ڈوین جانسن کی بیٹیوں کیساتھ ’میک اپ پارٹی‘، دلچسپ ویڈیو وائرل
اشاعت کی تاریخ: 30th, June 2025 GMT
ہالی ووڈ کے معروف اداکار و سابق ریسلر ڈوین جانسن کی بیٹیوں کے ساتھ دلچسپ ’میک اپ‘ پارٹی ویڈیو سوشل میڈیا پر وائرل ہوگئی۔
ڈوین جانسن نے فوٹوز اینڈ ویڈیوز شیئرنگ ایپ انسٹاگرام پر ایک ویڈیو شیئر کی ہے جس میں ان کی بیٹیوں کو ان کا میک اپ کرتے ہوئے دیکھا جا سکتا ہے۔
اُنہوں نے یہ ویڈیو شیئر کرتے ہوئے کیپشن میں لکھا کہ صبح 8 بجکر 57 منٹ پر میرے دو چھوٹے طوفان مجھ سے التجا کرتے ہیں کہ انہیں میرے سر پر میک اپ پارٹی کرنے دیں۔
View this post on InstagramA post shared by Dwayne Johnson (@therock)
ڈوین جانسن نے لکھا کہ صبح 8 بجکر 59 میں یہ اذیت برداشت کرنے کے لیے راضی ہوگیا۔
اُنہوں نے لکھا کہ صبح 9 بجکر 04 منٹ پر میری دونوں بیٹیوں نے اس بات پر زبردست لڑائی کی کہ میرے چہرے پر کس طرح کا میک اپ کرنا ہے اور آخر کار میرے چہرے کو درمیان سے دو حصوں میں بانٹ لیا گیا تاکہ دونوں آدھے آدھے چہرے پر اپنی مرضی کا میک اپ کرسکیں۔
ڈوین جانسن نے مزید لکھا کہ صبح 10 بجکر 17 منٹ پر جب میں شاور لینے گیا تو یہ احساس ہوا کہ اس میک اپ کو دھونے میں تو بہت وقت لگ جائے گا۔
اُنہوں نے لکھا کہ 11 بجے زوم میٹنگ کے دوران مجھے یہ احساس ہوا کہ نیل پالش تو ابھی تک لگی ہوئی ہے۔
ڈوین جانسن نے آخر میں لکھا کہ لیکن بچوں کو بستر پر ٹکانے اور انہیں گڈ نائٹ کہہ کر ان کا ماتھا چومتے ہوئے، جلد ہی یہ احساس ہوتا ہے کہ یہ چھوٹے بچے ہیں اور انہیں ہنسانے کے لیے کچھ بھی کیا جا سکتا ہے۔
Post Views: 4.
ذریعہ
ذریعہ: Daily Mumtaz
کلیدی لفظ: ڈوین جانسن نے لکھا کہ صبح میک اپ
پڑھیں:
5 جون کا وفاقی بجٹ اجلاس مؤخر، نئی تاریخ کا فیصلہ نہ ہوسکا
پانچ جون کا وفاقی بجٹ اجلاس مؤخر کردیا گیا، نئی تاریخ کا فیصلہ نہ ہوسکا۔
بجٹ پر پیپلز پارٹی کے خدشات دور کرنے کے لیے وزارت خزانہ میں حکومت اور پیپلز پارٹی کے منگل کی رات مذاکرات ہوئے مگر پیپلز پارٹی کے خدشات دور نہ کیے جاسکے۔
ذرائع کے مطابق پیپلز پارٹی اورحکومتی ٹیم کا اجلاس آج دوبارہ ہوگا۔
پیپلز پارٹی کو گلہ ہے کہ بجٹ پر انہیں اعتماد میں نہیں لیا گیا۔
حکومت بجٹ سے پہلے اہم قانون سازی کرنا چاہتی ہے لیکن پیپلز پارٹی مجوزہ ترامیم کی مخالف ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ