سیلز ٹیکس ایک ہی ہونا چاہیے ، ایڈیشنل چارجز کا کوئی جواز نہیں
اشاعت کی تاریخ: 11th, January 2025 GMT
فیصل آباد (کامرس ڈیسک)فیصل آباد چیمبر آف کامرس اینڈانڈسٹری کے صدر ریحان نسیم بھراڑہ نے کہا کہ ایشیا کی سب سے بڑی یارن مارکیٹ کی بحالی کیلئے تمام سٹیک ہولڈرز کو باہمی افہام و تفہیم سے کام کرنا ہوگا۔فیصل آباد چیمبر آف کامرس اینڈانڈسٹری میں منعقد ہونیوالے پاکستان یارن مرچنٹس ایسوسی ایشن کے ہنگامی اجلاس سے خطاب کرتے ہوئے انہوں نے کہا کہ سیلز ٹیکس ایک ہی ہونا چاہیے جبکہ سیلز ٹیکس کے بعد ایڈیشنل چارجز کا قطعاً کوئی جواز نہیں۔انہوں نے کہا کہ سیلز ٹیکس کی شرح کو کم کرنے کے علاوہ سیلز ٹیکس کی وصولی کے نظام میں دو عملی کو ختم کرنے کیلئے اصلاحات کی بھی اشد ضرورت ہے۔ سینئر نائب صدر قیصر شمس گچھا نے کہا کہ یارن کا کاروبار کرنے والے ہر فرد کو رجسٹرڈ ہونا چاہیے۔انہوں نے کہا کہ دس سے 15لاکھ روپے کا مال بیچنے پر ٹیکس کی چھوٹ ہونی چاہیے جبکہ 5لاکھ سے زائد مالیت کی تمام ٹرانزیکشن بینک کے ذریعے ہونی چاہیے۔انہوں نے کہاکہ برآمد کنندگان کو اپنی ضروریات کے مطابق یارن کی درآمد کی اجازت ہونی چاہیے لیکن لوکل کاروبار کرنے والوں کے مفادات کا بھی تحفظ کیا جائے۔
.ذریعہ: Jasarat News
کلیدی لفظ: انہوں نے کہا نے کہا کہ
پڑھیں:
پاکستان نے اسرائیل کو تسلیم کیا اور نہ ہی ایسی کوئی بات ہے، ایاز صادق
اسپیکر قومی اسمبلی سردار ایاز صادق نے کہا ہے کہ پاکستان نے اسرائیل کو تسلیم کیا، نہ ایسی کوئی بات ہے، پاکستان اور آٹھ ممالک نے اسرائیل کے غزہ سے نکلنے کی بات کی ہے، فلسطین کے مسئلے پر سیاست سے پرہیز کرنا چاہیے۔
لاہور میں تقریب سے خطاب میں ایاز صادق نے کہا کہ سابق سینیٹر مشتاق احمد خان کی رہائی کے لیے وزیر خارجہ اسحاق ڈار کوشش کر رہے ہیں۔ وزیر خارجہ اسحاق ڈار نے سینیٹر مشتاق احمد کی رہائی کےلیے کچھ یورپی مالک سےرابطہ ہے۔
انہوں نے کہا کہ اس مسئلے پر سیاست اہل فلسطین کی خدمت نہیں ہے، وہاں قتل عام ہورہا ہے، پاکستان اور دیگر 8 ممالک نے اسرائیل کے غزہ سے نکلنے کی بات کی ہے۔
اسپیکر قومی اسمبلی نے مزید کہا کہ دفاعی معاہدے کے تحت سعودی عرب پر حملہ پاکستان پر حملہ تصور ہوگا اور اسی طرح پاکستان پر حملہ سعودی عرب پر حملہ تصور ہوگا۔
اُن کا کہنا تھا کہ حرمین شریفین کی حفاظت کی ذمہ داری ملنا اللّٰہ کی کرم نوازی ہے، دوسرے ممالک بھی پاکستان کےساتھ سعودی عرب جیسا معاہدہ چاہتے ہیں، دنیا کا ہر ملک پاکستان کو عزت کی نگاہ سے دیکھ رہا ہے۔ امریکا بھی کہتا ہے کہ ہم آپ کی بات سمجھتے ہیں۔
انہوں نے کہا کہ ڈیفالٹ سے بچ گئے ہیں اب ترقی کی طرف گامزن ہیں، سی پیک ہوا تو سازش ہوئی، سی پیک ٹو ہورہا ہے تو سازش ہورہی ہے، حکومت اور سیکیورٹی فورسز مل کر سازش کرنے والوں کا محاسبہ کریں گے۔
اسپیکر قومی اسمبلی نے کہا کہ آزاد کشمیر میں قانون ہاتھ میں لینے والوں کے خلاف سخت کارروائی ہوگی، قومی تنصیبات پر حملہ کرنے والوں کو کیفر کردار تک پہنچایا جائے گا۔
اُن کا کہنا تھا کہ وزیراعلیٰ پنجاب کا شکریہ کہ انہوں نے فنڈز کی فراہمی میں کوئی کمی نہیں چھوڑی، شہر کی ٹوٹی سڑکوں کو پختہ کرائیں گے، شہر شہر، گاؤں گاؤں میں سیوریج کا جال بچھایا جائے گا۔
کراچی، اورنگی ٹاؤن میں ڈکیتی مزاحمت پر اولاد کے سامنے باپ کا قتل