بلوچستان میں فوج پر دہشت گرد حملے میں بھارت ملوث، عالمی میڈیا میں گونج
اشاعت کی تاریخ: 6th, May 2025 GMT
بلوچستان میں منگل کو کالعدم بی ایل اے کے ایک دہشت گرد حملے میں 7 سکیورٹی اہلکار شہید ہوئے۔ ماضی کے برعکس پاکستان نے کھل کر اس حملے کے لیے بھارت کو ذمہ دار ٹھہرایا اور پاکستان کے اس الزام کی گونج اب بین الاقوامی ذرائع ابلاغ میں سنائی دے رہی ہے۔
بلوچستان کے علاقے میں منگل کے روز سیکیورٹی فورسز کی گاڑی پر دیسی ساختہ بم (IED) سے حملہ کیا گیا، جس کے نتیجے میں پاک فوج کے سات اہلکار شہید ہو گئے۔ اس حملے کی ذمہ داری کالعدم بلوچ لبریشن آرمی (بی ایل اے) پر عائد کی گئی ہے، جسے پاکستان نے واضح طور پر بھارت کا آلہ کار قرار دیا ہے۔ پاکستان کی جانب سے اس بار غیر معمولی انداز میں کھل کر بھارت کو براہِ راست ذمہ دار ٹھہرانا عالمی ذرائع ابلاغ کی توجہ کا مرکز بن گیا ہے۔
پاکستانی فوج کا کہنا ہے کہ یہ حملہ بی ایل اے کی جانب سے بلوچستان میں کیا گیا، جو ایک شورش زدہ خطہ ہے اور افغانستان و ایران سے متصل ہے۔ یہی خطہ چین کے اقتصادی منصوبوں، خصوصاً گوادر بندرگاہ، کا اہم مرکز بھی ہے۔ ماضی میں بی ایل اے کو پاکستان میں دہشت گردی کی متعدد کارروائیوں کا ذمہ دار ٹھہرایا جاتا رہا ہے، تاہم اس بار پاکستان نے عالمی سطح پر کھل کر بھارت پر الزام عائد کیا ہے کہ وہ ان دہشت گرد گروہوں کو اپنی پراکسی کے طور پر استعمال کر رہا ہے۔
حملے کے بعد عالمی میڈیا اور بین الاقوامی ادارے اس صورت حال پر متوجہ ہو گئے ہیں۔ اقوام متحدہ کے سیکریٹری جنرل انتونیو گوتریس نے ایک بیان میں دونوں ممالک پر زور دیا ہے کہ وہ فوجی تصادم سے گریز کریں اور زیادہ سے زیادہ تحمل کا مظاہرہ کریں۔ پاکستان کی وزارت خارجہ نے سلامتی کونسل کو بھی بریفنگ دی ہے، جس میں بھارت کی جانب سے کسی بھی وقت حملے کے خدشے سے آگاہ کیا گیا۔
خطے میں کشیدگی مسلسل بڑھ رہی ہے۔ پاکستان نے حالیہ تین دنوں میں دو میزائل تجربات کیے، جبکہ بھارت نے بدھ کے روز اپنے مختلف صوبوں میں شہری دفاعی مشقوں کا اعلان کیا، جس میں ہوائی حملوں کے سائرن اور انخلاء کی تیاری شامل ہے۔
وزیراعظم شہباز شریف نے نائب وزیراعظم، وزرائے خارجہ و دفاع اور عسکری قیادت نے انٹیلی جنس ایجنسی آئی ایس آئی کے ہیڈ کوارٹرز کا دورہ کر کے تازہ صورت حال پر غور کیا۔
ادھر بھارت کے ایک حکومتی ذریعے نے، نام ظاہر نہ کرنے کی شرط پر، پاکستان کی میزائل آزمائش اور جوہری بیانات کو اشتعال انگیز قرار دیا، اور دعویٰ کیا کہ پاکستان کی عالمی سطح پر سفارتی کوششیں ناکام رہی ہیں۔
یاد رہے کہ بھارت اور پاکستان کشمیر کے متنازعہ خطے پر دو جنگیں لڑ چکے ہیں، اور دونوں اسے اپنا حصہ قرار دیتے ہیں۔ بھارت پاکستان پر کشمیر میں جاری مزاحمت کی پشت پناہی کا الزام لگاتا ہے، جبکہ پاکستان کا مؤقف ہے کہ وہ کشمیریوں کی خود ارادیت کی صرف اخلاقی و سفارتی حمایت کرتا ہے۔
اس سارے تناظر میں اسلامی تعاون تنظیم (OIC) کے کشمیر کے حق میں بیان کو بھی بھارت نے مسترد کر دیا ہے، جب کہ پاکستان نے عالمی برادری سے مطالبہ کیا ہے کہ وہ خطے میں بھارت کی جارحانہ حکمت عملی کا نوٹس لے۔
ذریعہ: Daily Mumtaz
کلیدی لفظ: پاکستان نے پاکستان کی بی ایل اے ہے کہ وہ
پڑھیں:
ٹی بی اور ایچ آئی وی کی دواؤں میں بھارت پر انحصار کم کیا جائے، عالمی اداروں کا پاکستان سے مطالبہ
data-id="863a0a8" data-element_type="widget" data-widget_type="theme-post-content.default">
نیویارک: عالمی ادارہ صحت (WHO) اور یو این ایڈز (UNAIDS) نے پاکستان سے مطالبہ کیا ہے کہ وہ ٹی بی (تپ دق) اور ایچ آئی وی (HIV) جیسے مہلک امراض کی ادویات کی مقامی سطح پر تیاری کو یقینی بنائے تاکہ بھارت پر انحصار کم کیا جا سکے، عالمی اداروں نے پاکستان کی دوا ساز کمپنیوں کو WHO سے منظور شدہ ادویات بنانے کی ترغیب دی ہے۔
بین الاقوامی میڈیا رپورٹس کےمطابق ڈبلیو ایچ او اور یو این ایڈز کےترجمان نے کہاکہ پاکستان میں اس وقت تقریباً ساڑھے 3 لاکھ افراد ایچ آئی وی سے متاثر ہیں جبکہ ہر سال 6 لاکھ سے زائد نئے ٹی بی مریض سامنے آتے ہیں، افسوسناک امر یہ ہے کہ ان میں سے صرف 5 ہزار مریض ہی دوا کا باقاعدہ استعمال کرتے ہیں جو صحت عامہ کے لیے ایک خطرناک صورتحال ہے۔
عالمی اداروں نے مزید کہاکہ پاکستان میں ایچ آئی وی اور ٹی بی کی مقامی دوا سازی نہ ہونے کے برابر ہے اور موجودہ صورتحال میں پاکستان کو ان بیماریوں کی ادویات خود تیار کرنا ہوں گی، ان اداروں کے مطابق پاکستان میں رجسٹرڈ ہزاروں دواؤں میں سے صرف 4 ہی ڈبلیو ایچ او سے منظور شدہ ہیں، جو بین الاقوامی معیار کے لحاظ سے ایک تشویشناک حقیقت ہے۔
وفاقی حکام نے اعتراف کیا ہے کہ پاکستانی دوا ساز کمپنیاں عالمی معیار کی منظوری حاصل کرنے میں زیادہ دلچسپی نہیں رکھتیں، تاہم اب ڈرگ ریگولیٹری اتھارٹی (DRAP) جلد ہی ایچ آئی وی، ٹی بی اور ملیریا کی ادویات بنانے کے لیے دوا ساز کمپنیوں سے درخواستیں طلب کرنے جا رہی ہے۔
وفاقی حکام کے مطابق ڈبلیو ایچ او، ڈریپ کو عالمی سطح کی ریگولیٹری اتھارٹی بنانے میں تعاون فراہم کرے گا تاکہ پاکستان کی ادویات بین الاقوامی مارکیٹ میں بھی اپنی جگہ بنا سکیں۔
اس کے علاوہ حکومت نے صوبائی حکومتوں کو ہدایت دی ہے کہ ایچ آئی وی، ٹی بی اور دیگر مہلک بیماریوں کی ادویات کو ضروری دواؤں کی فہرست میں شامل کیا جائے تاکہ ان کی بروقت دستیابی اور خریداری کو ممکن بنایا جا سکے۔
بلوچستان اسمبلی: انسداد دہشتگردی ترمیمی بل منظور، لاپتا افراد کا مسئلہ ہمیشہ کے لیے حل ہو جائےگا، وزیراعلیٰ