مصافحہ کرنے کے بعد پاکستانی کا’پاکستان زندہ باد‘ کا نعرہ، بھارتی کپتان شبمن گل حیران، ویڈیو سوشل میڈیا پر وائرل ٍ
اشاعت کی تاریخ: 23rd, October 2025 GMT
آسٹریلیا میں بھارتی کرکٹ ٹیم کے کپتان شبمن گل سے ایک مداح نے مصافحہ کرنے کے فوراً بعد بلند آواز میں ’پاکستان زندہ باد‘ کا نعرہ لگا دیا۔ یہ واقعہ سوشل میڈیا پر تیزی سے وائرل ہو گیا اور شائقین کے درمیان دلچسپ بحث کا باعث بن گیا۔بھارتی میڈیا کے مطابق یہ واقعہ اْس وقت پیش آیا جب بھارتی ٹیم آسٹریلیا کے خلاف تین ایک روزہ میچوں کی سیریز کھیلنے کے لیے موجود ہے، پرتھ میں پہلا میچ ہارنے کے بعد ٹیم دوسرے ون ڈے کی تیاریوں میں مصروف ہے، شبمن گل اس سیریز میں ٹیم کی قیادت کر رہے ہیں، وہ ایڈیلیڈ میں سیر کر رہے تھے کہ ایک مداح نے ان کے قریب آ کر مصافحہ کی خواہش ظاہر کی۔شبمن گل نے ہاتھ بڑھایا، لیکن جیسے ہی دونوں نے ہاتھ ملائے مداح نے اچانک پاکستان زندہ باد کا نعرہ لگا دیا، یہ غیر متوقع عمل دیکھ کر بھارتی کپتان لمحہ بھر کے لیے چونک گئے اور فوراً اپنا ہاتھ پیچھے کھینچ لیا اور کوئی ردِعمل دیے بغیر وہاں سے گزر گئے۔واقعے کی ویڈیو چند ہی گھنٹوں میں سوشل میڈیا پر وائرل ہو گئی، جہاں صارفین اسے ایشیا کپ میں بھارت کی جانب سے پاکستان کے کھلاڑیوں سے ہینڈ شیک سے انکار کے جواب یا ریوینج موومنٹ کے طور پر دیکھ رہے ہیں۔کئی صارفین نے اسے مزاحیہ انداز میں پاکستانی فین کی چالاک جوابی کارروائی قرار دیا، جب کہ بعض بھارتی مداحوں نے اسے غیر اخلاقی حرکت کہا۔واضح رہے کہ ایشیا کپ کے دوران بھارت اور پاکستان کے درمیان میچ کے بعد بھارتی کھلاڑیوں کی جانب سے پاکستانی پلیئرز سے ہاتھ نہ ملانے پر تنقید ہوئی تھی۔
.ذریعہ: Nawaiwaqt
کلیدی لفظ: شبمن گل
پڑھیں:
شہری سے بدسلوکی کی وائرل ویڈیو پر ایڈیشنل آئی جی کراچی کا نوٹس، سب انسپیکٹر معطل
کراچی:سوشل میڈیا پر ایک ویڈیو وائرل ہوئی ہے جس میں ایک شخص کو شہری کے ساتھ نازیبا الفاظ استعمال کرتے ہوئے دیکھا اور سنا گیا۔
معاملہ منظرِعام پر آتے ہی ایڈیشنل آئی جی کراچی جاوید عالم اوڈھو نے اس ویڈیو کا نوٹس لیتے ہوئے نازیبا زبان استعمال کرنے والے شخص کے خلاف فوری کارروائی کا حکم جاری کیا ہے۔ اور ڈی آئی بی انچارج ساؤتھ سب انسپیکٹر کامران اشر کو فوری طور پر معطل کر کے ہیڈ کوارٹر رپورٹ کرنے کا حکم دیا ہے۔
ایڈیشنل آئی جی کراچی نے ڈی آئی جی سی آئی اے کو واقعے کی مکمل انکوائری کرنے اور رپورٹ پیش کرنے کی ہدایات جاری کر دی ہیں۔
شہریوں کے ساتھ نازیبا الفاظ کا استعمال کسی صورت قابلِ برداشت نہیں۔ واقعے میں ملوث شخص کے خلاف قانونی کارروائی عمل میں لائی جائے گی اور کسی کو بھی عوام کے ساتھ بدسلوکی کی اجازت نہیں دی جائے گی۔
عمران خان اڈیالہ جیل میں کس حال میں ہیں؟ بہن نے ملاقات کے بعد سب کچھ بتا دیا