متاثرین اسلام آباد حقوق کے حصول کے لیے متحد، ذیشان نقوی کو حقیقی نمائندہ قرار دے دیا
اشاعت کی تاریخ: 1st, December 2025 GMT
اسلام آباد کے متاثرین نے مسلم لیگ (ن) کے مرکزی رہنما اور فوکل پرسن پی ایم یوتھ پروگرام سید ذیشان علی نقوی کو متاثرین کا حقیقی نمائندہ قرار دے دیا۔
اس موقع پر مسلم لیگ (ن) کے رہنما سید ذیشان نقوی نے کہا کہ سیکٹرز ای 13، ڈی 13، ایچ 16، سی 13، ایف 13 اور سی 16 کے متاثرین کو ان کے جائز حقوق کی فراہمی پہلی ترجیح ہے۔
انہوں نے کہاکہ سی ڈی اے کے 2008 کے ایوارڈ کو نہیں مانتے، کسی کو بھی متاثرین کے حقوق پر ڈاکہ مارنے کی ہر گز اجازت نہیں دیں گے، سی ڈی اے اور بیوروکریسی کی چیرہ دستیوں کا ڈٹ کر مقابلہ کریں گے۔
وہ پیر کو شاہ اللہ دتہ ہاؤس میں متاثرین اسلام آباد کے اجلاس سے خطاب کر رہے تھے۔ اجلاس میں تمام متاثرہ سیکٹرز کے عمائدین نے بھرپور شرکت کی۔ اس موقع پر لیگی رہنما ملک فوجدار، ملک مہربان اعوان، ملک نازک، سید کفایت حسین شاہ، ذوالفقار شاہ و دیگر بھی موجود تھے۔
متاثرین اسلام آباد نے سی ڈی اے کی جانب سے اسلام آباد کے حقیقی وارثان کے حقوق پامال کرنے پر شدید احتجاج کیا اور اتحاد و اتفاق کا عہد کرتے ہوئے مسلم لیگی رہنما ذیشان نقوی کو اپنا حقیقی نمائندہ قرار دیا۔
اس موقع پر سید ذیشان نقوی نے سی ڈی اے کے 2008 کے ایوارڈ کو یکسر مسترد کرنے کا اعلان کرتے ہوئے کہا کہ کسی کو بھی متاثرین اسلام آباد کے حقوق پر ڈاکہ مارنے کی ہرگز اجازت نہیں دیں گے۔ سی ڈی اے اور بیوروکریسی کی چیرہ دستیوں کا ڈٹ کر مقابلہ کریں گے۔
ذیشان نقوی نے بتایا کہ مشیر وزیراعظم ڈاکٹر توقیر شاہ نے متاثرین کا کیس وزیراعظم کے سامنے احسن انداز میں پیش کیا۔ متاثرین اپنے حقوق کے تحفظ کے لیے متحد ہیں۔
فوکل پرسن پی ایم یوتھ پروگرام ذیشان نقوی کا کہنا تھا کہ شاہ اللہ دتہ میں جلد رجسٹریاں انتقال کھلیں گے، شاہ اللہ دتہ کو ماڈل ویلج بنائیں گے۔
انہوں نے کہاکہ سی 16 سیکٹر کا ایوارڈ دفتروں میں بیٹھ کر کیا گیا، سی ڈی اے کا 2008 کا ایوارڈ اور گوگل و سپارکو کا سروے نہیں مانتے، فزیکل سروے ہونا چاہیے۔ جو بچے اس وقت چھوٹے تھے آج بالغ ہو چکے ہیں، انہیں ان کے جائز حق سے محروم نہیں ہونے دیں گے۔
انہوں نے کہاکہ چیئرمین سی ڈی اے وزیراعظم کو غلط بریفنگ نہ دیں، سی ڈی اے سراسر زیادتی کر رہا ہے جسے ہم نہیں مانتے۔ ہم سب سیاسی وابستگیوں سے بالاتر ہو کر متاثرین کے ساتھ کھڑے ہیں، عوام کا مقدمہ لڑیں گے اور ہر فورم پر جائیں گے۔
ذیشان نقوی نے کہاکہ اسلام آباد کے عوامی نمائندوں اور تمام جماعتوں کے رہنماؤں سے متاثرین کے حقوق کے تحفظ کے لیے ملاقاتیں کریں گے۔ ہم متحد ہیں اور اتحاد و اتفاق سے اپنے حقوق لیں گے۔
ان کا کہنا تھا کہ ڈاکٹر توقیر شاہ نے متاثرین کے حقوق کے تحفظ کے لیے صدارتی آرڈیننس لانے میں اہم کردار ادا کیا۔ ہم ایک ایک متاثرہ شخص کو اس کا حق دلوانے تک چین سے نہیں بیٹھیں گے، وعدہ کرتا ہوں کہ جو جائز حقوق ہیں وہ لیکر دیں گے۔
اس موقع پر ملک فوجدار، ملک مہربان، بشارت خان، ملک جلال، سید علی شاہ، ملک صابر، ملک غلام دستگیر، حماد شاہ، اعظم خان، عزیر خان، طہ یاسین و دیگر نے خطاب کرتے ہوئے کہا کہ چیئرمین سی ڈی اے نے وزیراعظم شہباز شریف کو غلط بریفنگ دی۔ مشیر وزیراعظم ڈاکٹر توقیر شاہ متاثرین اسلام آباد کا حقیقی چہرہ ہیں۔
انہوں نے کہا کہ سی ڈی اے سفید ہاتھی اور کرپشن کی آماجگاہ ہے، متاثرین کو کچلنے کی ہر کوشش ناکام بنائیں گے۔
متاثرین اسلام آباد نے کہاکہ سی ڈی اے کے بابو دفاتر میں بیٹھ کر سروے کرتے ہیں۔ ہم اپنے حقوق کے حصول کے لیے ہر قسم کی قربانی دینے کو تیار ہیں۔ تمام متاثرین سی ڈی اے سیاسی وابستگیوں سے بالاتر ہو کر متحد ہیں، اپنے بچوں کے مستقبل کو بچانے کے لیے سر دھڑ کی بازی لگا دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ذیشان نقوی متاثرین اسلام آباد وی نیوز.
ذریعہ
ذریعہ: WE News
کلیدی لفظ: ذیشان نقوی متاثرین اسلام ا باد وی نیوز متاثرین اسلام آباد ذیشان نقوی نے اسلام آباد کے انہوں نے کہا متاثرین کے نے کہاکہ سی ڈی اے کے حقوق حقوق کے کے لیے دیں گے کہا کہ
پڑھیں:
کسی سیاسی جماعت کا نمائندہ نہیں، آئین کے مطابق قومی ذمہ داری نبھاؤں گا: گورنر سندھ نہال ہاشمی
گورنر سندھ نہال ہاشمی نے کہا ہے کہ وہ گورنر کے منصب پر رہتے ہوئے اپنی تمام ذمہ داریاں آئینِ پاکستان کے مطابق ادا کریں گے اور ان کی حیثیت کسی سیاسی جماعت کے نمائندے کی نہیں بلکہ وفاق کی آئینی ذمہ داریاں نبھانے والے عہدیدار کی ہوگی۔
انہوں نے ان خیالات کا اظہار ایڈیٹرز کلب کے ایک وفد سے ملاقات کے دوران کیا۔ ملاقات میں صحافت، تعلیم، گورننس اور سندھ کو درپیش مختلف امور پر تفصیلی تبادلۂ خیال کیا گیا۔
گورنر سندھ نے کہا کہ ان کی اولین ترجیح آئین اور قانون کے دائرے میں رہتے ہوئے اپنی قومی ذمہ داریاں ادا کرنا ہے۔ انہوں نے واضح کیا کہ گورنر ہاؤس میں بیٹھ کر وہ معاشرے کے تمام طبقات کے لیے یکساں طور پر دستیاب رہیں گے اور کسی بھی فیصلے میں سیاسی یا لسانی وابستگی کو بنیاد نہیں بنایا جائے گا۔
انہوں نے کہا کہ وہ لسانی تعصبات سے بالاتر ہو کر سندھ کے تمام شہریوں کی خدمت پر یقین رکھتے ہیں اور بطور گورنر ان کا کردار صوبے کے مختلف طبقات کے درمیان ہم آہنگی، اعتماد اور باہمی تعاون کو فروغ دینا ہوگا۔
صحافت کے حوالے سے گفتگو کرتے ہوئے نہال ہاشمی نے کہا کہ سوشل میڈیا اور ریلز کلچر نے معلومات کی ترسیل کا انداز بدل دیا ہے، تاہم اس تبدیلی کے ساتھ پیشہ ورانہ صحافت کے بنیادی اصولوں کو نظرانداز نہیں کیا جانا چاہیے۔ ان کا کہنا تھا کہ سنجیدہ صحافت کی بنیادی ذمہ داری تحقیق، حقائق اور عوامی مفاد کو مقدم رکھنا ہے۔
انہوں نے میڈیا اداروں پر زور دیا کہ وہ اپنی ادارتی پالیسیوں اور ایڈیٹوریل گائیڈ لائنز کو مزید مؤثر بنائیں تاکہ نئے آنے والے رپورٹرز کی بہتر تربیت کی جا سکے۔ ان کے بقول صحافیوں کو یہ سکھانا وقت کی اہم ضرورت ہے کہ وہ متعلقہ، بامقصد اور مؤثر سوالات کریں، کیونکہ معیاری سوال ہی معیاری صحافت کی بنیاد بنتا ہے۔
گورنر سندھ نے تعلیم کے شعبے کو اپنی ترجیحات میں شامل قرار دیتے ہوئے کہا کہ وہ سندھ میں تعلیمی نظام کی بہتری کے لیے ہر ممکن کردار ادا کریں گے۔ انہوں نے اس عزم کا اظہار کیا کہ تعلیم کے شعبے میں اصلاحات اور معیار کی بہتری کے لیے متعلقہ اداروں کے ساتھ مل کر کام کیا جائے گا تاکہ نوجوانوں کو بہتر تعلیمی مواقع میسر آ سکیں۔
انہوں نے اپنی طرزِ حکمرانی پر بھی روشنی ڈالتے ہوئے کہا کہ وہ گورنر ہاؤس ہی میں رہائش پذیر ہیں، اس لیے غیر ضروری پروٹوکول کے قائل نہیں۔ ان کا کہنا تھا کہ جب سرکاری رہائش گاہ موجود ہے تو غیر ضروری نقل و حرکت اور بڑے پروٹوکول کی ضرورت باقی نہیں رہتی۔ سادگی، کفایت شعاری اور عوامی سہولت کو ترجیح دینا ہی بہتر طرزِ حکمرانی ہے۔
ملاقات کے دوران وفد کے ارکان نے بھی میڈیا کو درپیش چیلنجز، صحافیوں کی پیشہ ورانہ تربیت، تعلیم اور گورننس سے متعلق مختلف امور پر اپنے خیالات کا اظہار کیا۔ گورنر سندھ نے اس موقع پر صحافتی برادری کے ساتھ مسلسل رابطے اور تعمیری مکالمے کو وقت کی اہم ضرورت قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گورنر سندھ نہال ہاشمی
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم