امریکی نظام کو بے نقاب کرتے جناب ٹرمپ صاحب
اشاعت کی تاریخ: 20th, October 2025 GMT
اسلام ٹائمز: متشدد صہیونی وزیر قومی سلامتی ایتمار بن گویر نے ٹویٹر پر لکھا: "میں وزیرِاعظم سے مطالبہ کرتا ہوں کہ وہ اسرائیلی افواج کو حکم دیں کہ وہ غزہ کی پٹی میں زیادہ سے زیادہ طاقت کے ساتھ لڑائی دوبارہ شروع کرے۔" امریکی و اسرائیلی عہدیدار جنگ بندی کروا کر اسرائیلی قیدی رہا کروانا چاہتے تھے، وہ کروا چکے ہیں۔ اب وہ گرنٹر کہاں ہیں، جو بار بار حماس کو کہہ رہے تھے کہ آپ قبول کر لیں، جنگ بندی کی ہم ضمانت دیتے ہیں۔؟ ہمیں تو خیر پہلے سے ہی معلوم تھا کہ یہ کبھی بھی جنگ بندی کو قبول نہیں کریں گے۔ معروف پاکستانی صحافی جناب حامد میر صاحب نے درست لکھا کہ یہ بہت افسوسناک ہے کہ کئی عالمی رہنماؤں نے جنگ بندی کا اعلان کیا، لیکن دراصل کوئی جنگ بندی نہیں ہے۔ تحریر: ڈاکٹر ندیم عباس
امریکہ میں بڑے پیمانے میں مظاہرے جاری ہیں اور ٹرمپ کی پالیسیوں کو تنقید کا نشانہ بنایا جا رہا ہے۔ لوگ ٹرمپ کی پالیسیوں سے پہلے تنگ تھے، اب یوں لگ رہا ہے کہ امریکی عوام دلبرداشتہ ہوچکی ہے۔ امریکہ کے اندر جس طرح سے لوگوں کو غیر ملکی تارکین وطن قرار دے کر ذلیل کیا جا رہا ہے، امریکی معاشرے نے اسے بالکل پسند نہیں کیا۔ اس کی ایک وجہ یہ ہے کہ اکثر امریکی تارکین وطن ہیں یا ان کی اولادیں ہیں۔ اس لیے جب تارکین وطن کے خلاف اقدامات کی انسانیت سوز ویڈیوز آتی ہیں تو اجتماعی دکھ کے طور پر دیکھی جاتی ہیں۔ لوگ حکومتوں کے خلاف ہو جاتے ہیں اور بڑی تعداد میں مظاہرے کرتے ہیں، حکومتیں لوگوں کی آواز سنتی ہیں اور اپنی سمت درست کرتی ہیں۔ امریکی صدر ٹرمپ خود کو عقل کل سمجھتے ہیں اور اپنی کسی بھی پالیسی پر تنقید کو ذاتی تنقید سمجھ کر بہت پرسنل ہو کر جواب دیتے ہیں۔ ابھی انہوں نے ایک ویڈیو شیئر کی، جس میں وہ خود ایک جہاز اڑا رہے ہیں اور مظاہرین کے اوپر پہنچ کر گندگی کو ان پر گرا دیتے ہیں۔ دنیا بھر میں تعجب کا اظہار کیا جا رہا ہے کہ اس قدر مسخرا پن، وہ بھی امریکی مظاہرین کے ساتھ؟؟!!
ویسے ٹرمپ نے امریکی نظام کو صحیح بے نقاب کیا ہے، جیسے موصوف خود ہیں، ان کی انتظامیہ بھی ویسی ہی ہے۔ صدر ٹرمپ کے بوڈاپسٹ میں روسی صدر ولادیمیر پوٹن کے ساتھ ملاقات کا اعلان کرنے کے بعد HuffPost کے صحافیوں نے وائٹ ہاؤس سے ایک منطقی سوال کیا کہ کہ آخر کیوں ہنگری کے دارالحکومت کو مذاکرات کے لیے منتخب کیا گیا ہے۔ ہنگری کا دارالحکومت بوڈاپیسٹ یوکرین کے لیے علامتی اہمیت کا حامل ہے، کیونکہ یہیں پر 1994ء میں اُس میمورنڈم پر دستخط کیے گئے تھے، جس کے مطابق یوکرین نے روس، امریکہ اور برطانیہ کی جانب سے حفاظتی ضمانتوں کے بدلے جوہری ہتھیاروں سے دستبرداری اختیار کی تھی۔ تاہم، روس نے 2014ء میں کریمیا پر قبضہ کرکے اور 2022ء میں مکمل پیمانے پر حملہ کرکے اِن ذمہ داریوں کی خلاف ورزی کی۔
اِس جگہ کی اِتنی تاریخی حساسیت کے باوجود وائٹ ہاؤس کا سرکاری ردِعمل غیر متوقع نکلا، جب ہف پوسٹ نے پوچھا کہ بوڈاپیسٹ میں میٹنگ رکھنے کی تجویز کس نے دی تھی، تو وائٹ ہاؤس کی پریس سیکرٹری کیرولین لیویٹ نے صحافی کو جواب دیا: "تیری ماں نے۔" کیا آپ سوچ سکتے ہیں کہ یہ کسی سفارتی اہلکار کی زبان ہے۔؟ سفارتکار کی تو تربیت ہی ایسے کی ہوتی ہے کہ وہ گالی دینے کی جگہ پر بھی ایسے الفاظ کا انتخاب کرتا ہے کہ بات بھی پہنچ جاتی ہے اور بازاری زبان بھی استعمال نہیں ہوتی۔ ویسے امریکی صدر جناب ٹرمپ صاحب صدارتی انتخابات میں دعویٰ فرمایا کرتے تھے کہ روس، یوکرین جنگ بندی تو بس ایک فون کال کی مار ہے اور بس چوبیس گھنٹوں میں جنگ روک دی جائے گی۔ مگر اب تک نہ صرف جنگ جاری ہے بلکہ امریکی اتحادیوں کو امریکہ کے اصل چہرے کا پتہ چل رہا ہے۔
بڑی کوشش کرکے غزہ میں اپنی سرپرستی میں جاری جنگ رکوائی گئی اور اس کا بڑا کریڈت بھی لیا گیا، گویا ہم انسانیت کے سب سے بڑے علمبردار ہیں۔ ویسے ان کا وعدہ ہی کیا؟ جو وفا ہو جائے۔ غزہ کی عوام پر حملے کل سے دوبارہ شروع ہوچکے ہیں۔ اسرائیل نے 80 سے زائد مقامات پر 100 زائد میزائل گرائے۔ اس اسرائیلی بمباری سے غزہ کے 33 شہری شہید ہوچکے ہیں۔ اس کے ساتھ ساتھ یہ اطلاعات آرہی ہیں کہ اسرائیل نے غزہ امدادی سامان کے تمام راستے بھی بند کر دیئے۔ غزہ رفح میں زیر زمین بارودی بم سے اسرائیلی فوجی گاڑی ٹکرا گئی، 2 فوجی ہلاک 5 زخمی ہوگئے ہیں۔ کیا یہی وہ جنگ بندی تھی، جس کے لیے سارا امریکی و یورپی میڈیا چیخ رہا تھا۔؟ آج اسرائیل نے اس جنگ بندی کو جوتے کی نوک پر رکھا ہوا ہے۔
متشدد صہیونی وزیر قومی سلامتی ایتمار بن گویر نے ٹویٹر پر لکھا: "میں وزیرِاعظم سے مطالبہ کرتا ہوں کہ وہ اسرائیلی افواج کو حکم دیں کہ وہ غزہ کی پٹی میں زیادہ سے زیادہ طاقت کے ساتھ لڑائی دوبارہ شروع کرے۔" امریکی و اسرائیلی عہدیدار جنگ بندی کروا کر اسرائیلی قیدی رہا کروانا چاہتے تھے، وہ کروا چکے ہیں۔ اب وہ گرنٹر کہاں ہیں، جو بار بار حماس کو کہہ رہے تھے کہ آپ قبول کر لیں، جنگ بندی کی ہم ضمانت دیتے ہیں۔؟ ہمیں تو خیر پہلے سے ہی معلوم تھا کہ یہ کبھی بھی جنگ بندی کو قبول نہیں کریں گے۔ معروف پاکستانی صحافی جناب حامد میر صاحب نے درست لکھا کہ یہ بہت افسوسناک ہے کہ کئی عالمی رہنماؤں نے جنگ بندی کا اعلان کیا، لیکن دراصل کوئی جنگ بندی نہیں ہے۔
امریکی صدر کے نمائندے کا بیان دیکھ رہا تھا کہ جب قطر پر حملہ ہوا تو مجھے لگا یہ تو ایک دھوکے جیسا ہے۔ ویسے تعجب ہے کہ موصوف کو فقط یہ محسوس ہوا ہے کہ دھوکے جیسا ہے۔ شائد یہ اس لیے کہہ رہے ہیں کہ ان کا حملہ ناکام ہوگیا، اگر خدانخواستہ یہ حملہ کامیاب ہو جاتا تو یہ کہتے کہ یہ دھوکہ ہے۔ اصل دھوکہ اسرائیل نے نہیں، آپ نے کیا تھا۔ قطر کی دفاعی ذمہ داری آپ پر ہے اور اس پر بیرونی حملہ ہوا ہے۔ ویسے یہ بھی کیا پتہ کہ اسرائیل نے قبول کیا ہو اور جیسا کہ رپورٹس میں آیا تھا کہ دوحا سے بلند ہونے والے جہازوں نے اسرائیلی جہازوں کو تیل فراہم کیا تھا، یہ حملہ بھی سارے کا سارا قطر کے اندر سے ہی کیا گیا ہو۔؟؟؟
ذریعہ: Islam Times
کلیدی لفظ: اسرائیل نے دیتے ہیں کے ساتھ ہیں اور تھا کہ رہا ہے
پڑھیں:
اسرائیل کا 120 میزائل حملے، 97 فلسطینی شہید کرنے کے بعد جنگ بندی معاہدہ بحال
غزہ ( نیوزڈیسک) جارح اسرائیل نے سیز فائر معاہدے کی سنگین خلاف ورزیوں کے دوران درجنوں فلسطینیوں کو شہید کرنےکے بعد جنگ بندی کے نفاذ پر پھر سے عمل درآمد شروع کرنے کا اعلان کردیا۔
قطری نشریاتی ادارے کے مطابق جنگ بندی معاہدہ کے نفاذ کے بعد اسرائیل اب تک غزہ میں 97 فلسطینیوں کو شہید کر چکا ہے۔
اسرائیلی فوج نے غزہ میں سرنگوں سمیت حماس کے درجنوں اہداف پر 120 راکٹ حملے کیے، اسرائیلی فوج نے حماس کا بہانہ بنا کر غزہ میں شہری آبادی کو بھی نشانہ بنایا۔
قابض فوج کی جانب سے خان یونس کے شمال مغربی علاقے میں بے گھر افراد کے خیموں اور غزہ کے نصیرات کیمپ پر بھی بمباری کی گئی۔، جنگ بندی کے باوجود اسرائیلی فوج کے غزہ پر فضائی حملوں میں کل صبح سے اب تک 45 فلسطینیوں نے جام شہادت نوش کیا۔
اسرائیلی فوج نے کہا کہ یہ حملے حماس کی جانب سے ان کے اہلکاروں پر حملوں کے جواب میں کیے گئے تاہم حماس نے ان الزامات کو مسترد کرتے ہوئے واضح کردیا کہ اسرائیل جنگ دوبارہ شروع کرنے کے لیے بہانے ڈھونڈ رہا ہے۔
غزہ میں 45 فلسطینیوں کو شہید کرنے کے بعد اسرائیلی فوج نے تازہ بیان جاری کیا کہ حماس کے اہداف پر فضائی حملوں کے بعد غزہ میں جنگ بندی دوبارہ نافذ کر دی گئی ہے۔
دوسری جانب حماس رہنما خلیل الحیہ کی سربراہی میں اعلیٰ سطحی وفد قاہرہ پہنچ گیا جہاں وہ رواں ماہ شرم الشیخ میں طے پانے والے سیز فائر معاہدے پر عمل درآمد کے معاملات پر مصری حکام کے ساتھ بات چیت کرے گا۔
ادھر امریکی خصوصی ایلچی اسٹیو وٹکوف اور صدر ڈونلڈ ٹرمپ کے مشیر جیرڈ کُشنر آج اسرائیل پہنچیں گے جبکہ امریکی نائب صدر جے ڈی وینس منگل کو اسرائیل پہنچیں گے۔
رپورٹس کے مطابق تینوں امریکی حکام اپنے دورے کے دوران اسرائیلی وزیراعظم نیتن یاہو اور دیگر اعلیٰ اسرائیلی حکام سے ملاقاتیں کریں گے تاکہ غزہ میں جنگ بندی کے امریکی فریم ورک کو آگے بڑھایا جا سکے۔
علاوہ ازیں امریکی صدر ڈونلڈ ٹرمپ نے کہا کہ انہوں نے جو جنگ بندی کی تھی وہ اب بھی برقرار ہے،امریکی حکام کا خیال ہے کہ حماس کی قیادت ان خلاف ورزیوں میں ملوث نہیں ہو سکتی ہے، جسے سختی سے لیکن مناسب طریقے سے نمٹا جائے گا۔
ایئر فورس ون میں سوار صحافیوں سے بات کرتے ہوئے انہوں نے کہا کہ وہ نہیں جانتے کہ اسرائیلی حملے جائز ہیں یا نہیں، مجھے اس پر آپ سے رجوع کرنا پڑے گا۔
سعودی فٹ بال ٹیم کی بڑی کامیابی، فیفا ورلڈ کپ 2026 کے لیے کوالیفائی کرلیا