کراچی: شہریوں کے لیے ای چالان کی شرح میں اضافہ، اب تک 61 ہزار 850 سے زائد جاری
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی میں ٹریفک قوانین کی خلاف ورزیوں کے خلاف جاری ای چالان مہم کے تازہ اعداد و شمار سامنے آگئے ہیں، شہرقائد میں اب تک مجموعی طور پر 61 ہزار 850 سے زائد چالان جاری کیے جا چکے ہیں۔
رپورٹ کے مطابق قانون کی خلاف ورزی پر 589 سرکاری گاڑیوں کو بھی ای چالان کیا گیا، جبکہ سندھ پولیس کی 118 موبائلز اور سرکاری گاڑیوں کے خلاف بھی کارروائی عمل میں آئی، جو اس مہم کی شفافیت کا واضح ثبوت ہے۔
اعداد و شمار میں بتایا گیا ہے کہ اب تک 964 ہیوی گاڑیوں کا چالان کیا جا چکا ہے۔ ٹریفک قوانین کی سب سے زیادہ خلاف ورزی موٹر سائیکل سواروں کے جانب سے سامنے آئی، جن میں بغیر ہیلمٹ چلنے والے 11 ہزار سے زائد موٹر سائیکل سوار شامل ہیں۔
اسی طرح ڈرائیونگ کے دوران سیٹ بیلٹ نہ باندھنے پر سب سے بڑی تعداد دیکھی گئی، جس کے نتیجے میں 41 ہزار 431 ای چالان جاری کیے گئے۔ ٹریفک سگنل کی خلاف ورزی پر 2 ہزار 200 جبکہ دورانِ ڈرائیونگ موبائل فون کے استعمال پر 1 ہزار 447 ڈرائیوروں کے خلاف کارروائی کی گئی۔
رپورٹ کے مطابق گاڑیوں پر سیاہ شیشے استعمال کرنے پر بھی کارروائی کرتے ہوئے اب تک 795 ای چالان جاری کیے گئے ہیں۔
حکام کا کہنا ہے کہ قانون کی خلاف ورزی کے خلاف یہ سخت اقدامات ٹریفک حادثات میں کمی اور سڑکوں پر بہتر نظم و ضبط کے قیام میں اہم کردار ادا کریں گے۔
کراچی میں ٹریفک پولیس نے ہیوی وہیکلز کی خلاف ورزیوں پر بڑی کارروائی کرتے ہوئے ایک ڈمپر کے مالک کو اب تک کا سب سے بڑا ای چالان جاری کردیا، مذکورہ ڈمپر میں نہ تو ٹریکر نصب تھا اور نہ ہی اس کے پاس فٹنس سرٹیفکیٹ موجود تھا، جس پر اسے ایک لاکھ روپے کا ای چالان جاری کیا گیا ہے۔
ویب ڈیسک
دانیال عدنان
ذریعہ: Jasarat News
کلیدی لفظ: چالان جاری کی خلاف ورزی کے خلاف
پڑھیں:
اسلام آباد میں دن کے وقت ہیوی ٹریفک کے داخلے پر پابندی کا اعلان
ویب ڈیسک :سی ٹی او اسلام آباد نے کہاہے کہ وفاقی دارالحکومت میں ہیوی ٹریفک کا داخلہ رات 12 بجے سے صبح 5 بجے تک ہوگا، جبکہ دن کے اوقات میں ہیوی ٹریفک کے داخلے پر مکمل پابندی ہو گی۔
چیف ٹریفک آفیسر کے مطابق گاڑیوں پر سیاہ شیشوں کے استعمال پر پابندی ہے، خلاف ورزی پرسخت قانونی کارروائی عمل میں لائی جائے گی ، موٹر سائیکل پر تین سواروں کےخلاف سخت کارروائی کی جائے گی، تمام بس اڈا مالکان،منیجرز کے ساتھ رابطہ اجلاس منعقد کیے جائیں گے۔
افغان کرکٹر راشد خان کی دوسری اہلیہ کون؟ تصاویر سامنے آگئیں
انہوں نے کہا کہ پبلک ٹرانسپورٹ اڈوں کےعلاوہ کسی اور مقام سے مسافر اتارنے،بیٹھانےکی اجازت نہیں ہو گی ، بس مالکان مسافروں کو ٹکٹ جاری کیے بغیر نہیں سوار کریں گے، سامان بردار گاڑیوں کے مالکان اور منیجر کے ساتھ بھی اجلاس کیے جائیں گے، تمام لوڈ شدہ گاڑیاں صرف مقررہ مقامات پر ہی خالی کی جائیں۔
27ویں آئینی ترمیم کے حق میں ووٹ نہ دینے فیصلہ: مولانا فضل الرحمان بیرون ملک چلے گئے