لاہور میں محنت کشوں کے لیے جدید کارڈیک سٹی بنانے کا اعلان
اشاعت کی تاریخ: 1st, May 2025 GMT
وزیراعلیٰ مریم نواز شریف نے لاہور میں محنت کشوں کیلیے اپنی نوعیت کا پہلا 200بیڈ کا جدید ترین کارڈیک سٹی بنانے کا اعلان کردیا۔
محنت کشوں کے عالمی دن کے موقع پر وزیراعلیٰ مریم نوازشریف نے ورکروں، کان کنوں اور کار کنوں کی صنعتی خدمات کو زبردست خراج تحسین کرتے ہوئے کہا کہ محنت کش اللہ کا دوست ہے، ہم اللہ تعالیٰ کے دوست کی قدر اور احترام کرتے ہیں۔
انہوں نے لیبر ڈے کے موقع پر محنت کشوں کیلیے تقریباً 84 ارب روپے کے مجموعی پیکج کا اعلان کیا۔جس میں سے راشن کارڈ کے ذریعے12 لاکھ سے زائد ورکرز اور کان کن 3 ہزار روپے ماہانہ سبسڈی حاصل کر سکیں گے۔
وزیراعلیٰ مریم نواز نے کہا کہ ورکرز کیلیے 3 شہروں میں اسٹیٹ آف دی آرٹ ویلنس سنٹر بنائیں گے۔ لاہور میں محنت کشوں کے لیے اپنی نوعیت کا پہلا 200بیڈ کا جدید ترین کارڈیک سٹی بنائیں گے۔
انہوں نے کہا کہ واربرٹن میں صنعتی مزدوروں کے لیے نئی لیبر کالونی اور ملتان میں فیز ٹو بنائیں گے۔ فیکٹریوں میں خواتین ورکرز کی سہولت کے لیے 300 ڈے کیئر سنٹر بنارہے ہیں۔
مریم نواز نے کہا کہ پہلی مرتبہ صوبہ بھر میں کم از کم اجرت کی ادائیگی یقینی بنائی جارہی ہے کیونکہ ورکروں کے بغیر کوئی بھی قوم ترقی کی منزلیں طے نہیں کر سکتی۔
انہوں نے کہا کہ جے ایس بینک کارڈ کے ذریعے ورکر ڈیجیٹل کش ٹرانسفر، ایڈوانس سیلری اور لیبر ڈے انعامات سمیت 13دیگر فوائد حاصل کر سکیں گے۔ قصور اور سرگودھا میں 50،50 بیڈز کے سوشل سیکورٹی ہسپتالوں کا افتتاح کردیا گیا ہے جبکہ مزدوروں کے لیے رحیم یار خان میں 50بیڈکا سوشل سیکورٹی ہسپتال بنائیں گے۔ ورکروں کو بہترین معالجین سے علاج کی سہولت فراہم کرنے کے لیے ٹیلی کلینکس بنارہے ہیں۔ ٹیکسلا میں لیبر کالونی اور سندر سٹیٹ میں ورکر ویلفیئرکمپلیکس کاافتتاح خوش آئند ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
محنت کشوں کا عالمی دن مریم نواز.ذریعہ: WE News
کلیدی لفظ: محنت کشوں کا عالمی دن مریم نواز مریم نواز بنائیں گے نے کہا کہ کے لیے
پڑھیں:
پاکستانی فوج دشمن کے ہر وار کے مقابلے کی صلاحیت رکھتی ہے، مریم نواز
وزیراعلیٰ پنجاب مریم نواز نے کہا ہے کہ پاکستانی فوج دشمن کے ہر وار کا مقابلہ کرنے کی صلاحیت رکھتی ہے۔
ایک تقریب سے خطاب میں مریم نواز نے کہا کہ ہم ایٹمی قوت ہیں، آج اگر پاکستان کا دفاع ناقابل تسخیر ہے تو اس میں غازیوں اور شہدا کی قربانیاں اور نواز شریف کی حقیر سی کوشش ہے۔
انہوں نے کہا کہ ہمارا تعلق کسی بھی سیاسی جماعت سے ہو، کوئی بھی سیاسی نظریہ ہو اگر ہم پاکستانی ہیں تو اس وقت ہمیں اپنی افواج کے ساتھ کھڑا ہونا ہے تاکہ وہ سیسہ پلائی دیوار کی طرح ہوں۔
وزیراعلیٰ پنجاب نے مزید کہا کہ اللہ تعالی نے پاکستانی قوم اور افواج کو اتنی طاقت دی ہے کہ ہم دشمن کا مقابلہ کر سکتے ہیں، پاکستان ایک ایٹمی قوت ہے جس کی وجہ سے دشمن پاکستان پر حملہ کرنے سے پہلے سو مرتبہ سوچے گا۔
اُن کا کہنا تھا کہ اگر پاکستان کو کسی نے ترقی دینے کا سوچا تو نواز شریف نے سوچا، ن لیگی قائد ہی نے سڑکوں کا جال بچھایا اور ملک کو ایٹمی طاقت کی بنانے کی کوشش کی۔
مریم نواز نے یہ بھی کہا کہ ملک کی ترقی میں محنت کشوں کا ہاتھ ہے، مزدوروں کو راشن کارڈ دینے جا رہے ہیں جس سے محنت کشوں کو ہر مہینے 3 ہزار روپے ملیں گے۔
انہوں نے کہا کہ راشن کارڈ کا منصوبہ سالانہ 50 ارب روپے سے شروع کر رہے ہیں، جو محنت کشوں کےلیے ہے، رمضان پیکیج لوگوں کو گھر پر دیا گیا۔
وزیراعلیٰ پنجاب نے کہا کہ اللہ تعالی نے جو ہمیں موقع دیا ہے وہ پیسہ بنانے کے لیے نہیں ہے لوگوں کی خدمت کےلیے ہے، پورے پنجاب میں سڑکوں کا جال بچھ رہا ہے۔
اُن کا کہنا تھا کہ 30 ہزار گھر بن چکے ہیں، اس سال ایک لاکھ گھر بنا کر دیں گے، یونیورسٹی کے 50 ہزار طلباء کو اسکالرشپ دے رہے ہیں، کل سے طلباء کو لیپ ٹاپ دینے جا رہے ہیں۔
مریم نواز نےکہا کہ لاہور کی سڑکوں پر چلنے والی الیکٹرک بسوں کا کرایہ صرف 20 روپے رکھا ہے، ہم اے آر ٹی بسیں لے کر آ رہے ہیں، گوجرانوالہ میں اس سال میٹرو بس چلائیں گے۔
انہوں نے کہا کہ پاکستان کا پہلا سرکاری کینسر اسپتال لاہور میں تیار ہونے کے قریب ہے، ہم روٹی کی قیمت بھی نیچے لائے ہیں اور بجلی کی قیمت بھی کم کی ہے، جب کوئی خدمت کرتا ہے تو وہ نظر آتی ہے۔
وزیراعلیٰ پنجاب نے کہا کہ این ایف سی کے بعد تمام صوبوں کے پاس وسائل ہیں، جب کوئی محنت کرے گا تو وہ نظر بھی آئے گی۔
ان کا کہنا تھا کہ ہم کسانوں کو براہ راست سبسڈی دینے جا رہے ہیں، آج آٹا سستا ہے اور لوگوں کی خرید سے دور نہیں ہے۔
مریم نواز نے کہا کہ پنجاب میں ریاست خود چل کر شہری کی دہلیز پر آتی ہے، میں آپ کی جنگ لڑ رہی ہوں اور جب تک آپ کے گھر خوشحالی نہیں آجاتی ہم آپ کی جنگ لڑتے رہیں گے۔
مریم نواز سے ایتھوپیا کے سفیر کی ملاقات، تعلقات مضبوط بنانے پر زور