خوشخبری! اب گھر کی دیواروں سے بجلی پیدا کرنا ممکن ہو گیا
اشاعت کی تاریخ: 15th, May 2025 GMT
شمسی ماہرین نے سورج سے بجلی حاصل کرنے کیلئے سولر پینٹ ٹیکنا لوجی متعارف کرادی جو سولر پینلز کا بہترین متبادل ہوسکتی ہے۔
ماہرین کے مطابق سولر پینلز کے مقابلے میں سولر پینٹ کے ذریعے زیادہ آسانی سے اور کم خرچ میں توانائی حاصل کی جاسکتی ہے۔
جدید ترین ٹیکنالوجیز کے ذریعے تیار کیے جانے والے سولر پینٹ والی دیوار سولر پینل کا کردار بخوبی ادا کرتی ہے، مذکورہ ٹیکنالوجی سستی توانائی کے حصول کا بہترین ذریعہ ثابت ہو رہی ہے۔سولر پینٹس جنہیں فوٹو وولٹائیک پینٹس بھی کہا جاتا ہے، ایک ابھرتی ہوئی جدید ٹیکنالوجی ہے جو شمسی توانائی پیدا کرنے کے طریقے کو تبدیل کرنے کی صلاحیت رکھتی ہے۔
یہ پینٹس روشنی جذب کرنے والے ایسے مادے پر مشتمل ہوتے ہیں جو سورج کی روشنی کو بجلی میں تبدیل کرتے ہیں۔ یہ روایتی سولر پینلز کے مقابلے میں زیادہ سستے، لچکدار اور ہر قسم کی سطح پر استعمال کیے جاسکتے ہیں جیسے دیواریں، چھتیں اور گاڑیاں وغیرہ۔روایتی سولر پینلز کو جہاں مقررہ تنصیب اور زیادہ جگہ کی ضرورت ہوتی ہے، وہیں سولر پینٹس مختلف اقسام کی سطحوں پر آسانی سے لگائے جا سکتے ہیں۔
سولر پینٹس میں فوٹو وولٹائیک نینو پارٹیکلز شامل کیے جاتے ہیں جو کسی بھی سطح پر مائع شکل میں لگائے جاسکتے ہیں۔ یہ سیمی کنڈکٹر مادے سورج کی روشنی جذب کرتے ہیں اور فوٹو وولٹائیک اثر کے ذریعے بجلی پیدا کرتے ہیں۔ اس عمل میں روشنی سے الیکٹران متحرک ہوتے ہیں، جس سے کرنٹ بنتا ہے۔
یہ پینٹس روایتی سولر پینلز کے مقابلے میں کم لاگت اور متنوع متبادل فراہم کرتے ہیں، روایتی سولر پینلز کو جہاں مقررہ تنصیب اور زیادہ جگہ کی ضرورت ہوتی ہے، وہیں سولر پینٹس مختلف اقسام کی سطحوں پر آسانی سے لگائے جا سکتے ہیں۔اس کے علاوہ گاڑیوں کے اوپر سولر پینٹ کیا جاسکتا ہے تاکہ سورج کی روشنی سے حاصل پونے والی توانائی سے بیٹریاں چارج کی جا سکیں، یہ طریقہ الیکٹرک گاڑیوں کی ترقی میں معاون ثابت ہو سکتا ہے۔
.
ذریعہ
ذریعہ: Daily Ausaf
کلیدی لفظ: سولر پینٹس سولر پینٹ کرتے ہیں
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار