تحریک بیداری امت مصطفیٰ کے زیراہتمام علامتی پریڈ، بھارت کو واضح پیغام دیدیا
اشاعت کی تاریخ: 9th, May 2025 GMT
ٹی بی یو ایم کے سربراہ نے پریڈ سے خطاب میں کہا کہ سن لے مودی پاکستان کو تیرے ڈرونز اور تیری فریب کاریاں نہیں ڈرا سکتیں، یہ قوم نعرۂ تکبیر سے گونجتی ہے۔ تجھے لگتا ہے کہ پاکستانی ذلت قبول کریں گے؟ ہرگز نہیں! ذلت وہ سیاستدان قبول کرتے ہیں جو اقتدار کے پجاری ہیں۔ ذلت وہ مولوی قبول کرتے ہیں جو فرقہ واریت کا زہر گھولتے ہیں،لیکن محمد (ص) کے امتی،فاطمہ زہرا (س) کے پیروکار،اور حسین (ع) کے سپاہی کبھی بھی ذلت کو گوارا نہیں کرتے۔ اسلام ٹائمز۔ تحریک بیداری امت مصطفیٰؐ کے سربراہ علامہ سید جواد نقوی کی اپیل پر جمعہ کے روز بھارتی جارحیت کیخلاف بھرپور قومی یکجہتی اور عزم کا مظاہرہ کیا گیا۔ جامعہ عروۃالوثقیٰ میں نماز جمعہ کے پُرجوش اور حماسی خطبے کے بعد علمائے کرام، طلاب، اسکاوٹس، نوجوانوں، بزرگوں اور خواتین کے منظم دستوں نے شاندار پریڈ کی۔ اس عظیم الشان اجتماع میں عوام کی بڑی تعداد نے وطن سے وفاداری اور دفاعِ وطن کے عزم کا اظہار کرتے ہوئے بھرپور شرکت کی۔ اس پریڈ کا مقصد یہ واضح پیغام دینا تھا کہ پاکستان کی دینی قیادت متحد اور یک زبان ہے، اور دشمن کو یہ بتانا ہے کہ پاکستان کسی بھی جارحیت کے آگے نہ جھکے گا اور پوری قوت، حوصلے اور پامردی کیساتھ ہر محاذ پر دشمن کا مقابلہ کرے گا۔
پریڈ سے خطاب کرتے ہوئے علامہ سید جواد نقوی کا کہنا تھا کہ آج ہم نے جمعة المبارک کے دن ایک علامتی ریلی نکال کر یہ اعلان کیا ہے کہ ہم دفاعِ وطن کیلئے تیار ہیں! ہم ہر قربانی کیلئے آمادہ ہیں، ہم پاک فوج کیساتھ کھڑے ہیں، ہم ان کے شانہ بشانہ ہر میدان میں حاضر ہیں۔ ہم ملک کی ایک ایک انچ زمین کی حفاظت کریں گے اور کبھی دشمن کو اس پاک سرزمین پر قدم رکھنے نہیں دیں گے۔ انہوں نے کہا کہ یہ سلسلہ یہیں ختم نہیں ہوتا ہر آنیوالے دن میں ہماری تیاری کا تسلسل جاری رہے گااور اگر وقت نے پکارا، تو ہم محاذ پر بھی حاضر ہوں گے اور اگر پیچھے رہنا پڑا، تو محاذ کے خادم بن کر بھی کام کریں گے۔
انہوں نے کہا کہ ہم پاکستان کو نہ شام بننے دیں گے، نہ لبنان، نہ یمن۔ کیونکہ پاکستان کی سب سے بڑی طاقت ایٹم بم اور اس سے بھی بڑی طاقت 25 کروڑ باایمان عوام ہیں اور یہ عوام دین اور قرآن کی طاقت سے سرشار ہیں۔ انہوں نے کہا کہ سن لے مودی پاکستان کو تیرے ڈرونز اور تیری فریب کاریاں نہیں ڈرا سکتیں، یہ قوم نعرۂ تکبیر سے گونجتی ہے۔ تجھے لگتا ہے کہ پاکستانی ذلت قبول کریں گے؟ ہرگز نہیں! ذلت وہ سیاستدان قبول کرتے ہیں جو اقتدار کے پجاری ہیں۔ ذلت وہ مولوی قبول کرتے ہیں جو فرقہ واریت کا زہر گھولتے ہیں،لیکن محمد (ص) کے امتی،فاطمہ زہرا (س) کے پیروکار،اور حسین (ع) کے سپاہی کبھی بھی ذلت کو گوارا نہیں کرتے۔
ذریعہ
ذریعہ: Islam Times
کلیدی لفظ: قبول کرتے ہیں جو کہ پاکستان کریں گے کہا کہ
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار