جماعت اسلامی شہر کی حقیقت ہے‘بلدیاتی الیکشن میں مینڈیٹ پر ڈاکا ڈالا گیا‘ منعم ظفر
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-01-17
کراچی(اسٹاف رپورٹر)امیر جماعت اسلامی کراچی منعم ظفر خان نے علاقہ سعدی ٹائون و کنٹونمنٹ ایریا کے تحت ممبرز کنونشن سے خطاب کرتے ہوئے کہا ہے کہ جماعت اسلامی شہر کی ایک حقیقت ہے ، بلدیاتی الیکشن میں ہمارے مینڈیٹ پر ڈاکا ڈالا گیا ،ہماری جیتی ہوئی یونین کونسلز چھینی اور میئرشپ پر قبضہ کیا گیا، 173والے کو جتوادیا اور 193والے کو ہروادیا گیا ،جماعت اسلامی کے منتخب بلدیاتی نمائندے محدود وسائل واختیارات کے باوجود اہل کراچی کی خدمت میں مصروف ہیں، ہم نے 2سال کے عرصے میں 171پارکس اور کھیلوں کے میدان ازسر نو بحال کیے ہیں ،42سرکاری اسکولز کی تعمیر نو کی ہے ، لاکھوں کی تعداد میں اسٹریٹ لائٹس لگوائی اور پیور بلاکس نصب کیے ،آج ہر شہری جماعت اسلامی کے 9ٹائونز میں کیے جانے والے کاموں کی بات کرتا ہے، جنہیں دیکھ کر سندھ حکومت بوکھلاگئی ہے ، جماعت اسلامی حکمرانو ں کا تعاقب کر تی اور اہل کراچی کے حقوق حاصل کر نے کے لیے پُرامن اور جمہوری جدوجہد جاری رکھے گی، اجتماعی جدوجہد ہی مسائل کا حل ہے ،جماعت اسلامی اہل کراچی کے مسائل کے حل کے لیے کمیٹیاں تشکیل دے رہی ہے، 21،22،23نومبر کو لاہور میں مینار پاکستان کے سائے تلے ’’بدل دونظام کو ‘‘کے عنوان سے ہونے والا اجتماع عام ملک میں عدل کے نظام کے قیام کی جدو جہد میں ایک سنگ میل ثابت ہوگا ،اس اجتماع میں اس عہد کی تجدید کی جائے گی جو23مارچ 1940ء کو قرار داد پاکستان پاس کرتے ہوئے کیا گیاتھاکہ پاکستان کامطلب کیا ،لاالہ الا اللہ ، ہم اہل کراچی سمیت پورے پاکستان کے عوام سے اپیل کرتے ہیں کہ اس اجتماع عام میں اپنی فیملیز کے ہمراہ بھرپور شرکت کریں ۔ منعم ظفر خان نے مزید کہا کہ جماعت اسلامی کے قیام کا مقصد اللہ کی زمین پر اللہ کے نظام کو قائم کرنا ہے ،ہم انسانوں کو انسانوں کی غلامی سے نکال کر ایک خدائے واحد کی غلامی میں لانے کی جدوجہد کررہے ہیں، اسلام ایک مکمل ضابطہ حیات ہے ، جس میں معیشت ،معاشرت ،سیاست ، اخلاقیات سمیت زندگی کے تمام شعبوں کے لیے ہدایات موجود ہیں، المیہ یہ ہے کہ دین کو چند مخصوص عبادات تک محدود کردیا گیاہے ،دین ایک پورے کل کانام ہے ، اسلام ہمیں پورے کے پورے دین میں داخل ہونے کا درس دیتا ہے، ہمیں ظلم کے نظام کے خاتمے اور عدل کے نظام کو قائم کرنے کے لیے اجتماعیت سے وابستہ ہونا ہوگا،جماعت اسلامی اُمید سے یقین کے سفر کا نام ہے ، ہم بندگان خدا کی خدمت کو دین کا کام سمجھ کر انجام دیتے ہیں، ہم نے اہل کراچی کے بجلی ،پانی ، گیس ،نادرا و بحریہ ٹائون کے متاثرین کے مسائل سمیت متعدد مسائل حل کرائے ہیں ۔امیر ضلع ائر پورٹ محمد اشرف نے ممبرز کنونشن سے خطاب کرتے ہوئے کہا کہ اس وقت کراچی کا انفرا اسٹرکچر تباہ حال ہے ، ملک کاسب سے زیادہ ٹیکس دینے والاشہر آج بنیادی سہولتوں سے محروم ہے ، سڑکیں ٹوٹی ہیں ، گٹر بہہ رہے ہیں ، عوام کی جان ومال محفوظ نہیں ،لوگوں کو سستی اور معیاری ٹرانسپورٹ میسر نہیں ، آدھے سے زاید شہر پینے کے پانی سے محروم ہے ، ٹینکرمافیا کا راج ہے ،لوگ مہنگے داموں پانی کے ٹینکرخریدنے پر مجبور ہیں،2001ء سے 2005ء تک نعمت اللہ خان ایڈووکیٹ کے دور میں کراچی میں بے مثال ترقیاتی کام ہوئے لیکن افسوس اس کے بعد کسی نے اس شہر کی ترقی کے لیے کوئی کام نہیں کیا ۔ممبرز کنونشن سے پبلک ایڈ کمیٹی کے نائب صدر عمران شاہد نے بھی خطاب کیا ۔
امیر جماعت اسلامی کراچی منعم ظفر خان سعدی ٹائون میں ’’ممبر کنونشن‘‘ سے خطاب کررہے ہیں
ذریعہ
ذریعہ: Jasarat News
کلیدی لفظ: جماعت اسلامی اہل کراچی کے نظام کے لیے
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ