’مجھے امیر بوائے فرینڈ کی ضرورت ہے‘، سامعہ حجاب کی شرط پر صارفین برہم
اشاعت کی تاریخ: 25th, November 2025 GMT
مشہور ٹک ٹاکر اور سوشل میڈیا انفلوئنسر سامعہ حجاب ایک بار پھر خبروں کی زینت بن گئیں، اس بار انہوں نے بوائے فرینڈ کی تلاش کے حوالے سے بیان دے کر توجہ حاصل کی۔ انہوں نے کہا کہ وہ ایسے بوائے فرینڈ کی تلاش میں ہیں جو انہیں مالی طور پر سپورٹ فراہم کرے۔
فی الحال میں اپنی مالیات خود سنبھال رہی ہوں، لیکن میں سنجیدگی سے ایک بوائے فرینڈ کی تلاش میں ہوں کیونکہ میں 3 ماہ سے سنگل ہوں، اور دبئی میں بغیر بوائے فرینڈ کے لڑکیوں کے لیے زندہ رہنا بہت مشکل ہے۔ مجھے واقعی ایک بوائے فرینڈ کی ضرورت ہے، لہٰذا اگر کوئی دلچسپی رکھتا ہے تو براہ کرم رابطہ کرے۔ ویسے بڑے دل والے لڑکے لڑکیوں پر خرچ کرتے ہیں۔
View this post on Instagram
A post shared by ???????????????????????????? ???????????????????????? (@baaazajaoo)
ان کی یہ ویڈیو سوشل میڈیا پر وائرل ہوئی، جس کے بعد صارفین کی جانب سے شدید تنقید کی گئی۔ ایک صارف نے کہا کہ کوئی بھی آپ پر مفت خرچ نہیں کرے گا، کیونکہ اس کے بدلے میں ناجائز تعلقات کی توقع ہوگی۔ ایک اور صارف نے کہا کہ سامعہ کو معاشرتی اخلاقیات اور اصولوں کی ضرورت ہے۔ کچھ صارفین نے ان کے رویے کو کھلے عام فحاشی اور سستی سوچ کی عکاسی قرار دیا۔
واضح رہے کہ اس سے قبل سماعہ حجاب اس وقت خبروں میں آئیں جب انہوں نے سابق منگیتر کے خلاف ہراساں کرنے اور جان سے مارنے کی دھمکیاں دینے کا مقدمہ درج کرایا تھا۔ ان الزامات کے بعد اسلام آباد پولیس نے فوری کارروائی کرتے ہوئے حسن زاہد کو گرفتار کر کے مختلف دفعات کے تحت مقدمات درج کیے تھے۔ بعد ازاں سامعہ حجاب نے تصدیق کی کہ وہ اپنے سابق منگیتر کو معاف کر چکی ہیں اور صلح ہو چکی ہے۔
یہ بھی پڑھیں: رجب بٹ اور سامعہ حجاب کی نامناسب گفتگو وائرل، سوشل میڈیا پر شدید تنقید
اس کے بعد سامعہ حجاب کی معروف یوٹیوبر اور وی لاگر رجب بٹ کے ساتھ ایک ویڈیو سوشل میڈیا پر وائرل ہوئی تھی جس میں رجب بٹ نے سامعہ حجاب کے جسم سے متعلق نامناسب تبصرے کیے، جن کا سامعہ نے بھی ہنستے ہوئے جواب دیا۔
رجب بٹ نے کہا کہ سامعہ کا جسم بہت خوبصورت ہے۔ جس پر سامعہ نے جواب میں کہا کہ ان کا پیٹ باہر نکلا ہوا ہے اور انہیں اسے کم کرنے کے لیے جم جانا پڑے گا۔ سامعہ نے مزید کہا کہ وہ ٹائٹ کپڑے پہنتی ہیں اور سب نے ان کا پیٹ دیکھا ہوا ہے۔ اس پر رجب نے کہا کہ میں نے کبھی تمہارے پیٹ پر غور نہیں کیا میں اور چیزوں پر غور کرتا ہوں، ہمارے لیے پیٹ ہی رہ گیا ہے۔
یہ بھی پڑھیں: سامعہ حجاب نے حسن زاہد کو کیوں معاف کیا؟ ٹک ٹاکر نے سب کچھ بتادیا
ویڈیو وائرل ہونے کے بعد مختلف صارفین نے اپنے تحفظات کا اظہار کرتے ہوئے اسے غیر اخلاقی، نازیبا اور خاندانی اقدار کے خلاف قرار دیا۔ کئی صارفین نے کہا کہ ایسے رویے شادیوں کے لیے خوفناک مثال ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دبئی رجب بٹ سامعہ حجاب سامعہ حجاب ویڈیو وائرل.ذریعہ: WE News
کلیدی لفظ: سامعہ حجاب ویڈیو وائرل بوائے فرینڈ کی سوشل میڈیا نے کہا کہ کے لیے کے بعد
پڑھیں:
گرل فرینڈ کی حفاظت کے لیے سرکاری وسائل کا استعمال، ایف بی آئی سربراہ کاش پٹیل تنقید کی زد میں
ایف بی آئی کے ڈائریکٹر کاش پٹیل کواپنی گرل فرینڈ الیگزیس ولکنز کی حفاظت کے لیے اسپیشل ایجنٹس اور دیگر سرکاری وسائل استعمال کرنے کے بعد شدید تنقید کا سامنا ہے۔
میڈیا رپورٹس کے مطابق سابق سینیئر ایجنٹ کرسٹوفر او لیری نے ’ایم ایس ناؤ‘ سے گفتگو میں کہا کہ اس اقدام کی ’کوئی جائز وجہ موجود نہیں تھی۔
’۔۔۔کیونکہ الیگزیس ولکنز نہ تو ان کی شریکِ حیات ہیں، نہ ان کے ساتھ رہتی ہیں اور نہ ہی اسی شہر میں رہتی ہیں۔‘
یہ بھی پڑھیں:امریکا میں سیاسی تشدد کے الزامات، ایف بی آئی کٹہرے میں
نیو یارک ٹائمز سے گفتگو میں انہوں نے کہا کہ کاش پٹیل کا سرکاری جیٹ کا ذاتی سفر کے لیے ضرورت سے زیادہ اور بے جا استعمال، اور اپنی گرل فرینڈ کی حفاظت کے لیے خصوصی ایجنٹس کی تعیناتی، ان کی قیادت کی کمی، کمزور فیصلوں اور غرور کی عکاسی کرتی ہے۔
Kash Patel fired a senior FBI official with 27 years of experience… because Patel was embarrassed Americans found out he used a $60 million government jet for dates with his girlfriend. Unbelievable. pic.twitter.com/R8eJhD3wGF
— Mark Warner (@MarkWarner) November 20, 2025
میڈیا رپورٹس کے مطابق اس ضمن میں سب سے نمایاں واقعہ اٹلانٹا میں منعقدہ نیشنل رائفل ایسوسی ایشن کے سالانہ کنونشن میں پیش آیا، جہاں الیگزیس ولکنز نے قومی ترانہ گایا تھا۔
کنٹری سنگر الیگزیس ولکنز وہاں 2 ایف بی آئی ایجنٹس کے ہمراہ پہنچیں، جنہیں مقامی فیلڈ آفس سے کاش پٹیل کے حکم پر بھیجا گیا تھا۔
مزید پڑھیں:سربراہ ایف بی آئی کاش پٹیل کی گرل فرینڈ کا پوڈکاسٹر کیخلاف ہتکِ عزت کا مقدمہ
یرغمالیوں کی بازیابی اور دیگر ہائی رسک مشن کے ماہر ان ایجنٹس کو جب معلوم ہوا کہ حالات محفوظ ہیں اور ولکنز کو کوئی فوری خطرہ نہیں، تو وہ ایجنٹس جلد ہی وہاں سے روانہ ہوگئے۔
اس اقدام پر کاش پٹیل شدید برہم ہوئے اور ٹیم کمانڈر کو اس بات پر ڈانٹا کہ انہوں نے ’انہیں بغیر تحفظ کے چھوڑ دیا‘ اور مناسب طور پر صورتحال سے آگاہ نہیں کیا۔
کاش پٹیل کا خیال تھا کہ چونکہ الیگزیس ولکنز کو آن لائن دھمکیاں ملتی رہی ہیں، اس لیے انہیں اب بھی ممکنہ خطرہ ہو سکتا تھا۔
مزید پڑھیں:ایف بی آئی کا ریاست مشی گن میں دہشتگرد حملہ ناکام بنانےکا دعویٰ
ستمبر کے آخر میں، یوٹاہ میں قدامت پسند رہنما چارلی کرک کے قتل کے بعد طویل ڈیوٹی کرنے والے ایجنٹس کو واپس بلا کر ایک سیاسی تقریب میں الیگزیس ولکنز کی حفاظت پر لگا دیا گیا، اس خدشے پر کہ انہیں بھی نشانہ بنایا جا سکتا ہے۔
کاش پٹیل کے ترجمان بین ولیمسن نے ان فیصلوں کا دفاع کرتے ہوئے کہا کہ الیگزیس ولکنز کو حفاظتی سیکیورٹی اس لیے دی گئی ہے کہ انہیں ڈائریکٹر پٹیل سے تعلق کی وجہ سے سینکڑوں جان سے مارنے کی قابلِ اعتبار دھمکیاں مل چکی ہیں۔
ایف بی آئی نے ’ایم ایس ناؤ‘ کو دیے گئے بیان میں کہا کہ ان کی حفاظت کے احترام میں ہم مزید تفصیلات فراہم نہیں کریں گے۔”
مزید پڑھیں: ڈونلڈ ٹرمپ بھارتیوں کے ساتھ اپنے سمدھیوں کو بھی بڑے عہدوں سے نوازنے لگے
اس سے قبل الیگزیس ولکنز نے متعدد دھمکی آمیز پیغامات کے اسکرین شاٹس بھی پوسٹ کیے تھے، جن میں انہیں ’گولی کھانے‘ یا خود کو نقصان پہنچانے کا کہا گیا تھا۔ ایک دھمکی 22 فروری 2025 کی ٹائم اسٹیمپ کے ساتھ سامنے آئی، یہ وہ دن تھا جب کاش پٹیل نے حلف اٹھایا تھا۔
اطلاعات کے مطابق کاش پٹیل سرکاری جیٹ کو ذاتی سفر، جیسے ولکنز سے ملنے یا تفریحی ٹرپس، کے لیے بھی استعمال کرتے رہے ہیں۔
اکتوبر میں کاش پٹیل نے اسی جیٹ پر اسٹیٹ کالج، پینسلوانیا کا سفر کیا، جہاں ولکنز نے ایک ریسلنگ تقریب میں قومی ترانہ پیش کیا۔ یہ سفر وفاقی حکومت کی شٹ ڈاؤن کی حالت میں کیا گیا۔
مزید پڑھیں:
قدامت پسند تجزیہ کار کائل سیرافن نے الزام لگایا کہ ڈائریکٹر نے جیٹ اپنی گرل فرینڈ کے ساتھ وقت گزارنے کے لیے استعمال کیا۔
کاش پٹیل نے ان تنقیدوں کو سوشل میڈیا پلیٹ فارم ایکس پر گھناؤنی اور بے بنیاد قرار دیتے ہوئے کہا کہ الیگزیس ولکنز ایک سچی محبِ وطن ہیں اور وہ خاتون جنہیں میں اپنی زندگی کی ساتھی کہنے پر فخر کرتا ہوں۔
واضح رہے کہ الیگزیس ولکنز نے یوٹاہ کے سابق سینیٹ امیدوار سیموئیل پارکر اور قدامت پسند پوڈ کاسٹر ایلیجا شیفر پر مقدمہ دائر کیا ہے، جنہوں نے انہیں اسرائیلی خفیہ ایجنٹ قرار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی الیگزیس ولکنز ایف بی آئی خفیہ ایجنٹ کاش پٹیل گرل فرینڈ
امریکا سے پاکستان تک، بھارت کو سب 7 جہاز گرنے کا یاد دلاتے رہیں گے، بلاول بھٹو