عالمی برادری کا اعتماد، پاکستان نے ایک اور بڑا اعزاز حاصل کر لیا
اشاعت کی تاریخ: 30th, June 2025 GMT
پاکستان نے صنعتی ترقی میں اہم سنگ میل عبور کیا جس کا اعتراف عالمی برادری بھی کر رہی ہے اور پاکستان کو ایک بڑا اعزاز مل گیا ہے۔
پاکستان اقوام عالم میں تیزی سے اپنا کھویا ہوا مقام حاصل کر رہا ہے اور عالمی برادری کا اس پر اعتماد بڑھ رہا ہے جس نے پاکستان کو ایک اور بڑا اعزاز دلا دیا ہے۔
عالمی برادری کے اسی اعتماد کا مظہر ہے کہ پاکستان کو اقوام متحدہ انڈسٹریل ڈیولپمنٹ بورڈ کے 53 ویں اجلاس کا صدر منتخب کر لیا گیا ہے اور اقوام متحدہ میں پاکستان کے مستقل مندوب کامران اختر اجلاس کے صدر ہوں گے۔ پاکستان پہلی بار اس بورڈ کی سربراہی کرے گا۔
پاکستان نے آج اقوام متحدہ انڈسٹریل ڈیولپمنٹ (یونیڈو) بورڈ اجلاس کی نئی ذمہ داریاں سنبھال لی ہیں۔ پاکستان کے یونیڈو میں 350 ملین ڈالرز کے جاری اور طے شدہ منصوبے بھی شامل ہیں۔
سفارتی ذرائع اس فیصلے کو پاکستان کی صنعتی ترقی میں ایک اہم سنگ میل اور عالمی سطح پر پاکستان کی کامیابیوں کا اعتراف قرار دے رہے ہیں۔
.ذریعہ: Daily Ausaf
کلیدی لفظ: عالمی برادری
پڑھیں:
سعودی وزارت صحت کے لیے اقوام متحدہ کا انٹر ایجنسی ٹاسک فورس ایوارڈ
سعودی عرب کی وزارت صحت کو اقوام متحدہ کے انٹر ایجنسی ٹاسک فورس برائے غیر متعدی امراض کی روک تھام اور کنٹرول (UNIATF) نے 2025 کا ایوارڈ دیا ہے۔
یہ ایوارڈ وزارت صحت کی جامع اور جدید پالیسیوں کو تسلیم کرتے ہوئے دیا گیا جو موٹاپے اور غیر متعدی بیماریوں کے تدارک کے لیے نافذ کی گئی ہیں۔
ایوارڈ عالمی ادارہ صحت اور اقوام متحدہ کے 10ویں سالانہ ’فرینڈز آف ٹاسک فورس میٹنگ‘ کے دوران نیو یارک میں دیا گیا، جو اقوام متحدہ کی جنرل اسمبلی کے 80 ویں سیشن کے دوران منعقد ہوا۔
وزارت صحت کے پروگراموں میں شامل تھے: Sehhaty ایپ، Seha Virtual Hospital، ہیلتھی سٹیز پروگرام، Walk 30، جس میں ایک ملین سے زائد شہریوں نے حصہ لیا۔
یہ بھی پڑھیں:سعودی عرب سے دفاعی معاہدہ برادرانہ رشتوں کا تسلسل ہے، وزیراعظم شہباز شریف
اس کے علاوہ غذائی پالیسیوں میں چینی والے مشروبات پر ٹیکس اور صنعتی ٹرانس فیٹس کا خاتمہ بھی شامل ہے۔
صحت ورچوئل اسپتالسعودی عرب کا Seha Virtual Hospital (صحت ورچوئل اسپتال) دنیا کا سب سے بڑا آن لائن طبی منصوبہ قرار دیا گیا ہے، جسے گنیز ورلڈ ریکارڈز نے بھی تسلیم کیا ہے۔
یہ اسپتال 200 سے زائد سعودی اسپتالوں سے منسلک ہے اور جدید مصنوعی ذہانت کے حل کے ذریعے مریضوں کی دیکھ بھال کو بہتر بنا رہا ہے، جغرافیائی رکاوٹیں ختم کر رہا ہے اور صحت کی سہولیات کی رسائی میں انقلاب لا رہا ہے۔
ہیلتھی سٹیز پروگرامسعودی عرب کے 16 شہر عالمی ادارہ صحت کے معیار کے مطابق ہیلتھی سٹیز کے طور پر منتخب کیے گئے ہیں، جن میں جدہ اور مدینہ خاص طور پر نمایاں ہیں کیونکہ یہ مشرق وسطیٰ کے وہ پہلے شہر ہیں جن کی آبادی 2 ملین یا اس سے زائد ہے۔ یہ کامیابی شہر کی صحت، انفراسٹرکچر، جدید عوامی سہولیات اور ترقیاتی منصوبوں کے حقیقی نفاذ کی بدولت ممکن ہوئی ہے۔
سعودی پریس ایجنسی کے مطابق، یہ پہچان صحت کے شعبے میں سعودی عرب کی تیز رفتار پیش رفت کو اجاگر کرتی ہے اور غیر متعدی بیماریوں کی روک تھام اور صحت سے متعلقہ پائیدار ترقی کے مقاصد (SDGs) کے حصول میں سعودی عرب کے کردار کو مضبوط کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ سعودی عرب صحتی یو این ایوارڈ
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری