کراچی کے ماحولیاتی و شہری ڈھانچے میں انقلابی تبدیلی لائیں گے‘ ناصر حسین شاہ
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیر بلدیات سندھ سید ناصر حسین شاہ کی زیر صدارت چیف سیکریٹری آصف حیدر شاہ کے ہمراہ گریٹر کراچی ریجنل پلان 2047 کی دوسری پروجیکٹ اسٹیرنگ کمیٹی کا اجلاس سندھ سیکریٹریٹ میں منعقد ہوا۔اجلاس میں منصوبے کی پیش رفت، پچھلی سفارشات اور آئندہ اقدامات پر تفصیلی تبادلہ خیال کیا گیا۔وزیر بلدیات نے کہا کہ یہ منصوبہ کراچی کے شہری، ماحولیاتی اور اقتصادی ڈھانچے میں انقلابی تبدیلی لائے گا۔ چیف سیکریٹری آصف حیدر شاہ نے کہا کہ شہر میں متعدد ایجنسیاں کام کر رہی ہیں، اس لیے مشترکہ منصوبہ بندی ناگزیر ہے۔اجلاس میں بین الاقوامی کنسلٹنٹس کی جانب سے شہری منصوبہ بندی، ٹرانسپورٹ، ماحولیات، واٹر مینجمنٹ اور ہاؤسنگ کے پہلوؤں پر بریفنگ بھی دی گئی۔ ایڈیشنل چیف سیکریٹری لوکل گورنمنٹ ڈاکٹر وسیم شمشاد نے کہا کہ وفاقی و صوبائی اداروں کے اشتراک سے کراچی کو ایک جدید اور پائیدار میگا سٹی بنایا جائے گا۔
ذریعہ: Jasarat News
پڑھیں:
نیشنل کرکٹ اسٹیڈیم کراچی کی خوبصورتی میں اضافہ کرنے کا منصوبہ تیار
نیشنل کرکٹ اسٹیڈیم کراچی کی ازسرِ نو اپ گریڈیشن کا منصوبہ تیار کر لیا گیا۔ذرائع کے مطابق پاکستان کرکٹ بورڈ آئندہ ماہ سے نیشنل کرکٹ اسٹیڈیم کی مکمل اپ گریڈیشن کے منصوبے پر کام شروع کرے گا، اس سلسلے میں قذافی اسٹیڈیم کی طرح نیشنل اسٹیڈیم میں بھی انکلوڑرز کی ری ماڈلنگ کی جائے گی۔ذرائع کے مطابق نیشنل اسٹیڈیم کراچی کا ویو بہتر کرنے کے لیے بھی اقدامات کیے جائیں گے۔ذرائع نے بتایا کہ قذافی اسٹیڈیم میں چھتوں کی تنصیب فوری طور پر نہیں کی جارہی جبکہ پی سی بی سی ڈی اے کے تعاون سے اسلام آباد میں نیا اسٹیڈیم بھی تعمیر کرنے جا رہا ہے۔ذرائع کے مطابق اسلام آباد میں بننے والے نئے کرکٹ اسٹیڈیم کا انتظامی کنٹرول سی ڈی اے کے پاس ہوگا، پی سی بی اس اسٹیڈیم میں بین الاقوامی اور ڈومیسٹک میچز کا انعقاد کرے گا۔
مذہبی جماعت کا ممکنہ احتجاج، لاہور اور راولپنڈی میں سیکیورٹی ہائی الرٹ