر اسکول کے پلاٹ سے قبضہ ختم کرائیں، غیر قانونی تعمیرات گرائی جائیں، اور قبضہ مافیا سمیت ان کی پشت پناہی کرنے والے سیاسی عناصر کے خلاف سخت قانونی کارروائی کی جائے تاکہ ایک مثال قائم ہو۔
ذریعہ: Jasarat News
کلیدی لفظ: قبضہ مافیا
پڑھیں:
جعلی ویزے: ملوث عناصر، ایجنٹ مافیا کیخلاف کریک ڈاؤن کا حکم
اسلام آباد (اپنے سٹاف رپورٹر سے) وفاقی وزیر داخلہ محسن نقوی اور وفاقی وزیر سمندر پار پاکستانیز چوہدری سالک حسین کی زیر صدارت خصوصی اجلاس منعقد ہوا۔ اجلاس میں جعلی دستاویزات پر بیرون ممالک جانے والے مسافروں کے خلاف شکنجہ سخت کرنے کیلئے متعدد اہم فیصلے کئے گئے۔ اجلاس میں پروٹیکٹر کے اجراء کے نظام کو فول پروف بنانے کا فیصلہ کیا گیا۔ وفاقی وزراء نے 7 روز میں حتمی سفارشات طلب کر لیں۔ اجلاس میں جعلی ویزوں کے دھندے میں ملوث عناصر اور ایجنٹ مافیا کے خلاف موثر کریک ڈاؤن کا حکم دیا گیا۔ وفاقی وزیر داخلہ محسن نقوی نے کہا کہ غیر قانونی امیگریشن روکنے کیلئے جنوری سے اسلام آباد میں اے آئی بیسڈ ایپ کا پائلٹ پراجیکٹ شروع کیا جا رہا ہے۔ اے آئی ایپ سے پہلے ہی علم ہو جائے گا کہ کون سفر کے قابل ہے اور کون نہیں۔ ڈی پورٹ شدہ افراد کا پاسپورٹ منسوخ ہونے کے بعد انہیں دوبارہ ویزا نہ ملنے کو یقینی بنائیں گے۔ چوہدری سالک حسین نے کہا کہ پروٹیکٹر کا مکمل شفاف نظام وقت کا بنیادی تقاضا ہے۔ لیبر ویزے پر جانے والے افراد کے پاس مستند دستاویزات کا ہونا ضروری ہے۔ اجلاس میں غیر قانونی تارکین وطن اور نامکمل دستاویزات کے حامل افراد کے خلاف کارروائی کے حوالے سے اقدامات کا جائزہ لیا گیا۔ ای ڈرائیونگ لائسنس، پروٹیکٹر اسٹامپ اور امیگریشن امور پر تفصیلی غور کیا گیا۔ اجلاس میں سیکرٹری و سپیشل سیکرٹری داخلہ اور تمام متعلقہ اداروں کے اعلی حکام نے شرکت کی۔
کہا جاتا تھا عمران خان مغربی ایجنڈے پرکام کررہے تھے لیکن مغرب کے اصل ایجنڈے پر موجودہ حکومت عملدرآمد کر رہی ہے، مولانا فضل الرحمان