بھاری رقوم کے عوض فلسطینی گھروں کو مسمار کرنے پر مبنی اسرائیلی ٹھیکیداروں کی لا متناہی حرص
اشاعت کی تاریخ: 29th, June 2025 GMT
معروف صیہونی اخبار نے انکشاف کیا ہے کہ غاصب صیہونی ٹھیکیدار، غزہ کی پٹی میں ہر ایک گھر کو مسمار کرنے کیلئے قابض اسرائیلی رژیم سے تقریباً 1 ہزار 500 امریکی ڈالر وصول کرتے ہیں! اسلام ٹائمز۔ عبرانی زبان کے معروف صیہونی اخبار ہآرٹز (Ha'aretz) نے انکشاف کیا ہے کہ ہر وہ نجی ٹھیکیدار کہ جسے قابض اسرائیلی فوج تعینات کرتی ہے؛ غزہ کی پٹی میں اپنی جانب سے تباہ کئے گئے ہر ایک مکان کے بدلے 5 ہزار شیکل (تقریباً 1 ہزار 474 امریکی ڈالر) وصول کرتا ہے۔ اس بات پر زور دیتے ہوئے کہ ہر وہ ٹھیکیدار کہ جو انجنیئرنگ آلات کے ذریعے کام کرتا ہے، مسمار کئے جانے والے فی مکان کے بدلے 5 ہزار شیکل حاصل کرتا ہے، اسرائیلی اعلی فوجی افسر نے تاکید کی کہ "وہ بہت زیادہ پیسہ کما رہے ہیں"۔ صیہونی اعلی فوجی افسر نے کہا کہ اگر یہ ٹھیکیدار "فلسطینی شہریوں کے مکانات" نہ گرا پائیں تو وہ اسے اپنا "مالی نقصان" سمجھتے ہیں درحالیکہ ان کی سکیورٹی کی ذمہ دار اسرائیلی فوج ہوتی ہے!
اسرائیلی اخبار نے واضح الفاظ میں لکھا کہ فلسطینی گھروں کی مسماری میں شریک یہ ٹھیکیدار اور ان کے نسبتا محدود سکیورٹی گارڈز، امدادی تقسیم کے مراکز یا ٹرکوں کے راستوں کے قریب بھی جا پہنچتے ہیں جہاں وہ اپنی "حفاظت" کے بہانے، نہتے اور بھوکے پیاسے فلسطینیوں پر سیدھی گولیاں چلاتے ہیں جس کے نتیجے میں خوراک کے منتظر بھوکے پیاسے فلسطینیوں کی موقع پر موت واقع ہو جاتی ہے۔ ہآرٹز نے مزید لکھا کہ مذکورہ اسرائیلی ٹھیکیدار اضافی 5 ہزار شیکل حاصل کرنے کے لالچ میں یہ فیصلہ بآسانی کر لیتے ہیں کہ "خوراک کے متلاشی فلسطینیوں کو قتل کرنا" قابلِ قبول ہے!
اسی تناظر میں، طبی امدادی تنظیم ڈاکٹرز وِدآؤٹ بارڈرز (Doctors Without Borders - MSF) کے ہنگامی رابطہ کار ڈاکٹر آیتور زابالگوگیازکوا (Aitor Zabalgogeazkoa) کا کہنا ہے کہ یہ 4 نام نہاد امدادی مراکز اُن علاقوں میں بنائے گئے ہیں کہ جنہیں قابض اسرائیلی فوج نے مقامی آبادی کو بے دخل کر دینے کے بعد اپنے "مکمل کنٹرول" میں لے رکھا ہے اور جو فٹبال گراؤنڈ جتنے بڑے اور مٹی کے ٹیلوں، خاردار باڑوں اور نگرانی کے ٹاورز سے گھِرے ہوئے ہیں۔ ڈاکٹر آیتور زابالگوگیازکوا کا کہنا ہے کہ ان مراکز کے لئے صرف 1 ہی داخلی راستہ موجود ہے لہذا جب غزہ ہیومینیٹرین فاؤنڈیشن (Gaza Humanitarian Foundation - GHF) کے کارکن امدادی ڈبے رکھ کر دروازہ کھولتے ہیں تو ہزاروں بھوکے پیاسے فلسطینی شہری بیک وقت اندر لپکتے اور آخری دانے تک کو چن لینے کے لئے آپس میں جھگڑتے ہیں!! ڈاکٹرز ودآؤٹ بارڈرز کے ہنگامی رابطہ کار نے مزید کہا کہ اس دوران اگر کوئی شخص جلد پہنچ کر چیک پوائنٹ کے قریب آ جائے تو قابض اسرائیلی فوج اُس پر بلا جھجھک فائر کھول دیتی ہے، نیز اگر بھیڑ بھاڑ کے باعث کوئی شخص مٹی کے ٹیلوں پر چڑھ جائے یا خاردار باڑ کو عبور کر لے تو بھی اسرائیلی فوجی اسے گولیاں مار مار کر موقع پر ہی قتل کر ڈالتے ہیں، جبکہ دوسری صورت میں اگر امداد کے متلاشی فلسطینی شہری اس علاقے میں ذرا دیر سے پہنچیں، تو بھی چونکہ اس علاقے کو "خالی شدہ علاقہ" قرار دیا جا چکا ہے، تب بھی اُس پر بے دھڑک گولی چلا دی جاتی ہے!!
ذریعہ: Islam Times
کلیدی لفظ: اسرائیلی فوج
پڑھیں:
گلوبل صمود فلوٹیلا‘ پر اسرائیلی قبضے کے بعد نیا امدادی قافلہ غزہ روانہ
data-id="863a0a8" data-element_type="widget" data-widget_type="theme-post-content.default">
غزہ کی ناکہ بندی توڑنے کے لیے روانہ کیے گئے ’گلوبل صمود فلوٹیلا‘ پر اسرائیلی قبضے کے بعد ایک اور امدادی فلوٹیلا غزہ کی جانب روانہ کر دیا گیا ہے۔
بین الاقوامی میڈیا کے مطابق فریڈم فلوٹیلا کولیشن (ایف ایف سی) کا کہنا ہے کہ اسرائیلی ناکہ بندی توڑنے کے لیے نیا امدادی بیڑا غزہ کی جانب روانہ ہو گیا ہے، 11 جہازوں پر مشتمل یہ قافلہ اسرائیلی محاصرے کو چیلنج کرتے ہوئے غزہ کا رخ کر رہا ہے۔
فریڈم فلوٹیلا کولیشن کے بیان میں کہا گیا کہ 25 ستمبر کو اٹلی کے شہر اوترانتو سے دو کشتیاں روانہ ہوئیں، جب کہ 30 ستمبر کو ’کونشینس‘ نامی جہاز ان کے ساتھ شامل ہوا، جس پر صحافی اور طبی عملہ بھی سوار ہے۔
نظیم کے مطابق چند گھنٹوں میں یہ جہاز آٹھ کشتیوں پر مشتمل قافلے ’’تھاؤزنڈ میڈلینز ٹو غزہ‘‘ سے مل جائیں گے، یوں مجموعی طور پر 11 کشتیوں پر مشتمل یہ فلوٹیلا غزہ کا رخ کرے گا، یہ قافلہ اس وقت یونان کے ساحل کریٹ کے قریب موجود ہے اور اس پر تقریباً 100 افراد سوار ہیں۔
یہ پیش رفت ایسے موقع پر ہوئی ہے جب اسرائیلی بحریہ نے حال ہی میں غزہ جانے والی 40 سے زائد کشتیوں پر مشتمل ’’گلوبل صمود فلوٹیلا‘‘ کی آخری کشتی پر بھی حملہ کرکے قبضے میں لے لیا تھا۔ اسرائیلی فوج نے اس فلوٹیلا پر موجود سابق سینیٹر مشتاق احمد، سوئیڈش ماحولیاتی کارکن گریٹا تھنبرگ اور نیلسن مینڈیلا کے پوتے نکوسی زویلیولیلی سمیت 450 سے زائد کارکنوں کو گرفتار کیا۔
یاد رہے کہ اسرائیل نے گزشتہ 18 برس سے غزہ پر سخت ناکہ بندی مسلط کر رکھی ہے۔ مارچ میں سرحدی راستے مکمل بند کرکے خوراک اور ادویات کی ترسیل بھی روک دی گئی تھی۔ اکتوبر 2023 سے جاری اسرائیلی جارحیت میں اب تک 66 ہزار 200 سے زائد فلسطینی شہید ہو چکے ہیں، جن میں اکثریت خواتین اور بچوں کی ہے۔
ویب ڈیسک
دانیال عدنان
پھلوں کا زیادہ استعمال پھیپھڑوں پر فضائی آلودگی کے اثرات کم کر سکتا ہے: تحقیق