شرح سود سنگل ڈیجٹ پر لائی جائے، انڈسٹری مشکلات کا شکار، شیخ عمر
اشاعت کی تاریخ: 25th, January 2025 GMT
کراچی( کامرس رپورٹر) پاکستان وناسپتی مینوفیکچررز ایسوسی ایشن (پی وی ایم اے) کے چیئرمین شیخ عمر ریحان نے اسٹیٹ بینک آف پاکستان سے مطالبہ کیا ہے کہ 27 جنوری کو ہونے والے مانیٹری پالیسی کمیٹی کے اجلاس میں شرح سود کو کم کرکے سنگل ڈیجٹ پر لایا جائے۔ انہوں نے کہا کہ موجودہ 13 فیصد شرح سود انڈسٹری کے لیے شدید مشکلات کا باعث بن رہی ہے اور معیشت کی بحالی کے لیے فوری اقدامات کی ضرورت ہے۔ شیخ عمر ریحان نے کہا کہ شرح سود اب بھی خطہ میں سب سے زیادہ اور کاروبار کے لیے مہنگائی اور مالی بوجھ میں اضافے کا سبب بن رہا ہے۔ زیادہ شرح سود کی وجہ سے کاروباری لاگت میں بے تحاشہ اضافہ ہو چکا ہے، جس سے نہ صرف انڈسٹری کی پیداوار متاثر ہو رہی ہے بلکہ معیشت کی ترقی کی رفتار بھی سست ہو گئی ہے۔ انہوں نے مزید کہا کہ بلند شرح سود کے باعث صنعتی شعبے کو قرضوں کے حصول میں دشواری کا سامنا ہے، جس سے آپریشنز کی لاگت بڑھ گئی ہے اور نئے سرمایہ کاری کے مواقع محدود ہو گئے ہیں۔ شیخ عمر ریحان نے کہا کہ شرح سود میں کمی لانا ضروری ہے تاکہ صنعتوں کو اپنی مالی حالت بہتر بنانے اور معیشت میں اپنا کردار ادا کرنے کے لیے سازگار ماحول فراہم کیا جا سکے۔ پی وی ایم اے کے چیئرمین نے یہ بھی کہا کہ موجودہ معاشی حالات میں صنعتی شعبے کو اضافی بوجھ سے بچانا وقت کی اہم ضرورت ہے۔
.ذریعہ: Jasarat News
پڑھیں:
پاکستان کی کامیابی سے بھارت کی معیشت ہچکولے کھاررہی ہے، سعید غنی
کراچی(اُردو پوائنٹ اخبارتازہ ترین - این این آئی۔ 15 اگست2025ء)بھارت کے خلاف آپریشن بنیان المرصوس میں پاکستان کی کامیابی سے بھارت کی معیشت ہچکولے کھار رہی ہے،بھارت دنیا میں تنہا ہوچکا ہیجبکہ پاکستان کے ساتھ دنیا کھڑی ہے،بھارتی عوام بھی موودی سے نفرت کرنے لگے ہیں کیونکہ موودی نے بھارتی معیشت کو تباہی سے دوچار کردیا ہے۔ان خیالات کا اظہار گزشتہ روز صوبائی وزیربلدیات سعید غنی نے نارتھ کراچی ایسوسی ایشن میں صدر نکاٹی فیصل معیز خان اور انکے رفقاکی جانب سے دیئے گئے ظہرانے میں اپنے خطاب کے دوران کیا۔اس موقع پر صدر نکاٹی فیصل معیز خان ،یونس خمیسانی اور دیگر بھی موجود تھے۔ صوبائی وزیر سعید غنی نے کہا کہ میرافوج کے بہت سارے اقدامات سے کھلااختلاف رہاہے لیکن ملک کادفاع صرف فوج ہی کرسکتی ہے کوئی اور نہیں کرسکتا ،مضبوط فوج تمام اختلافات کے باوجودضرورت ہے ،جوجماعت فوج کوکمزورکرناشروع کردیں تواس کا مطلب ہے کہ وہ ملک دشمن کے ایجنڈے میں ہے۔(جاری ہے)
وزیر بلدیات سندھ سعید غنی نے کہا کہ دنیا کے خطے پر مضبوط ملک دکھائی دینے والا بھارت اب کمزور ترین نظر آنے لگا ہے،پاکستان کو دنیا بھر میں پذیرائی مل رہی ہے اور اب ہمیں دشمنوں کی سزشوں سے بچ کر اپنی اور اپنے ملک کی عزت رکھی ہے۔ انہوں نے کہا کہ پاکستان پیپلز پارٹی نے ہمیشہ تاجروں اور صنعتکاروں کے مسائل ترجیحی بنیادوں پر حل کئے جبکہ وزیراعلی مراد علی شاہ نے صنعتی علاقوں کے ترقیاتی کاموں کیلئے فنڈز بھی مہیا کئے،چیئرمین بلاوہ بھٹو زرداری کی ہمیں خصوصی ہدایت ہے کہ صنعتی ترقی کیلئے صنعتکاروں سے ہرممکن تعاون کیا جائے۔ نارتھ کراچی ایسوسی ایشن اف ٹریڈ اینڈ انڈسٹری کے صدر فیصل معیز نے کہا کہ78واں یوم آزادی ہے جوبھارت کی شکست کی وجہ سے عظیم بن گیا۔انہوں نے کہا کہ پاک فوج نے بھارت کو منہ توڑ جواب دیا، فیلڈ مارشل سید عاصم منیراور پاک فوج پرہمیں فخر ہے ۔
33 دہشت گردوں کو جہنم واصل کرنا پاک افواج کا عظیم کارنامہ ہے، حنیف عباسی