امریکی وزیرخارجہ نے بتایا بھارت سیز فائر چاہتا ہے، آپ بھی راضی ہوجائیں، اسحاق ڈار کا بڑا انکشاف
اشاعت کی تاریخ: 11th, May 2025 GMT
اسلام آباد: نائب وزیراعظم اور وزیرخارجہ اسحاق ڈار نے انکشاف کیا ہے کہ امریکی وزیر خارجہ مارکو روبیو نے فون کرکے بتایا کہ بھارت سیز فائر کرنا چاہتا ہے، بھارت سے ہم نے بات کی ہے، آپ بھی سیز فائر پر راضی ہوجائیں، میں نے کہا کہ ہم کھلے دل سے تیار ہیں، جس پر انہوں نے بھارت سے دوبارہ بات کی اور مجھے بتایا، حساس معاملے سے ڈونلڈ ٹرمپ کا مراد اور اشارہ نیوکلیر جنگ کی طرف تھا، ہم نہ کسی سے دبیں گے اور نہ دبائیں گے، ہمیں کوئی نہ بتائے کہ خطے میں کسی کی اجارہ داری ہے۔
نجی ٹی وی سے گفتگو کرتے ہوئے اسحاق ڈار نے کہا کہ پاکستان نے پہل نہیں کی، دنیا کا پیغام دیا کہ تحقیقات کے لیے تیار ہیں، ہمارے ہاتھ صاف نہ ہوتے تو ہم تحقیقات کا نہ کہتے، اللہ نے ہمیں کامیابی دی، ہماری کامیابی سے بھارت دباؤ میں آیا۔
اسحاق ڈار نے کہا کہ بھارت پورے خطے میں اجارہ داری قائم کررہا تھا، مغربی ممالک نے بھی کہا کہ آپ سچ کہہ رہے ہیں، ہم نے کہا کہ جب ہم کریں گے تو سب کو دکھا کر کریں گے، ہم نے بتا کر کیا اور دکھا کر کیا، ہم نے جو کیا تو دنیا نے دیکھا، ہم نے غرور نہیں کرنا نہ ہی بڑے بول بولنے ہیں۔
نائب وزیراعظم نے کہا کہ ہم امن چاہتے ہیں، دہشت گردی کی جنگ میں سب سے زیادہ قربانی ہم نے دی، 90 ہزار لوگ ہمارے شہید ہوئے ہیں، ڈیڑھ سو ارب ڈالرز کا نقصان برداشت کیا، ہم ہر مثبت قدم کا جواب دینے کے لیے تیار ہیں، ہم کسی بھی نیوٹرل وینیو پر بیٹھ کر بات کر لیں گے، سیز فائر کی کوئی شرائط نہیں ہیں۔
اسحاق ڈار نے انکشاف کیا کہ امریکی وزیر خارجہ مارکو روبیو نے کہا کہ بھارت سیز فائر کے لیے تیار ہے، بھارت سے ہم نے بات کی ہے، آپ بھی سیز فائر پر راضی ہوں، میں نے کہا کہ ہم کھلے دل سے تیار ہیں۔
وزیر خارجہ نے مزید کہا کہ امریکی صدر ڈونلڈ ٹرمپ کا اشارہ نیوکلیئر جنگ کی طرف تھا، ہم نہ کسی سے دبیں گے اور نہ دبائیں گے، ہمیں کوئی کسی کی اجارہ داری کا نہ بتائیں، مارکو روبیو نے پھر بھارت سے بات کی اور مجھے دوبارہ فون کیا۔
ذریعہ
ذریعہ: Daily Mumtaz
کلیدی لفظ: اسحاق ڈار نے نے کہا کہ سیز فائر تیار ہیں بھارت سے بات کی
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
پاکستان نے ورلڈ کپ 2028 کیلیے براہ راست کوالیفائی کر لیا