پنجاب میں کالجز کے لیے سیکیورٹی الرٹ، سخت اقدامات کا حکم جاری
اشاعت کی تاریخ: 13th, November 2025 GMT
پنجاب کے کالجز کے لیے سیکیورٹی الرٹ جاری کردیا گیا ہے۔
محکمہ داخلہ کے احکامات پر عمل کرتے ہوئے محکمہ ہائر ایجوکیشن نے تمام سرکاری و نجی کالجز کو سخت سیکیورٹی اقدامات اختیار کرنے کی ہدایت جاری کردی ہے۔
جاری کیے گئے مراسلے کے مطابق کالجز میں صرف ایک مرکزی دروازے سے داخلے کی اجازت ہوگی جبکہ دیگر تمام داخلی راستے بند رکھنے کے احکامات دیے گئے ہیں۔
یہ بھی پڑھیں: جاتی امرا میں سابق وزیر اعظم نواز شریف کی سیکیورٹی میں اضافہ
طلبا اور عملے کو ہدایت کی گئی ہے کہ وہ ہر وقت اپنے شناختی کارڈ ساتھ رکھیں، جب کہ کالجز میں بغیر اسٹیکرز کے گاڑیوں کے داخلے پر مکمل پابندی ہوگی۔
محکمہ ہائر ایجوکیشن نے تمام کالجز کو ہدایت کی ہے کہ داخلی راستوں پر واک تھرو گیٹس اور میٹل ڈٹیکٹرز نصب کیے جائیں۔
’بیگز اور گاڑیوں کی باقاعدہ چیکنگ یقینی بنائی جائے، اور کالج کی سرحدی دیواروں پر خاردار تاریں لگائی جائیں۔‘
مزید پڑھیں: اسلام آباد خود کش حملے کے بعد پنجاب بھر میں سیکیورٹی ہائی الرٹ
مزید ہدایت کی گئی ہے کہ رات کے اوقات میں احاطوں میں مناسب روشنی کا انتظام کیا جائے اور تمام عمارتوں میں آگ بجھانے کے آلات اور فائر الارم نصب ہوں۔
مراسلے کے مطابق تمام کالجز میں فعال سی سی ٹی وی کیمرے نصب کیے جائیں جو چوبیس گھنٹے نگرانی کریں۔
مزید پڑھیں: پنجاب میں سیکیورٹی صورتحال کے باعث سیف سٹی اتھارٹی ہائی الرٹ
طلبا کی تعداد کے لحاظ سے سیکیورٹی عملے میں اضافہ کیا جائے گا، جبکہ ہنگامی صورتحال سے نمٹنے کے لیے اساتذہ اور طلبا کو خصوصی تربیت دینے کی ہدایت بھی جاری کی گئی ہے۔
محکمہ ہائر ایجوکیشن نے تمام کالجز کے پرنسپلز کو ہدایت کی ہے کہ وہ آئندہ 7 روز کے اندر کیے گئے سیکیورٹی اقدامات کی رپورٹ جمع کروائیں تاکہ حفاظتی انتظامات کا ازسرِ نو جائزہ لیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الرٹ پنجاب سی سی ٹی وی سیکیورٹی کالجز کیمرے مراسلہ ہائر ایجوکیشن ہنگامی صورتحال.
ذریعہ
ذریعہ: WE News
کلیدی لفظ: الرٹ سی سی ٹی وی سیکیورٹی کالجز کیمرے مراسلہ ہائر ایجوکیشن ہنگامی صورتحال ہائر ایجوکیشن ہدایت کی کے لیے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار