پاکستانی کیوئسٹ آصف ایشین 6 ریڈ اسنوکر کے سیمی فائنل میں پہنچ گئے
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
کولمبو میں جاری ایشین 6 ریڈ اسنوکر چیمپئن شپ میں پاکستان کے عالمی شہرت یافتہ کیویسٹ محمد آصف نے شاندار کارکردگی کا مظاہرہ کرتے ہوئے سیمی فائنل کے لیے کوالیفائی کرلیا ہے۔ کوارٹر فائنل کے سنسنی خیز مقابلے میں محمد آصف نے ملائیشیا کے لم کاک لیونگ کو سخت مقابلے کے بعد شکست دی۔
کوارٹر فائنل کے آغاز سے ہی آصف نے عمدہ کھیل کا مظاہرہ کرتے ہوئے ابتدائی تین فریمز اپنے نام کیے اور تین۔صفر کی برتری حاصل کرلی۔ ان فریمز میں ان کا اسکور 0-67، 21-41 اور 19-27 رہا۔ تاہم چوتھے اور پانچویں فریمز میں ملائیشین کیویسٹ نے واپسی کی اور آصف کی ایک معمولی غلطی کا فائدہ اٹھاتے ہوئے مقابلہ 2-3 تک پہنچا دیا۔
اس کے بعد آصف نے چھٹے فریم میں ایک بار پھر اپنی برتری مستحکم کی، مگر ساتویں فریم میں لم کاک لیونگ نے انہیں ایک بھی بال پوٹ کرنے کا موقع نہیں دیا اور مقابلہ 3-4 پر لے آئے۔ آٹھواں فریم فیصلہ کن ثابت ہوا جس میں دونوں کھلاڑیوں کے درمیان اعصاب شکن مقابلہ دیکھنے کو ملا۔
آخری لمحات میں جب اسکور تقریباً برابر تھا، لم کاک لیونگ کی پنک بال پر غلطی نے آصف کو موقع دیا اور انہوں نے مہارت سے یہ گیند پوٹ کرکے مقابلہ اپنے نام کرلیا۔ یوں محمد آصف نے بیسٹ آف 9 کے اس میچ میں 5-3 سے کامیابی حاصل کی۔ ان کی فتح کا مجموعی اسکور 0-67، 21-41، 19-27، 59-5، 32-41، 25-38، 68-0، اور 21-35 رہا۔
اب سیمی فائنل میں محمد آصف کا مقابلہ کل ایک اور ملائیشین کھلاڑی تھور چوان لیونگ سے ہوگا۔ محمد آصف کی اس شاندار فتح نے نہ صرف پاکستانی شائقین اسنوکر کو خوشی دی ہے بلکہ ٹورنامنٹ میں ان کی پوزیشن کو بھی مضبوط کر دیا ہے۔
.ذریعہ: Jasarat News
پڑھیں:
وزیراعظم کا سعودی عرب کے ساتھ دیرپا شراکت داری کو مزید مستحکم بنانے کے عزم کا اعادہ
اسلام آباد (اُردو پوائنٹ اخبارتازہ ترین - این این آئی۔ 22 ستمبر2025ء) وزیراعظم محمد شہبازشریف نے سعودی عرب کے ساتھ دیرپا شراکت داری کو مزید مستحکم بنانے کے پاکستان کے عزم کا اعادہ کرتے ہوئے کہا ہے کہ پاکستان اور سعودی عرب کے مابین دین اسلام ، تاریخ، بھائی چارے اور اعتماد کی بنیاد پر استوار تعلقات ہمیشہ قائم و دائم رہیں گے۔ وزیر اعظم آفس کے میڈیا ونگ کی طرف سے جاری بیان کے مطابق وزیراعظم محمد شہباز شریف نے سعودی عرب کے قومی دن کے موقع پر اپنے پیغام میں کہا کہ پاکستان کے عوام اور حکومت کی جانب سے وہ خادم الحرمین الشریفین شاہ سلمان بن عبدالعزیز آل سعود، ولی عہد و وزیراعظم شہزادہ محمد بن سلمان بن عبد العزیز آل سعود اور اپنے عزیز سعودی بھائیوں اور بہنوں کو سعودی عرب کے قومی دن کے موقع پر نہایت گرم جوشی کے ساتھ مبارکباد پیش کرتے ہیں۔(جاری ہے)
انہوں نے ریاض کے حالیہ تاریخی دورے کے دوران انہیں اور پاکستانی وفد کو ملنے والے والہانہ استقبال اور محبت سے بھرپور مہمان نوازی کو اپنے لیے انتہائی خوشی اور افتخار کا باعث قرار دیتے ہوئے کہا کہ وہ اپنے سعودی بھائیوں اور بہنوں کا ایک بار پھر دل کی اتھاہ گہرائیوں سے شکریہ ادا کرتے ہیں۔ انہوں نے کہا کہ پاکستانی عوام بھی میرے ساتھ شاہ سلمان اور شہزادہ محمد بن سلمان کا شکریہ ادا کرتے ہیں کہ ہمارا دورہ بے مثال محبت اور یادگار لمحات سے بھرپور رہا۔ وزیر اعظم نے کہا کہ پاکستان اور سعودی عرب کے مابین تعلقات دین اسلام، تاریخ، بھائی چارے اور اعتماد کی بنیاد پر قائم ہیں جو ہمیشہ قائم و دائم رہیں گے، ہم اپنے سعودی بھائیوں اور بہنوں کے ساتھ مل کر سعودی عرب کے عظیم الشان ترقیاتی سفر پر فخر کرتے ہیں جو شہزادہ محمد بن سلمان کی بصیرت افروز قیادت میں جاری ہے۔ انہوں نے کہا کہ آج سعودی عرب عالمی برادری میں جس بلند مقام پر فائز ہے وہ اس بصیرت اور دانشمندی کی روشن مثال ہے۔ وزیر اعظم نے کہا کہ مئی 2025ئ میں بھارت کے ساتھ کشیدگی کے دوران سعودی قیادت اور عوام کی طرف سے اظہار یکجہتی کو پاکستانی قوم ہمیشہ یاد رکھے گی، پاکستانی عوام سعودی عرب کے معاشی تعاون کو بھی فراموش نہیں کر سکتے جس کی وجہ سے ہماری معیشت کو سہارا ملا۔ انہوں نے کہا کہ لاکھوں پاکستانی سعودی عرب کو اپنا دوسرا گھر سمجھتیہیں اور وہاں کی تعمیر و ترقی میں سرگرم عمل ہیں، پاکستانی برادری کی سعودی عرب میں خدمات دونوں برادر ممالک کے مابین خوشگوار تعلقات، خوشحالی اور ترقی کا باعث ہیں۔ انہوں نے کہا کہ سعودی عرب کے قومی دن کے پر مسرت موقع پر میں پاکستان کی جانب سے یہ عزم دہراتا ہوں کہ ہم اس دیرپا شراکت داری کو مزید مستحکم بنانے کے لیے پرعزم ہیں۔ انہوں نے دعا کی کہ اللہ تعالی مملکت سعودی عرب کو ہمیشہ ترقی اور عظمت سے نوازے۔
ملک بھر میں انٹرنیٹ کی رفتار سست، صارفین شدید پریشان