فیصل آباد: خاتون سے مبینہ اجتماعی زیادتی کا مرکزی ملزم گرفتار
اشاعت کی تاریخ: 28th, March 2025 GMT
— فائل فوٹو
فیصل آباد میں خاتون سے مبینہ اجتماعی زیادتی کرنے والے مرکزی ملزم کو پولیس نے گرفتار کرلیا۔
فیصل آباد میں ڈاکوؤں نے موٹر وے کے قریب میاں بیوی کو روک کر شوہر کو باندھ کر اس کی بیوی کو زیادتی کا نشانہ بنایا تھا۔
ترجمان پولیس کے مطابق شوہر نے مبینہ وقوعہ کے بارہ گھنٹے بعد پولیس سے رابطہ کیا واقعہ کی ہر پہلو سے تفتیش کی جا رہی ہے۔
پولیس کا کہنا ہے کہ تھانہ ساندل بار کے علاقے میں دو روز قبل دوران واردات شادی شدہ خاتون سے تین افراد کی اجتمائی زیادتی کا مقدمہ درج کرلیا گیا تھا۔
ملزمان کی گرفتاری کے لیے ایس پی اقبال ٹاؤن کی سربراہی میں چھاپہ مار ٹیمیں تشکیل دے دی گئی تھیں۔
.ذریعہ: Jang News
پڑھیں:
کراچی میں ایک اور ٹرالے نے خاتون کو کچل دیا، ڈرائیور گرفتار
شہر قائد کے علاقے بنارس باچا خان چوک پر ٹرک کے پہیوں تلے کچل کر خاتون جاں بحق ہوگئی۔
ایکسپریس نیوز کے مطابق پیر آباد بنارس کے قریب ٹرک کے پہیوں تلے کچل کر خاتون جاں بحق ہوگئی ، پولیس نے ڈرائیور کو گرفتار کر کے ٹرک اپنے قبضے میں لے لیا۔
متوفیہ کی لاش ضابطے کی کارروائی کے لیے عباسی شہید اسپتال منتقل کی گئی جہاں اس کی شناخت 35 سالہ شہناز کے نام سے کی گئی۔
اس حوالے سے ایس ایچ او پیر آباد انیس الرحمٰن نے بتایا کہ متوفیہ موٹر سائیکل پر کسی قریبی رشتے دار کے ساتھ سوار تھی جبکہ حادثہ بنارس باچا خان چوک پر پیش آیا جس میں خاتون موٹر سائیکل کا توازن بگڑنے پر پشت کے بل سڑک پر گر گئی اور قریب سے گزرنے والے ٹرک جس پر کنٹینر بھی لدا ہوا تھا اس کے پچھلے پہیوں تلے کچل کر جاں بحق ہوگئی۔
تاہم پولیس نے ڈرائیور علی حمزہ کو گرفتار کر کے 10 ویلر ٹرک نمبر پی 3732 کو اپنے قبضے میں لے لیا ہے، متوفیہ 5 بچوں کی ماں اور منگھوپیر کواری کالونی کی رہائشی ہے جبکہ متوفیہ کا شوہر ملازمت کی وجہ سے سعودی عرب میں مقیم ہے۔
پولیس نے قانونی کارروائی کے بعد متوفیہ کی لاش ورثا کے حوالے کر دیا جبکہ گرفتار ڈرائیور کے خلاف قانونی کارروائی عمل میں لائی جا رہی ہے۔
سابق پاکستانی ماڈل عبیر افتخار کے شوہر کو برطانیہ میں قید کی سزا