سکھربے امنی لپیٹ میں ہے ، جمعیت علماء اسلام کا اظہار تشویش
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت)سکھر بدامنی کی لپیٹ میں، جمعیت علماء ِ اسلام سٹی سکھر کا اظہارِ تشویش، بدامنی و سماجی برائیوں کے خلاف احتجاجی مہم چلانے کا اعلان، سکھر میں بڑھتی ہوئی بدامنی، ڈکیتیوں اور سماجی برائیوں کے خلاف جمعیت علماء ِ اسلام سٹی سکھر نے گہری تشویش کا اظہار کرتے ہوئے شہر میں امن و امان کی بگڑتی ہوئی صورتحال پر احتجاجی مہم چلانے کا اعلان کیا ہے۔تفصیلات، جامعہ حمادیہ مدرسہ منزل گاہ سکھر میں جمعیت علماء اسلام سٹی سکھر کی اہم نشست ہوئی، جس میں مولانا مفتی سعود افضل ہالیجوی، مولانا محمد عابد سندھی، قاری لیاقت علی مغل، مولانا مفتی قمر الدین ملانو، مولانا امان اللہ سکھروی، مفتی محمد اعظم مہر، مولانا محمد رفیق بندھانی سمیت دیگر علماء کرام اور رہنماؤں نے شرکت کی۔اجلاس میں شرکاء نے شہر میں تیزی سے بڑھتی ہوئی وارداتوں، منشیات فروشی، شراب کے کھلے عام استعمال اور دیگر سماجی برائیوں پر گہری تشویش کا اظہار کیا۔ رہنماؤں نے کہا کہ سکھر شہر بدامنی کی لپیٹ میں آ چکا ہے، شہریوں کی جان و مال غیر محفوظ ہیں، جبکہ ڈاکو دن دہاڑے وارداتیں کرکے باآسانی فرار ہو جاتے ہیں، جو پولیس کی کارکردگی پر ایک بڑا سوالیہ نشان ہے۔مولانا مفتی سعود افضل ہالیجوی اور دیگر مقررین نے اپنے خطابات میں کہا کہ شہر میں منشیات، شراب اور مضرِ صحت اشیاء کی کھلی فروخت نوجوان نسل کو تباہی کی طرف دھکیل رہی ہے، مگر انتظامیہ خاموش تماشائی بنی ہوئی ہے۔ جمعیت علماء ِ اسلام اس مجرمانہ غفلت کی سخت مذمت کرتی ہے۔اجلاس میں فیصلہ کیا گیا کہ سکھر میں بڑھتی ہوئی بدامنی، منشیات فروشی، اور سماجی برائیوں کے خلاف جلد ایک منظم اور بھرپور عوامی احتجاجی مہم شروع کی جائے گی۔
ذریعہ: Jasarat News
کلیدی لفظ: سماجی برائیوں جمعیت علماء کا اظہار
پڑھیں:
مولانا فضل الرحمٰن، راجہ محمد ظفر الحق ملاقات، مفاہمت وقومی وحدت پر گفتگو
اسلام آباد(طارق سمیر) جمعیت علمائے اسلام (ف) کے سربراہ مولانا فضل الرحمٰن نےسیکرٹری جنرل موتمر العالم الاسلامی سینیٹر راجہ محمد ظفر الحق، نشان امتیاز، کی رہائشگاہ پر تفصیلی ملاقات کی۔ ملاقات میں سینیٹر راجہ محمد ظفرالحق کے فرزند راجہ محمد علی، ایڈووکیٹ ہائی کورٹ، اسسٹنٹ سیکرٹری جنرل موتمر العالم الاسلامی، نائب صدر مسلم لیگ (ن) پنجاب اور سابق مشیر وزیرِ اعلیٰ پنجاب و سابق ممبر صوبائی اسمبلی پنجاب بھی موجود تھے۔ ملاقات کے عالمِ اسلام کو درپیش مسائل، خطے کی سیاسی صورتحال اور پاکستان میں جمہوری استحکام کے امور پر تفصیلی گفتگو ہوئی۔ فریقین نے اس بات پر زور دیا کہ پاکستان کو درپیش چیلنجز کے حل کے لیے باہمی رابطوں، مفاہمت اور قومی وحدت کی ضرورت پہلے سے کہیں زیادہ بڑھ چکی ہے۔ مولانا فضل الرحمٰن نے راجہ محمد ظفر الحق کی دینی، سیاسی اور سفارتی خدمات کو سراہتے ہوئے ان کی قومی و عالمی سطح پر نمایاں کردار کی تعریف کی۔ اس موقع پر راجہ محمد ظفر الحق اور راجہ محمد علی نے بھی مولانا فضل الرحمٰن کی قومی سیاسی جدوجہد اور خدمات کو خراجِ تحسین پیش کیا۔
سوشل میڈیا پر بیٹھے بیشتر لوگوں کی سوچ گندی ہے، مشی خان