افواجِ پاکستان نے ہمیشہ مادرِ وطن کے دفاع میں بے مثال قربانیاں دیں، منظور شاہ
اشاعت کی تاریخ: 27th, June 2025 GMT
حریت رہنما کا کہنا تھا کہ اب پاک فوج کو مقبوضہ کشمیر کی آزادی کے سلسلے مین ٹھوس اقدامات کرنے چاہیں تاکہ کشمیر ی بھارتی ظلم و جبر سے نجات پا سکیں۔ اسلام ٹائمز۔ حریت کانفرنس کے سینئر رہنما سید منظور احمد شاہ نے میڈیا سے گفتگو کرتے ہوئے کہا ہے کہ ہمیں اپنی بہادر افواج پاکستان پر فخر ہے۔ انہوں نے کہا کہ افواجِ پاکستان نے ہمیشہ مادرِ وطن کے دفاع میں بے مثال قربانیاں دیں اور قوم کے اعتماد پر پورا اتریں، انھوں نے امید ظاہر کی کہ اب پاک فوج کو مقبوضہ کشمیر کی آزادی کے سلسلے میں ٹھوس اقدامات کرنے چاہیں تاکہ کشمیری بھارتی ظلم و جبر سے نجات پاسکیں۔ سید منظور احمد شاہ نے کہا پوری قوم اور کشمیری عوام کے دلوں پر پاک فوج کا راج ہے۔ مشرق وسطیٰ کی صورتحال پر تبصرہ کرتے ہوئے سید منظور احمد شاہ نے امریکی صدر ٹرمپ کو ایران پر بمباری اور ایران اسرائیل جنگ میں فریقِ ظالم بننے پر شدید غم و غصے کا اظہار کیا۔ سید منظور احمد شاہ نے کہا امریکی عوام ایران اسرائیل جنگ میں امریکی شرکت پر سراپا احتجاج ہیں
اور امن کی حمایت کرتے ہیں ہم امریکی عوام کا امن اور انصاف پسندی پر شکریہ ادا کرتے ہیں۔ سید منظور احمد شاہ نے کہا کہ امریکی صدر ٹرمپ کو امریکی عوام اور دنیا کے امن پسند ممالک اور عوام کا احترام کرتے ہوئے اسرائیل کا ساتھ دینا ترک کرنا چاہیے۔ ایران اسرائیل جنگ کو بند کرانا چاہیے امن کا راستہ مستقل جنگ بندی سے ہو کر گزرتا ہے اس لیے عالمی امن اور انصاف کو سفارتی اقدامات کو ترجیح دی جایے۔ سید منظور احمد شاہ نے امریکی صدر کو پاک بھارت جاری جنگ بندی کا معاھدہ یاد دلاتے ہوئے کہا کہ اب مسلہ کشمیر کو حل کرانے کا امریکی صدر کو اپنا وعدہ پورا کرنا چاہیے۔ انہوں نے کہا مسئلہ کشمیر پر امریکی صدر اور اقوام متحدہ کو ایک عالمی کانفرنس کا فورا انعقاد کرکے اس دیرینہ مسئلے کا حل نکالنا چاہیے تاکہ جنوبی ایشاء ایٹمی تصادم کے خطرات سے محفوظ ہو سکے۔
ذریعہ
ذریعہ: Islam Times
کلیدی لفظ: سید منظور احمد شاہ نے امریکی صدر نے کہا
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع