بنوں میں بارود سے بھرا رکشہ چیک پوسٹ سے ٹکرانے کی کوشش ناکام
اشاعت کی تاریخ: 18th, October 2025 GMT
بنوں: تھانہ ہوید کی حدود میں بارود سے بھرا رکشہ چیک پوسٹ سے ٹکرانے کی کوشش ناکام بنادی گئی، فائرنگ سے بارود سے بھرا رکشہ پھٹ گیا۔
تفصیلات کے مطابق پولیس کی بروقت کارروائی سے بنوں میں بڑی تباہی کا منصوبہ ناکام ہوگیا، پولیس نے بتایا کہ دہشت گردوں نے رکشہ مزنگہ چوکی سے ٹکرانے کی کوشش کی، اہلکاروں نے رکشہ روکنے کی کوشش کی، نہ روکنے پر فائرنگ کردی۔
پولیس نے بتایا کہ اہلکاروں کی فائرنگ سے بارود سے بھرا رکشہ پھٹ گیا، بارودی مواد سے بھرا رکشہ پھٹنے کی آواز کئی کلومیٹر دورتک سنی گئی۔
حکام کا کہنا ہے کہ اگر ڈرائیور اپنے مقصد میں کامیاب ہوتا اور بارودی مواد سے بھرا رکشہ چیک پوسٹ سے ٹکراتا تو بہت نقصان ہوتا۔
دریں اثنا افغان طالبان کی درخواست پر 48 گھنٹے کے سیز فائر کا فائدہ اٹھا کر فتنہ الخوارج نے آج دراندازی کی کوشش کی جس کو پاک فوج نے ناکام بنا دیا۔
سیکیورٹی ذرائع کا کہنا تھا کہ پاک فوج نے مہمند میں کامیاب کارروائی کرتے ہوئے 45 سے 50 خوارج جہنم واصل کر دیے ہیں، مہمند میں خوارج کیخلاف آپریشن خفیہ معلومات کی بنیاد پر کیا گیا۔
.ذریعہ: Daily Mumtaz
کلیدی لفظ: کی کوشش
پڑھیں:
سمندر کے راستے یورپ جانے کی کوشش ناکام، ایجنٹوں سمیت 8 ملزمان گرفتار
ایف آئی اے امیگریشن نے کراچی ایئرپورٹ پر کارروائی کرتے ہوئے غیر قانونی سمندر کے راستے یورپ جانے کی کوشش ناکام بنا دی۔ اس کارروائی میں مجموعی طور پر 8 ملزمان کو گرفتار کیا گیا۔
ترجمان ایف آئی اے کے مطابق گرفتار مسافروں میں عتیب الرحمان، قمر الدین، سعد فاروق اور محمد عادل شامل ہیں، جو ایجنٹوں کی مدد سے البانیا جا رہے تھے۔
مزید پڑھیں: انسانی اسمگلنگ روکنے اور امیگریشن آسان بنانے کے لیے ایف آئی اے نے اہم فیصلہ کرلیا
مسافروں نے انسانی اسمگلروں کو یورپ جانے کے لیے مجموعی طور پر ایک کروڑ روپے ادا کیے تھے۔
ایف آئی اے کے مطابق گرفتار ایجنٹ اور سہولتکار، جن میں لیاقت علی، محمد الکریم، محمد عامر اور عبدالمقیت شامل ہیں، انسانی اسمگلنگ کا منظم گینگ چلا رہے تھے اور شہریوں کو غیر قانونی سمندر کے راستے یورپ بھیجنے میں ملوث پائے گئے۔
ملزمان کا تعلق گجرات کے مختلف علاقوں سے بتایا گیا ہے جبکہ اس منظم گینگ کے دیگر ساتھی سعودی عرب اور یونان سے انسانی اسمگلنگ کا نیٹ ورک چلا رہے ہیں۔
گرفتار مسافروں کے پاس جعلی ویزے اور جعلی پروٹیکٹر اسٹمپ موجود تھے۔ ان کے قبضے سے جعلی ایئر لائن ٹکٹ، 2200 یورو، 20 امریکی ڈالر اور 11.5 ملین ایرانی ریال بھی برآمد ہوئے۔
مزید پڑھیں: ایف آئی اے کی کراچی ایئرپورٹ پر کارروائیاں، 3 ملزمان گرفتار
ایف آئی اے نے گرفتار افراد کو مزید قانونی کارروائی کے لیے اینٹی ہیومن ٹریفکنگ سرکل کراچی منتقل کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امیگریشن ایجنٹ ایف آئی اے کارروائی کراچی ایئرپورٹ گرفتار وی نیوز
ہانگ کانگ کے رہائشی کمپلیکس میں قیامت خیز آگ سے ہلاکتیں 55 تک پہنچ گئیں