ایئرانڈیا کی پرواز میں مسافر آپس میں لڑ پڑے، لینڈنگ کے بعد ایک کو حراست میں لے لیا گیا
اشاعت کی تاریخ: 28th, June 2025 GMT
امرتسر سے دہلی آنے والی ایئر انڈیا کی پرواز میں اس وقت ناخوشگوار صورتحال پیدا ہو گئی جب ایک مسافر نے دوسرے مسافر سے بدتمیزی کی۔ یہ واقعہ اس وقت پیش آیا جب طیارہ دہلی ایئرپورٹ پر اترنے کی تیاری کررہا تھا۔
ایئر انڈیا کی جانب سے جاری بیان کے مطابق عملے نے ایک مسافر کو دوسرے مسافر سے زبانی جھگڑا کرتے دیکھا، متاثرہ مسافر نے عملے کو اطلاع دی کہ مذکورہ شخص اسے گالیاں دے رہا ہے۔
یہ بھی پڑھیں ایئر انڈیا کی برمنگھم سے دہلی جانے والی پرواز کی ریاض میں ہنگامی لینڈنگ، تمام مسافر محفوظ
صورتحال پر فوری قابو پاتے ہوئے متاثرہ مسافر کو بزنس کلاس میں منتقل کردیا گیا تاکہ لینڈنگ کے دوران کوئی ناخوشگوار واقعہ پیش نہ آئے۔ لینڈنگ کے بعد بدتمیزی کرنے والے مسافر کو دہلی ایئرپورٹ پر سیکیورٹی اہلکاروں کے حوالے کر دیا گیا۔
ایئر انڈیا نے اپنے بیان میں کہاکہ ہم مسافروں کے غیرمہذب رویے کے خلاف زیرو ٹالرنس پالیسی رکھتے ہیں۔ پرواز کے کپتان نے زمینی سیکیورٹی ٹیم کو بروقت اطلاع دی، جو طیارے کے پہنچنے پر موجود تھی اور متعلقہ مسافر کو مزید کارروائی کے لیے ان کے حوالے کر دیا گیا۔
ایئر لائن نے مزید کہاکہ مسافروں اور عملے کی سلامتی اس کی اولین ترجیح ہے، اور وہ اس واقعے کی مکمل تحقیقات میں متعلقہ حکام کے ساتھ مکمل تعاون کرے گی۔
یہ بھی پڑھیں 271 افراد کی ہلاکت، ایئر انڈیا کو شوکاز نوٹس جاری، تادیبی کارروائی کا عندیہ
واضح رہے کہ ڈائریکٹوریٹ جنرل آف سول ایوی ایشن کی جانب سے فضائی سفر کے دوران غیر ذمہ دارانہ اور ہنگامہ خیز رویے سے نمٹنے کے لیے باقاعدہ قوانین موجود ہیں۔ ان میں کسی بھی غیرمہذب مسافر کو ’نو فلائی لسٹ‘ میں شامل کرنے کے لیے انٹرنل انکوائری کمیٹی قائم کرنے کی شق بھی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئرانڈیا پرواز مسافر لڑ پڑے وی نیوز.ذریعہ: WE News
کلیدی لفظ: ایئرانڈیا پرواز وی نیوز ایئر انڈیا مسافر کو انڈیا کی کے لیے
پڑھیں:
امریکا میں ایئرپورٹ پر دو طیارے آپس میں ٹکرا گئے؛ خوفناک آگ بھڑ اُٹھی
امریکی ریاست مونٹانا کے ایئرپورٹ پر دو مسافر بردار طیارے آپس میں ٹکرا کر تباہ ہوگئے اور ان میں خوفناک آگ بھڑک اُٹھی۔
امریکی ریاست مونٹانا کے شہر کالی اسپیـل میں واقع کالی اسپیـل سٹی ایئرپورٹ پر ایک مسافر بردار چھوٹا طیارہ لینڈنگ کے دوران ایک پارک شدہ جہاز سے ٹکرا گیا۔
طیاروں کے آپس میں ٹکرانے کے نتیجے میں خوفناک آگ بھڑک اٹھی۔ جس پر فائر بریگیڈ کے عملے کو طلب کیا گیا۔
ایئرپورٹ پر کھڑا طیارہ غیر فعال تھا جب کہ لینڈنگ کرنے والے طیارے میں پائلٹ سمیت 4 افراد موجود تھے۔
جنھوں نے حاضر دماغی کا مظاہرہ کرتے ہوئے خود ہی طیارے سے چھلانگ لگا کر اپنی جانیں بچائیں۔
خوش قسمتی سے حادثے میں کوئی جانی نقصان نہیں ہوا تاہم دونوں طیاروں کو شدید نقصان پہنچا ہے۔
کیا آپ بھی سوشل میڈیا پر بغیر تصدیق کے پوسٹ شیئر کرتے ہیں؟ امام کعبہ نے خبردار کر دیا