’پاکستان آئیڈل‘ نے زندگی یکسر تبدیل کر دی: رومیسہ طارق
اشاعت کی تاریخ: 30th, November 2025 GMT
پاکستان آئیڈل کے ٹاپ 16میں شامل لاہور کی رومیسہ طارق نے کہا ہے کہ پاکستان آئیڈل نے زندگی یکسر تبدیل کر دی ہے، لوگ اَب ہر جگہ مجھے پہچاننے لگے ہیں، میں نے میوزک نہیں سیکھا بلکہ مجھے گانے سن کر بہن نے مشورہ دیا کہ مزید گاتی رہو۔
نجی خبررساں ادارے سے گفتگو کرتے ہوئے رومیسہ طارق کا کہنا ہے کہ میری پرفارمنس کے دوران گایا گیا گیت’ لونگ گواچا‘ سوشل میڈیا پر وائرل ہوا جس نے مجھے ملک بھر میں مقبول بنا دیا۔
رومیسہ طارق نے یونیورسٹی آف لندن سے بزنس میں گریجویشن کر رکھی ہے، انہوں نے مزید بتایا کہ میں دوستوں کے ساتھ کھانا کھا رہی تھی جب معلوم ہوا کہ میری گائیکی وائرل ہو چکی ہے۔
فارغ اوقات میں رومیسہ گٹار بجا کر پریکٹس کرتی ہیں، گلوکاری کے ساتھ وہ ایک کامیاب سوشل میڈیا انفلوئنسر بھی ہیں، دوستوں کے ساتھ ویڈیوز بنانا اور باہر کھانا کھانا اُن کا پسندیدہ مشغلہ ہے۔
رومیسہ کی والدہ کا کہنا ہے کہ ہمارا تعلق پٹھان فیملی سے ہے جہاں گانا گانا معیوب سمجھا جاتا ہے، لیکن میں بیٹی کے خوابوں کے راستے میں کسی رکاوٹ کو نہیں آنے دوں گی۔
رومیسہ طارق نے کہا کہ بیک اسٹیج تمام اُمیدوار ایک دوسرے کی مدد کرتے ہیں، ماحول دوستانہ ہے، آنے والے راؤنڈز میں کامیابی کے لیے انہوں نے ووٹنگ کی ذمے داری دوستوں کی ایک طویل فہرست کو سونپ دی ہے اور وہ سخت مقابلے کے لیے پوری طرح تیار ہیں۔
.
ذریعہ
ذریعہ: Daily Mumtaz
پڑھیں:
لاہور: محکمۂ قانون پنجاب نے بجٹ کی تاریخ تبدیل کرنے کی تجویز دے دی
—فائل فوٹوپنجاب کے محکمۂ قانون نے بجٹ کی تاریخ تبدیل کرنے کی تجویز دے دی۔
ذرائع کے مطابق محکمۂ خزانہ نے 12جون کو بجٹ پیش کرنےکی تجویز دی ہے۔
محکمۂ قانون پنجاب کا کہنا ہے کہ جمعے کو سرکاری چھٹی کی وجہ سے بجٹ پیش نہ کیا جائے اور نہ اسمبلی کا خصوصی اجلاس بلایا جائے۔
پنجاب حکومت نے غیر قانونی اسلحہ کے خاتمے کیلئے نیا قانون تیار کر لیا ہے، جس کے تحت صوبے بھر میں کریک ڈاؤن تیز کرنے اور سخت سزائیں دینے کی تجویز دی گئی ہے۔
محکمۂ قانون کا کہنا ہے کہ پنجاب اسمبلی کے معمول کے اجلاس میں زیرِ التوا بل بھی منظور ہو جائیں گے اور 3 بلز منظور کرانے ہیں اس لیے معمول کا اجلاس طلب کیا جائے۔
محکمۂ قانون پنجاب کا یہ بھی کہنا ہے کہ بجٹ کے لیے مخصوص اجلاس میں بلز منظور نہیں ہوسکتے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ