ریاض: شعبہ صحت میں بڑی اصلاحات اور بیماریوں سے بچاؤ حکومت کی ترجیح ہے، مصطفیٰ کمال
اشاعت کی تاریخ: 28th, October 2025 GMT
وفاقی وزیر صحت سید مصطفیٰ کمال کا کہنا ہے کہ موجودہ حکومت صحت کے شعبے میں بنیادی اصلاحات متعارف کرانے کے لیے پرعزم ہے تاکہ نہ صرف اسپتالوں کی سہولیات میں بہتری لائی جائے بلکہ عوام کو بیماریوں سے بچاؤ کے حوالے سے مؤثر اقدامات فراہم کیے جائیں۔
یہ بھی پڑھیں: جوائے فورم 2025 ریاض: تفریح، ٹیکنالوجی اور تخلیق کا عالمی سنگم
وہ سعودی عرب کے دارالحکومت ریاض میں منعقدہ ریاض ہیلتھ کیئر لیڈرز فورم اور پاکستان ڈاکٹرز گروپ کی مشترکہ تقریب سے خطاب کر رہے تھے جس میں دنیا بھر سے پاکستانی ڈاکٹرز، پروفیسرز اور ماہرینِ صحت کی بڑی تعداد نے شرکت کی۔
تقریب سے ڈاکٹر ذکی الدین احمد، ڈاکٹر عادل حیدر، ڈاکٹر اسد رومی اور پاکستان ڈاکٹرز گروپ سعودی عرب کے صدر ڈاکٹر شہزاد احمد نے بھی خطاب کیا۔
مقررین نے جدید طبی سائنس میں ہونے والی نئی تحقیق، تجربات اور علاج کے جدید طریقہ کار پر روشنی ڈالتے ہوئے کہا کہ دنیا بھر میں صحت مند معاشروں کی تشکیل کے لیے میڈیکل سائنس کے اصولوں کو اپنایا جا رہا ہے۔
مزید پڑھیے: سوشل میڈیا پر پروپیگنڈے کا جواب، مصطفیٰ کمال نے اپنی بیٹی کو اینٹی سروائیکل کینسر ویکسین لگوا دی
مقررین نے کہا کہ پاکستان میں بھی ضروری ہے کہ عوام کو بیماریوں سے بچانے کے لیے جدید میڈیکل ٹیکنالوجی اور سائنسی طریقوں کو فروغ دیا جائے تاکہ آئندہ نسلیں صحت مند معاشرے میں زندگی گزار سکیں۔
وفاقی وزیر صحت سید مصطفیٰ کمال نے کہا کہ حکومت پاکستان صحت کے بجٹ میں خاطر خواہ اضافہ کر چکی ہے اور موجودہ مالی سال میں ہیلتھ بجٹ 1156 بلین روپے مقرر کیا گیا ہے۔
انہوں نے کہا کہ وزارت صحت ایسے اقدامات کر رہی ہے جن کے ذریعے ملک بھر کے عوام کو بہتر، مؤثر اور سستی طبی سہولیات فراہم کی جا سکیں۔
مزید پڑھیں: ریاض انٹرنیشنل بک فیئر 2025 میں کن سعودی خواتین لکھاریوں کے چرچے ہیں؟
وزیر صحت نے سعودی عرب میں مقیم پاکستانی ڈاکٹرز کی خدمات کو سراہتے ہوئے کہا کہ پاکستان ڈاکٹرز گروپ سعودی عرب نہ صرف ہم وطنوں کو مفت طبی سہولیات فراہم کر رہا ہے بلکہ پاکستان میں صحت کے نظام میں بہتری کے لیے بھی بھرپور کردار ادا کر رہا ہے۔ تفصیل دیکھیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ڈاکٹرز گروپ ریاض ریاض ہیلتھ کیئر لیڈرز فورم وفاقی وزیر صحت سید مصطفیٰ کمال.
ذریعہ
ذریعہ: WE News
کلیدی لفظ: ریاض وفاقی وزیر صحت سید مصطفی کمال کے لیے کہا کہ
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
ٹی20 ورلڈ کپ 2026: پاکستان نے سپر 8 کے لیے جگہ پکی کر لی