پہلگام واقعہ؛ بھارت میں بابراعظم، رضوان کے سوشل اکاؤنٹس بھی بند
اشاعت کی تاریخ: 2nd, May 2025 GMT
لاہور(سپورٹس ڈیسک)پہلگام واقعے میں اپنی فوجی ناکامی کو چُھپانے اور پاکستان پر الزام تراشی کے بعد بیانات سے بچنے کیلئے بھارت نے قومی ٹیم کے کپتان محمد رضوان اور اسٹار بیٹر بابراعظم کا یوٹیوب اکاؤنٹ بھی بلاک کردیا۔
میڈیا رپورٹس کے مطابق بھارتی وزارت داخلہ کی سفارش پر مجموعی طور پر 16 پاکستانی یوٹیوب چینلز پر پابندی عائد کی گئی تھی، جس میں 3 سابق پاکستانی کرکٹرز کے یوٹیوب چینلز بھی شامل ہیں۔
تاہم بھارت کو دوٹوک جواب دینے والے سابق کپتان شاہد آفریدی کا سچ ہضم نہ ہوا، نریندر مودی کی انتہاپسند حکومت نے آل راؤنڈر کا یوٹیوب اکاؤنٹ بھی بلاک کردیا تاکہ بھارتی انکے ردعمل کو نہ سُن سکیں۔
ادھر قومی ٹیم کے کپتان محمد رضوان اور اسٹار کرکٹر بابراعظم کے بھی سوشل میڈیا اکاؤنٹس بند کردیے گئے ہیں۔
قبل ازیں بھارت نے سابق کپتان راشد لطیف، شاہد آفریدی، اسپیڈ اسٹار شعیب اختر اور باسط علی کے یوٹیوب چینلز پر پابندی عائد کی تھی۔
دوسری جانب بھارتی حکومت نے موقف اختیار کیا ہے کہ قومی سلامتی کے باعث شاہد آفریدی کا یوٹیوب چینل ملک میں بلاک کیا گیا ہے۔
مزید پڑھیں:داڑھی نہ منڈوانے پر خاتون نے شوہر کو چھوڑ کر کلین شیو دیور کیساتھ بھاگ کر شادی کرلی
ذریعہ: Daily Ausaf
پڑھیں:
سوشل میڈیا اکاؤنٹس کی پابندی پر پاکستانی فنکاروں نے بھارت کو آڑے ہاتھوں لے لیا
پاک بھارت کشیدگی کے دوران سوشل میڈیا اکاؤنٹس پر پابندی کی بچکانہ حرکت پر پاکستانی فنکاروں نے بھارت کو آڑے ہاتھوں لے لیا۔
حالیہ دنوں میں بھارت کی جانب سے پاکستانی فنکاروں اور میڈیا پر ایک بار پھر پابندی عائد کرنے کا معاملہ خبروں کی زینت بنا ہوا ہے، یہ پابندی اس وقت لگائی گئی جب پہلگام کے علاقے میں بھارتی سیاحوں کے قتل کا الزام پاکستان پر لگایا گیا حالانکہ بعد میں بھارتی فوج کے ایک جنرل نے اعتراف کیا کہ یہ واقعہ بھارت کا ایک “فالس فلیگ آپریشن” تھا، جس کا مقصد پاکستان کو بدنام کرنا تھا۔
پابندی کے فوری بعد بھارت میں پاکستانی فنکاروں کی فلموں، ڈراموں اور دیگر میڈیا ریلیزز کو روک دیا گیا، جس میں فواد خان اور ہانیہ عامر کی آنے والی فلمیں بھی شامل تھیں، تاہم اس اقدام پر پاکستانی شوبز انڈسٹری نے خاموشی اختیار نہیں کی بلکہ زبردست ردِعمل دیا۔
مشہور اداکارہ مشی خان نے بھارتی پابندی پر نہ صرف تنقید کی بلکہ سوشل میڈیا پر بھارتی ڈراموں کا مذاق اُڑاتے ہوئے ایک مزاحیہ ویڈیو بھی شیئر کی۔
View this post on Instagram
A post shared by Mishi Khan MK (@mishikhanofficial2)
اداکارہ حنا الطاف نے ایک مزیدار انسٹاگرام ریل بنائی جس میں انہوں نے پاکستانی فنکاروں کی طرف سے بھارت کے اقدام کو ‘غیر سنجیدہ’ اور ‘ناکام پروپیگنڈا’ قرار دیا، ویڈیو کو مداحوں کی جانب سے بےحد پذیرائی ملی اور یہ دیکھتے ہی دیکھتے وائرل ہو گئی۔
View this post on Instagram
A post shared by Socialdicted (@socialdicted01)
عمران عباس، یاسر حسین، اعجاز اسلم اور دیگر کئی فنکاروں نے بھی بھارت کی اس بچکانہ حرکت پر کھل کر تبصرے کیے اور اسے فن اور ثقافت کے خلاف ایک منفی سوچ قرار دیا۔
اداکار اعجاز اسلم نے کہا کہ بھارت ہمارے فنکاروں سے اتنا ڈر گیا ہے تو پاکستان آرمی سے کیا لڑے گا۔
بیشتر فنکاروں کا کہنا ہے کہ بھارت کو خوف ہے کہ پاکستانی ٹیلنٹ کہیں ان کے مارکیٹ میں چھا نہ جائے، اسی لیے بار بار پابندیاں لگا کر خود کو محفوظ محسوس کرتا ہے۔
شائقین کا کہنا ہے کہ بھارتی حکومت جتنی مرضی پابندیاں لگا لے، پاکستانی فن اور فنکاروں کی مقبولیت کو روکا نہیں جا سکتا۔
Post Views: 2
ارشد ندیم کو انڈیا آنے کی دعوت دینے پر بھارتی انتہا پسند نیرج چوپڑا کے پیچھے پڑ گئے