یومِ سیاہ پر حکومتِ سندھ کا کشمیری عوام کے ساتھ اظہار یکجہتی؛ شرجیل میمن
اشاعت کی تاریخ: 27th, October 2025 GMT
سندھ کے سینئر وزیر شرجیل انعام میمن نے یومِ سیاہ کشمیر کے موقع پر کہا کہ 27 اکتوبر وہ سیاہ دن ہے جب بھارتی افواج نے کشمیری عوام کی مرضی کے خلاف وادی پر قبضہ کیا۔
شرجیل میمن نے کہا کہ یہ دن ہمیں یاد دلاتا ہے کہ ظلم عارضی ہوتا ہے، مگر آزادی کی جدوجہد ہمیشہ جاری رہتی ہے۔ کشمیری عوام نے دہائیوں تک بے مثال قربانیاں دے کر یہ ثابت کیا کہ وہ اپنے حقِ خودارادیت سے کبھی دستبردار نہیں ہوں گے۔
انہوں نے مزید کہا کہ کشمیری عوام کا حوصلہ، صبر اور استقامت دنیا بھر کے مظلوموں کے لیے مشعلِ راہ ہے۔ پاکستان کے عوام آج کے دن اپنے کشمیری بھائیوں اور بہنوں کے ساتھ یکجہتی کا اظہار کرتے ہیں اور ہر عالمی فورم پر کشمیر کے حق میں آواز بلند کرتے رہیں گے۔
شرجیل میمن نے یہ بھی واضح کیا کہ ایک دن اقوامِ متحدہ کی قراردادوں کے مطابق کشمیری عوام کو ان کا جائز حق ضرور ملے گا۔
ذریعہ: Daily Mumtaz
کلیدی لفظ: کشمیری عوام
پڑھیں:
پی ٹی آئی کبھی بھی عام آدمی کیلئے سڑک پر نہیں نکلی: شرجیل میمن
شرجیل میمن—فائل فوٹوسینئر وزیرِ سندھ شرجیل انعام میمن نے کہا ہے کہ تحریکِ انصاف کبھی بھی عام آدمی کے لیے سڑک پر نہیں نکلی۔
کراچی میں پریس کانفرنس کے دوران شرجیل میمن نے کہا کہ 2018ء میں جعلی مینڈیٹ پر بانیٔ پی ٹی آئی اقتدار میں آئے۔
انہوں نے کہا کہ پی ٹی آئی کو سازش کر کے حکومت میں لایا گیا، بانیٔ پی ٹی آئی نے اپنے دور میں ایک بھی اچھا کام نہیں کیا۔
سینئر وزیر سندھ نے کہا کہ بانیٔ پی ٹی آئی اسمبلی میں بل پاس کرنے کے لیے اداروں سے مدد مانگتے تھے، عمران خان کی حکومت نے کوئی ایسا کام نہیں کیا، جو اُن کی پارٹی گنوا سکے۔
اُن کا کہنا ہے کہ پی ٹی آئی نے جو محاذ کھولا ہے وہ صرف ایک شخص کی رہائی کے لیے ہے، یہ پارٹی کبھی بھی عام آدمی کے لیے سڑک پر نہیں نکلی۔
شرجیل میمن نے یہ بھی کہا کہ پی ٹی آئی نے معاشرے میں گالی گلوچ کے کلچر کو فروغ دیا، دورِ اقتدار میں اس پارٹی نے چن چن کر سیاسی مخالفین کو جیل بھجوایا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر