فیصل قریشی کی اچانک وزن میں کمی، وجہ کیا؟
اشاعت کی تاریخ: 30th, November 2025 GMT
پاکستان کے نامور اور ورسٹائل اداکار فیصل قریشی نے حالیہ دنوں میں اپنی وزن میں نمایاں کمی کے باعث مداحوں کو تشویش میں مبتلا کر دیا، تاہم اداکار نے ایک ایونٹ میں کے دوران اس کی اصل وجہ بتا دی۔
فیصل قریشی کئی مقبول ڈراموں میں اپنی شاندار اداکاری کے باعث جانے جاتے ہیں، آج کل جیو ٹی وی کے ہٹ ڈرامہ سیریل کیس نمبر 9 میں ’کامران‘ کے کردار کے ذریعے بے حد تعریفیں سمیٹ رہے ہیں، ریپ کے مجرم کے روپ میں ان کی خوفناک اور دل دہلا دینے والی اداکاری نے ناظرین کو حیران کر دیا ہے۔
امریکا کے شہر ہوسٹن میں ایک تقریب کے دوران گفتگو کرتے ہوئے فیصل قریشی نے بتایا کہ میرے وزن میں کمی کسی بیماری کے باعث نہیں بلکہ ایک نئے کردار کی تیاری کا حصہ ہے۔
اداکار نے کہا کہ میں خود کو خوش قسمت سمجھتا ہوں کہ مجھے ہمیشہ مختلف اور چیلنجنگ کردار ملتے ہیں، کیس نمبر 9 کو 8 ماہ ہو چکے ہیں اور اس دوران میں صرف اسکرپٹس پڑھتا رہا ہوں لیکن زیادہ تر کردار بڑی روایتی نوعیت کے تھے، میں نے اب ایک نیا اسکرپٹ فائنل کیا ہے اور اسی نئے کردار کے لیے وزن کم کیا ہے، میں بیمار نہیں ہوں، شوٹنگ دسمبر سے شروع ہوگی۔
فیصل قریشی کے اس بیان کے بعد مداحوں نے اطمینان کا اظہار کیا ہے کہ وزن میں تبدیلی کسی صحت کے مسئلے کا نتیجہ نہیں بلکہ ایک نئے پروجیکٹ کی تیاری ہے۔
.ذریعہ: Daily Mumtaz
کلیدی لفظ: فیصل قریشی
پڑھیں:
پنجاب کے بیشتر شہر آج بھی اسموگ کی لپیٹ میں
پنجاب کے بیشتر شہر آج بھی اسموگ کی لپیٹ میں ہیں، اب سے کچھ دیر پہلے فیصل آباد 578 ایئر پارٹیکولیٹ میٹرز کے ساتھ پنجاب کا آلودہ ترین شہر قرار پایا۔
عالمی ماحولیاتی ویب سائٹ کے مطابق بہاولپور کا 352 ریکارڈ، لاہور 257 اے کیو آئی کے ساتھ عالمی ایئرکوالٹی انڈیکس میں تیسرے نمبر پر ہے۔
محکمہ ماحولیات پنجاب کی ویب سائٹ کے مطابق لاہور 377 اے کیو آئی کے ساتھ پنجاب کا سب سے آلودہ شہر ہے، فیصل آباد 345 کے ساتھ دوسرے اور ملتان 338 کے ساتھ تیسرے نمبر پر ہے۔
پسنی کے ساحل پر نایاب اسپنر ڈولفن مردہ حالت میں برآمد، ڈبلیو ڈبلیو ایف کا اظہار تشویش