کینیڈا کے وزیراعظم کارنی نے ملکی خودمختاری کی قربانی دیدی، گرپتونت سنگھ پنوں
اشاعت کی تاریخ: 25th, November 2025 GMT
سکھ فار جسٹس (SFJ) کے جنرل کونسل گرپتونت سنگھ پنوں نے کینیڈا کے وزیراعظم جان کارنی پر شدید تنقید کرتے ہوئے کہا ہے کہ انہوں نے کینیڈا کی خودمختاری کو مؤثر طریقے سے قربان کر دیا ہے۔
پنون نے ایک خصوصی انٹرویو میں کہا کہ وزیراعظم کارنی اپنی ذمہ داریوں کی بجائے ایک ’بینک ٹیلر‘ کی طرح برتاؤ کر رہے ہیں، جو کرنسی گننے کے لیے تیار ہیں اور بھارتی حکومت کو نِجر سنگھ کے قتل اور بھارتی قونصل خانوں سے چلائے جانے والے جاسوسی نیٹ ورکس کے لیے جوابدہ ہونے سے بچا رہے ہیں۔
انہوں نے مزید کہا کہ کارنی کے رویے سے لگتا ہے کہ وہ کینیڈا کے شہریوں کے تحفظ کے بجائے بین الاقوامی دباؤ اور بھارتی انتظامیہ کے مفادات کو ترجیح دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
آپریشن سندور کی ناکامی پر بھارتی حکومت کا بیانیہ اپنے ہی شہریوں نے زمین بوس کر دیا
پروپیگنڈا اور گمراہ کن دعوؤں کے برعکس بھارتی نوجوان نے شکست خوردہ مودی حکومت کو آئینہ دکھا دیا۔
دہلی میں بھارتی مظاہرین نے آپریشن سندور میں شکست اورناکامی کو چھپانے کیلئےفوجیوں کی ہلاکت کو دبانے کے پاکستانی مؤقف کی تائید کر دی۔ دہلی میں مظاہرین نے تشدد کرنےوالے پولیس اہلکاروں کو مخاطب کر کے کہاکہ حکومت نے آپریشن سندور میں ہلاک ہونے والے فوجیوں کی شناخت اور ان کی قربانیوں کو عوام سے چھپایا۔
مظاہرین کا کہنا تھا کہ جو حکومت اپنے فوجیوں کی قربانیوں کو نظر انداز کرے، وہ کسی بھی اہلکار کے ساتھ ایسا کر سکتی ہے ، حکومت کو پولیس اور فوجی جوانوں کی زندگیوں اور قربانیوں کی کوئی پروا نہیں ہے۔
آپریشن سندور میں ہلاک ہونے والے فوجی جوانوں کے نام اور قربانیوں کو حکومتی سطح پر نظر انداز کیا گیا، تم حکومت کا ساتھ دیتے ہو،لیکن یہی حکومت تمہاری موت کے بعد تمہاری شناخت تک چھپا دیتی ہے۔
بھارتی عوام کا مودی کے خلاف اپنے غم و غصے کا اظہار کرتے ہوئے ان کے پوسٹر پھاڑ رہے ہیں اور ان کی تصویر پر چپلیں برسا رہے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی