پی ایس ایل کو عالمی معیار کی سب سے کامیاب کرکٹ لیگ بنانا چاہتے ہیں: محسن نقوی
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
تاریخ میں پہلی بار ایچ بی ایل پاکستان سپر لیگ (پی ایس ایل) کا روڈ شو لارڈز کرکٹ گراؤنڈ میں منعقد ہوا، جس نے نہ صرف پاکستانی کرکٹ کی عالمی پہچان کو اجاگر کیا بلکہ شائقین کو بھی بھرپور تفریح فراہم کی۔ اس موقع پر پی سی بی اور پی ایس ایل کی اعلیٰ قیادت کے علاوہ معروف قومی کرکٹرز بھی موجود تھے، جنہوں نے لیگ کے مستقبل اور ترقی کے منصوبوں پر تبادلہ خیال کیا۔
پی سی بی کے چیئرمین محسن نقوی نے تقریب سے خطاب کرتے ہوئے کہا کہ پی سی بی اور پی ایس ایل کی انتظامیہ مشترکہ طور پر پاکستان کرکٹ کو نئی بلندیوں تک پہنچانے کے لیے کام کر رہی ہے، ہماری کوشش ہے کہ پی ایس ایل دنیا کی نمبر ون لیگ بنے، اور ہمارے قومی کھلاڑیوں میں عالمی معیار کی صلاحیت موجود ہے۔
محسن نقوی نے مزید کہا کہ پی ایس ایل میں سرمایہ کاری کرنے والے باوثوق فوائد حاصل کریں گے، لیگ کی نئی بڈنگ شفاف اور اوپن ہوگی، اسلام آباد میں نیا کرکٹ اسٹیڈیم تعمیر کیا جائے گا اور ہر اسٹیڈیم میں شائقین کے لیے میوزیکل کانسرٹس بھی منعقد ہوں گے۔ علاوہ ازیں، لیگ کی مقبولیت کو بڑھانے کے لیے امریکہ کے شہر نیویارک میں بھی روڈ شو کی منصوبہ بندی کی جارہی ہے اور بہت جلد او ٹی ٹی پلیٹ فارم کے ذریعے میچز کی براہِ راست نشریات بھی شروع ہوں گی۔
قومی کرکٹ ٹیم کے اسٹار بیٹر اور سابق کپتان بابر اعظم نے پینل ڈسکشن میں کہا کہ سینئر کھلاڑیوں کی رہنمائی نے ان کے کھیل کو نکھارا، اور وہ نوجوان کھلاڑیوں کو اپنے تجربات سے استفادہ کرنے کی ترغیب دیتے ہیں۔
ان کا کہنا تھا کہ پی ایس ایل کا کامیاب انعقاد پاکستان کرکٹ کی ایک بڑی کامیابی ہے، جس نے مقامی ٹیلنٹ کو عالمی سطح پر خود کو منوانے کا موقع فراہم کیا۔
پی ایس ایل کے سی ای او سلمان نصیر نے کہا کہ لارڈز میں اس شاندار تقریب کے انعقاد پر خوشی ہے، لیگ میں دو ٹیموں کی فرنچائز کے لیے بڈز کھلے ہیں اور یہ اقدام پاکستان میں کرکٹ کی ترویج کے لیے اہم کردار ادا کرے گا۔ شائقین اب اسٹڈیم میں بہترین کھیل کا لطف اٹھا سکیں گے، جو پاکستان کرکٹ کی بڑھتی ہوئی مقبولیت کا ثبوت ہے۔
سابق کرکٹر وسیم اکرم نے پینل گفتگو کے دوران کہا کہ پی ایس ایل نے مقامی ٹیلنٹ کو اہم مواقع فراہم کیے ہیں اور یہ لیگ شائقین کرکٹ کے لیے تفریح اور معیاری کرکٹ کا حسین امتزاج پیش کرتی ہے۔ ساتھ ہی رمیز راجہ نے کہا کہ پی ایس ایل کی بدولت پاکستانی کرکٹ فروغ پا رہی ہے، اور نوجوان کھلاڑی عالمی کرکٹرز کے ساتھ کھیلنے کے تجربے سے اپنے کھیل کو نئی جہت دے رہے ہیں۔
ذریعہ
ذریعہ: Jasarat News
کلیدی لفظ: کہ پی ایس ایل کہا کہ پی کرکٹ کی کے لیے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ