قومی ایتھلیٹکس ٹیم ایشین یوتھ گیمز میں شرکت کے لیے بحرین روانہ
اشاعت کی تاریخ: 21st, October 2025 GMT
پاکستان کی چار رکنی قومی ایتھلیٹکس ٹیم تیسری ایشین یوتھ گیمز میں شرکت کے لیے لاہور سے بحرین روانہ ہوگئی ہے۔ ٹیم دبئی کے راستے بحرین پہنچے گی جہاں گیمز کا آغاز 22 اکتوبر سے ہوگا اور یہ مقابلے 31 اکتوبر تک جاری رہیں گے۔
ٹیم میں تین مرد ایتھلیٹس غلام مرتضیٰ، محمد بہرام خان، محمد حسین فیض اور ایک خاتون ایتھلیٹ اقرا ریاض شامل ہیں، جب کہ ٹیم کی کوچنگ کی ذمہ داریاں سیمی رضوی انجام دے رہی ہیں۔
قومی ٹیم کی کوچ سیمی رضوی نے روانگی سے قبل میڈیا سے گفتگو کرتے ہوئے کہا کہکھلاڑی پوری تیاری کے ساتھ جا رہے ہیں اور انشاءاللہ وہ میدان میں اپنی بہترین کارکردگی کا مظاہرہ کریں گے۔ اس ایونٹ میں شرکت نوجوان کھلاڑیوں کے لیے بین الاقوامی سطح پر سیکھنے کا ایک قیمتی موقع ہے۔ ہمیں پوری قوم کی دعاؤں کی ضرورت ہے۔
ادھرساؤتھ ایشین ایتھلیٹکس فیڈریشن کے چیئرمین اور ایشین ایتھلیٹکس فیڈریشن کے صدر، میجر جنرل (ر) محمد اکرم ساہی، اورپاکستان ایتھلیٹکس فیڈریشن کے صدر، بریگیڈیئر (ر) وجاہت حسین نے ٹیم کے تمام کھلاڑیوں کے لیے نیک تمناؤں اور کامیابی کی دعاؤں کا اظہار کیا ہے۔
پاکستانی ایتھلیٹس کی شرکت نہ صرف ملک کی نمائندگی کا اعزاز ہے بلکہ یہ نوجوان کھلاڑیوں کے لیے ایک روشن مستقبل کی بنیاد بھی بن سکتی ہے۔
ذریعہ: Daily Mumtaz
کلیدی لفظ: کے لیے
پڑھیں:
کراچی، بھینس کالونی موڑ پر دھاگہ فیکٹری میں آگ، فائر بریگیڈ کی گاڑیاں روانہ کر دی گئیں
کراچی:شہر قائد کے علاقے بھینس کالونی موڑ پر رینجرز چوکی کے قریب واقع ایک دھاگہ فیکٹری میں اچانک آگ بھڑک اٹھی۔
فیکٹری سے دھواں اٹھنے پر مقامی افراد نے فوری طور پر ریسکیو اداروں کو اطلاع دی۔
فائر بریگیڈ حکام کے مطابق اطلاع ملتے ہی فائر بریگیڈ کی تین گاڑیاں جائے وقوعہ کی جانب روانہ کر دی گئیں ہیں۔
لکی مروت میں پولیس موبائل پر خودکش حملہ‘ سپاہی شہید‘5اہلکار زخمی