لانڈھی کاٹیج انڈسٹریز لینڈ کی رپورٹ ہائیکورٹ میں جمع کرانے کا حکم
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-08-7
کراچی (اسٹاف رپورٹر) کے ایم سی لانڈھی کایٹج انڈسٹریز ایکشن کمیٹی کی آئینی پٹیشن کی سماعت پیر کو ایک سال کے وقفے کے بعد سندھ ہائی کورٹ کے جسٹس سید یوسف علی سعید اور جسٹس عبدالمبین لاکھو پرمشتمل ڈبل بییچ نے کی اس موقع پر پٹیشنر محمود حامد کے وکیل عثمان فاروق ایڈووکیٹ نے عدالت کو آگاہ کیا کہ اکتوبر 2024 ء کو جسٹس صلاح الدین پنہور نے کے ایم سی لانڈھی کایٹج انڈسٹریز کی زمین کے سروے کے لیے کے ایم سی، ریونیو بورڈ کے افسران کی ایک کمیٹی چیف سیکرٹری سندھ کی سربراہی میں تشکیل دی تھی جس کے ذمے یہ کام تقویض کیا گیا تھا کہ وہ لانڈھی کاٹیج انڈسٹریز کی زمین کا مکمل سروے کر کے عدالت میں رپورٹ پیش کرے لیکن وہ رپورٹ عدالت میں ایک سال گزر جانے کے باوجود پیش نہیں کی گئی جس پر عدالت نے سرکاری وکلا سے اس رپورٹ کے بارے میں پوچھا جس پر وکلا نے کہا کہ رپورٹ تیاری کے مرحلے میں ہے ہم 10 روز میں یہ رپورٹ عدالت میں پیش کر دیں گے جس پر پٹیشنر نسرین ابو نثر نے سوال اٹھایا کہ سرکاری وکلا کے ایم سی ریونیو بورڈ اور چیف سیکرٹری ایک سال میں رپورٹ پیش نہ کر کے توہین عدالت کے مرتکب ہوئے ہیں ، عدالت نے وکلا کو تنبیہ کرتے ہوئے 19 نومبر 2025ء تک عدالت میں کے ایم سی لانڈھی کاٹیج انڈسٹریز کی جامع رپورٹ پیش کرنے کا حکم دیا سماعت کے موقع پر لانڈھی کاٹیج انڈسٹریز کے اراکین کی بڑی تعداد موجود تھی اور اس بات پر خوشی کا اظہار کر رہی تھی کہ 26 ویں ائینی ترمیم کے بعد ایک سال تک ہمارے کیس کی جو سماعت رکی ہوئی تھی وہ اب دوبارہ شروع ہو گئی ، میڈیا سے بات کرتے ہوئے لانڈھی کایٹج انڈسٹریز کے چیئرمین محمود حامد نے کہا کہ کے ایم سی لانڈھی کایٹج انڈسٹریز کے الاٹیز 33 سال سے الاٹمنٹ کے منتظر ہیں اور سرکاری محکمے اس میں مسلسل تاخیر کر رہے ہیں عدالت عالیہ سے ہمیں انصاف ملنے کی امید ہے اور جسٹس صلاح الدین پنہور کا سروے کا حکم ایک اہم پیش رفت ہے مگر اس 26 ویں آئینی ترمیم کی آڑ میں ایک سال کی تاخیر کی گئی ہے لیکن اب ہمیں امید ہے کہ ہمارے کیس کی سماعت تیز رفتاری سے ہوگی اور لانڈھی کاٹیج انڈسٹریز کی آباد کاری کے لیے فیصلہ جلد صادر ہوگا۔
ذریعہ
ذریعہ: Jasarat News
کلیدی لفظ: کے ایم سی لانڈھی انڈسٹریز کی عدالت میں ایک سال
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا