ہم 9 مئی والے نہیں، 10 اور 28 مئی والے ہیں، مریم نواز شریف
اشاعت کی تاریخ: 14th, May 2025 GMT
وزیراعلیٰ پنجاب مریم نواز شریف نے کہا ہے کہ ہم 9 مئی والے نہیں، 10 اور 28 مئی والے ہیں۔
فیصل آباد میں سی ایم پنجاب لیپ ٹاپ پروگرام و ہونہار اسکالرشپ فیز 2 کی دوسری تقریب سے خطاب کرتے ہوئے وزیراعلیٰ پنجاب مریم نوازشریف نے کہا کہ بچوں کی والہانہ محبت و جوش کی تہہ دل سے شکر گزار ہوں، مجھے یقین ہے کہ ان بچوں کو بھی اس پر فخرہوگا کہ جس دشمن سے ہمارا مقابلہ تھا وہ سائز اور وسائل سے ہم سے بڑا تھا، جس طرح ہماری افواج اور قوم نے مل کر دشمن کا مقابلہ کیا، وہ واقعی بنیان مرصوص تھا۔
مریم نواز شریف نے کہا کہ جس طرح افواج پاکستان نے یہ جنگ لڑی اور قوم فوج کے شانہ بشانہ کھڑی رہی، پاکستان کے لیے اس سے بڑا تاریخی مسرت بھرا لمحہ اور کوئی نہیں ہوسکتا، آج ہمیں پاکستانی ہونے پر بہت فخر ہے، پاکستان کے بچوں کا سر فخر سے بلند ہے اور ہمیشہ بلند رہے گا۔
انہوں نے کہا کہ جس طرح لیپ ٹاپ اور اسکالت شپ بچوں کے اچھے مستقبل کی ضمانت ہیں، اسی طرح جو ہم جنگ جیتے ہیں، یہ صرف ہم جنگ نہیں جیتے بلکہ آپ سب کا مستقبل بھی محفوظ اور روشن ہوا ہے، جس میں آپ ایک قوم بن کے سر اٹھا کے، فخر سے جی سکتے ہو۔
ان کا کہنا تھا کہ میں جب اسکالر شپ دینے بچوں کے پاس آتی تھی تو ان کو یہی بات سمجھاتی تھی کہ یہ جو آپ کو نفرت سکھائی جارہی ہے، یہ جو آپ کو تقسیم سکھائی جارہی تھی، نفرت پیدا کی جارہی تھی کہ یہ ادارے ہمارے نہیں ہیں، ان پر حملہ کردو، جو جہاز ہم نے شاہراؤں پر سیمبل کے طور پر لگائے ہوئے تھے کہ یہ ہماری پاک فضائیہ کا فخر ہیں، انہی جہازوں کو زمین بوس کیا گیا، انہی جہازوں کو آگ لگا کر جلایا گیا اور آج انہی جہازوں اور پاک فضائیہ کے جوانوں نے رافیل کو مار گرایا۔
وزیراعلیٰ پنجاب نے کہا کہ رافیل کے بارے میں کہا جاتا تھا کہ اس کو کوئی گرا نہیں سکتا، آج جے ایف تھنڈرز نے رافیل کو مار گرایا، جے ایف تھنڈرز کئی سال پہلے نواز شریف نے بنوائے تھے، ان جہازوں پر نواز شریف کی تصویریں بھی لگی ہیں، ان کے بعد آنے والے حکمرانوں نے نواز شریف کے بنائے ہوئے منصوبوں پر اپنی تصویریں لگوائیں اور کچھ نہیں کیا ۔
Post Views: 3.ذریعہ: Daily Mumtaz
کلیدی لفظ: نواز شریف مریم نواز نے کہا کہ مئی والے شریف نے
پڑھیں:
مریم معافی نہیں مانگے گی، وزیراعلیٰ کا دبنگ اعلان
سٹی42: پنجاب کی وزیراعلیٰ مریم نواز نے پیپلز پارٹی کے مطالبہ پر معافی مانگنے سے انکار کر دیا اور کہا ہے کہ مریم نواز معافی کیوں مانگے، معافی وہ ترجمان مانگے جس نے سیلاب کے دوران پنجاب کے عوام پہ آئی ہوئی آفت کے دوران پنجاب کے عوام پر تنقید کی، سیاست کی۔
لاہور میں نئی الیکٹرک بسوں کی تقسیم کے موقع پر خطاب کرتے ہوئے مریم نواز نے کہا، میں نے اگر جواب دیا تو اپنے لوگوں کے حق کے لئے آواز بلند کی، اس کے لئے مریم نواز شریف کبھی معافی نہیں مانگے گی۔
نائٹ شفٹ میں کام کرنے والوں کو گردے کی پتھری کا زیادہ خطرہ ؛ تحقیق سامنے آگئی
پنجاب کے متعلق بات کرنے سے پہلے سو بار سوچیں۔ صدر آصف زرداری میرے لئے بہت محترم ہیں لیکن مجھے دکھ ہے۔ مجھے اس بات سے تکلیف ہے کہ جب پنجاب مین آفت آئی، سیلاب آیا تو ایک صوبے میں لوگوں نے زخموں پر نکل چھڑکا۔
مریم نواز نے یہ باتیں آج لاہور میں شہر کے لئے نئی ایکٹرک بسیں دینے کی تقریب میں خطاب کرتے ہوئے کہیں۔
مریم نواز نے کہا کسی بھی ژوبے میں، کہیں بھی کوئی مصیبت آتی ہے تو ہم پہلے پاکستانی بن کر سوچتے ہیں۔ پاکستان ہمارا مان ہے، ہمارا دوپٹہ ہے، ہمارے سروں کی پگڑی پاکستان ہے۔ جب کسی صوبے پر کوئی مصیبت آتی ہے تو ہم ان پر پریس کانفرنس کر کے کوئی بہتان نہیں لگاتے، ہم کہتے ہیں کہ ہمارے لائق کوئی مدد ہے تو بتائین ہم مدد کریں گے۔ میں تھائی لینڈ میں تھی جب مجھے پتہ چلا کہ پختونخوا میں کلاؤڈ برسٹ ہوا ہے تو مین نے وزیر اعلیٰ علی امین کو فون کیا، ان سے کہا، کسی بھی چیز کی ضرورت ہے تو میں آپ کو دوں گی۔ علی امین نے میرا شکریہ ادا کیا۔
44 برس سے مسجد نبویﷺ میں قرآن مجید پڑھانے والے پاکستانی نژاد مدرس انتقال کرگئے
مریم نواز نے کہا وہاں اس انسان کی حکومت ہے جسے سیاسی سمجھ بوجھ نہیں ہے، جس نے مجھ پر راہ چلتے بھی اور جلسوں میں بھی جملے کسے ہوئے ہیں۔ اس کے باوجود میں نے ان کی مدد کے لئے صرف فون ہی نہیں کیا بلکہ اسی دن اپنا وزیر بھی بھیجا، سیکرٹری بھی بھیجا کہ کوئی مدد ہو سکتی ہے تو کریں۔
مریم نواز نے کہا مجھے افسوس ہوا، آصف زرداری صاحب میرے بہت محترم ہیں، بزرگ ہیں، بلاول بھٹو میرا چھوٹا بھائی ہے۔ میں بتانا چاہتی ہوں کہ مجھے دکھ ہوا۔ جب پنجاب کے عوام پہ مصیبت آئی، پنجاب کے عوام نے کسی سے مدد نہیں مانگی، یہ نہیں کہا کہ مجھے کشتیاں بھیج دو ، پیسے نہیں مانگے، یہ نہیں کہا ہمیں راشن بھیج دو، مشینیں بھیج دو۔ ہم یہ دیکھ رہے تھے کہ پنجاب کے لئے کتنی دعائیں ہو رہی ہیں، کتنے ہاتھ اٹھ رہے ہیں پنجاب کے عوام کے لئے، مجھے افسوس ہوا کہ جب پنجاب پر تباہی آئی تو ایک ایک دن میں تین تین پریس کانفرنسیں کر رہے تھے، پنجاب کا مذاق اڑا رہے تھے، جھوٹ بول رہے تھے کہ یہ نہیں ہو رہا، وہ نہیں ہو رہا۔ مجھے کہا گیا کہ باہر سے امداد مانگ لو، عالمی امداد کیوں نہیں مانگ رہی۔
ویل چیئر ٹی ٹونٹی سیریز؛ پاکستان نے 3.1 سے جیت لی
مریم نواز نے کہا کہ جب عوام کا پیسہ موجود ہو، عوام پر خرچ کرنے کی نیت موجود ہو تو باہر سے مانگنے کی، ہاتھ پھیلانے کی ضرورت نہیں پڑتی۔
بی آئی ایس پی کا ڈیٹا غیر متعلقہ تھا، خود ہر دروازہ کھٹکھٹا رہے ہیں
مجھے کہا گیا کہ بی آئی ایس پی سے مدد کیوں نہیں لیتے۔ بی آئی ایس پی کا ڈیٹا تو غریب لوگوں کا ڈیٹا ہے، میں نے یہ نہیں لیا۔ مجھے ان لوگوں کے ڈیٹا کی ضرورت تھی جو اب واقعی سیلاب سے متاثر ہوئے ہیں۔ اس کام کے لئے اب بھی ہمارے 10 ہزار کارکن آج بھی فیلڈ میں ہیں، ایک ایک گھر کا دروازہ کھٹکھٹا کر پتہ کر رہے ہیں کہ کس کا کیا نقصان ہوا ہے تاکہ ہم آ کر اس نقصان کو پورا کرنے کے لئے امدادی رقم کے چیک دیں۔
سکیورٹی سوپروائزر کو قتل کرنے والا ملزم گرفتار
مرریم نواز نے کہا، جب نہروں کی بات آئی؛ پنجاب کا اپنا پانی تھا جس کے لئے ہم پنجاب کے وسائل سے نہرین نکالنی تھیں، ہمیں سی سی آئی کی میٹنگ میں بلایا، ہمیں یہ نہریں بنانے کی اجازت نہیں دی گئی۔ وہ پانی جو پنجاب کے عوام کا حق تھا، اسے سیاست کی نذر کر دیا گیا۔
میں سی سی آئی میں بولی، پنجاب کا پورا مقدمہ لڑا لیکن انکار ہوا تو میں چپ رہی۔
مریم نواز نے کہا، وہاں پر (سندھ میں) لوگوں کو گمراہ کر کے سڑکوں پر نکالا گیا کہ پنجاب کے خلاف بات کرو۔ کیا یہ سوبائیت نہیں تھی۔ مین تو صوبائیت پر یقین نہیں کرتی لیکن جواب تو دینا پڑتا ہے۔
پاکستان واضح طور پر اسرائیل کیجانب سے گلوبل صمود فلوٹیلا کو روکنے کی مذمت کرتا ہے؛ ترجمان دفتر خارجہ
پنجاب پر کوئی بات کرےگا تو مریم نواز جواب دے گی
کہتے ہیں کہ مریم نواز تو نیشنل لیڈر ہے، وہ پنجاب کی بات کیوں کرتی ہے۔ پنجاب کی وزیراعلیٰ ہوں، اگر پنجاب کی وزیر اعلیٰ پنجاب کے عوام کے لئے بات نہیں کرے گی تو کون کرے گا۔ تین تین پریس کانفرنس روزانہ ہوتی رہیں، تب میں چپ رہی، میں ایک ایک لمحہ پنجاب کے عوام کی خدمت کے لئے مصروف ہوتی ہوں، میں لڑائی میں الجھنا نہین چاہتی، میرے پاس ادھر ادھر کی سوچ کا ٹائم نہین ہوتا۔
پھر مجھے یہ لگا کہ پنجاب کے عوام یہ کہیں گے کہ ہر صوبے کی بات کرنے والے لوگ ہیں، کیا پنجاب کے عوام کی بات کرنے والا کوئی نہیں ہے۔ میں پنجاب کے عوام کو اکیلا نہیں چھوڑ سکتی، بات کرو گے تو جواب ملے گا اور زور دار جواب ملے گا۔
رضی دادا کا واقعہ؛ معافی مانگنے کے باوجود تضحیک کی گئی
رضی دادا نے ایک نامناسب بات کہہ دی جس کا ان کو خود احساس ہو گیا۔ ان کو سینیٹ میں بلایا گیا تو انہوں نے کہا، میں ان کنڈیشنل معافی مانگتا ہوں۔ انہوں نے معافی مانگ لی لیکن کیا کیا گیا۔ ان کی تضحیک کی گئی۔ میں اس تضحیک پر نہیں بولی۔ لیکن اب دوبارہ میں یہ کام پنجاب کے کسی شری کے ساتھ نہیں ہونے دوں گی۔ معافی مانگو تو اللہ تعالیٰ بھی معاف کر دیتا ہے۔ ان کی وزیر اعلیٰ مریم نواز ہے، اگر کسی کے منہ سے کوئی بات نکل جاتی ہے، وہ معافی مانگے تو معافی مل جاتی ہے۔ یہاں بات ختم ہو جاتی ہے۔ اب یہ رویہ مجھے منظور نہیں۔ پنجاب کے اندر رہنے والے بے یار و مددگار نہیں ہیں۔ ان کی وزیر اعلیٰ ہے جو ان کے حقوق کی حفاظت کرتی ہے۔
مریم نواز شریف معافی نہیں مانگے گی
پھر کہا گیا، ہم واک آؤٹ کریں گے، مریم نواز شریف معافی مانگے، مریم نواز معافی کیوں مانگے، معافی وہ ترجمان مانگے جس نے سیلاب کے دوران پنجاب کے عوام پہ آئی ہوئی آفت کے دوران پنجاب کے عوام پر تنقید کی، سیاست کی۔
مریم نواز نے کہا، میں نے اگر جواب دیا تو اپنے لوگوں کے حق کے لئے آواز بلند کی، اس کے لئے مریم نواز شریف کبھی معافی نہیں مانگے گی۔
پنجابیوں کی سیلف تیسپیکٹ کی حفاظت کروں گی؛ پاکستانی ہیں لیکن اس کے بعد ہم پنجابی ہیں
مریم نواز نے کہا قومیں صرف پروجیکٹس سے نہیں بنتیں، قومیں سیلف ریسپیکٹ سے بنتی ہیں۔ جب آپ کے اندر نیشنل پرائیڈ ہو گا، ظاہر ہے کہ ہم پاکستانی ہیں لیکن اس کے بعد ہم پنجابی ہیں۔ پنجاب کے ہر زرے سے ہمیں پیار ہے، یہ وہ جگہ ہے جہاں ہماری پیدائش ہوئی ہے۔ اس کے ایک ایک کونے کی حفاظت، ایک ایک کونے کی ترقی کی ضمانت، اس کے عوام کی سیلف ریسپیکٹ کی ھفاظت مریم نواز شریف کی ذمہ داری ہے۔ آئندہ پنجاب پر بات کرنے سے پہلے سو بار سوچ لینا۔
لاہور کیلئے مزید 40 الکٹرک بسیں
مریم نواز نے کہالاہور کو مزید 40 بسوں کا تحفہ دینے جارہے ہیں،دسمبر میں مزید 70 بسیں آجائیں گی ، انہوں نے مزید کہا میرا تعلق لاہور سے اور میری پیدائش، تعلیم سب کچھ لاہور میں ہے،لاہور مریم نواز کا، شہباز شریف کا، نواز شریف سب کا شہر ہے،پاکستان کی پہلی میٹرو، اورنج ٹرین سب کچھ لاہور میں بنی ہے ۔
مریم نواز نے بتایا کہ ٹرانسپورٹ میں جدت کو آگے بڑھانے کےساتھ ساتھ دوسرے شہروں میں بھی جال پھیلا رہے ہیں۔ ،پنجاب کے کونے کونے تک الیکٹرک بسیں پہنچائی ہیں۔
جیہنے لہور نہیں تکیا اوہ جمیا نہیں!
مریم نواز نے کہا،دوسرے شہر سے لوگ آتے ہیں تو کہتے ہیں ہم کسی دوسرے ملک میں آگئے ہیں،اللہ تعالیٰ نے ہمیں اتنا خوبصورت شہر دیا ہے،جس نے لاہور نہیں تکیا او جمیا نہیں۔
مریم نواز نے یہ بھی کہا جب میں خود بہترین گاڑی میں سفر کرتی ہوں تو عوام کو بھی بہترین گاڑی میں سفر کرنا چاہیے،میری گاڑی میں وائے فائے نہیں چارجنگ پورٹ نہیں، مگر عوام کی گاڑی میں سب سہولیات ہیں،جو معذور لوگ الیکٹرک بسوں میں سفر کرتے ہیں اور ویل چیئر نہیں تو انہیں وہیل چیئر دیں گے۔ بہت سے شہروں میں سرکاری ٹرانسپورٹ کا کوئی سسٹم نہیں تھا۔ میاںوالی سے ایک سیاستدان نے اقتدار کی سب سے بڑی کرسی لی مگر کوئی کام نہیں کیا،سکول، کالج جانے والے طلباء و طالبات، معذورافراد، 60 سال سے اوپر افراد کیلئے بس فری ہے،ٹھوکر سے رائیونڈ تک بس چلے گی۔
مریم نواز نے کہا، ہم پنجاب میں اپنا گھر اپنی چھت کے تحت 90 ہزار گھر بنا رہے ہیں،مزید لوگوں کو بھی گھر ملیں گے،صاف پانی کی فراہمی یقینی بنانا ہمارا عزم ہے، لوگوں کو گھروں تک پانی پہنچائیں گے،انڈر واٹر سٹوریج لائنز بھی بنائی جائیں گی
انہوں نے مزید کہا، ستھرا پنجاب کے تحت پورے پنجاب کا کونا کونا چمکا دیا ہے،پورے پنجاب میں مثالی گاؤں بنائیں گے،
مریم نواز نے بڑے اعلانات کرتے ہوئے کہا اس سال گوجرانوالہ اور فیصل آباد میں میٹرو بس بنانے جا رہے ہیں،راشن کارڈ، ہمت کارڈ، اقلیتی کارڈ دے رہے ہیں۔ انہوں نے اعلان کیا کہ لاہور میں دنیا کا سب سے بڑا کینسر ہسپتال بنانے جا رہے ہیں،نواز شریف میڈیکل کمپلیکس میں مختلف بیماریوں کا علاج کیا جائے گا۔،پنجاب میں کئی اضلاع ایسے ہیں جن میں زیرو کرائم ریٹ ہے۔
Waseem Azmet
نیش کپ اسکواش ٹورنامنٹ، پاکستان نے فائنل جیت لیا