ایشیا کپ 2025: پاک بھارت ٹاکرا 7 ستمبر کو دبئی میں شیڈول: بھارتی میڈیا
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
ایشین کرکٹ کونسل (اے سی سی) کے زیرِ اہتمام رواں سال ہونے والے ایشیا کپ 2025 کے ابتدائی شیڈول کی تفصیلات سامنے آ گئی ہیں، جس کے مطابق ایونٹ کا آغاز 4 یا 5 ستمبر سے متوقع ہے۔
بھارتی ذرائع ابلاغ کے مطابق ایشیا کپ کے انعقاد سے متعلق حتمی فیصلہ اسی ہفتے کیا جائے گا، جب کہ ٹورنامنٹ کا میلہ اس بار ٹی ٹوئنٹی فارمیٹ میں بھارت کی میزبانی میں سجے گا۔
ذرائع کا کہنا ہے کہ سب سے زیادہ توجہ کا مرکز بننے والا پاک-بھارت مقابلہ 7 ستمبر کو دبئی میں ہونے کا امکان ہے، دونوں روایتی حریف ٹیمیں ایونٹ میں کم از کم دو بار آمنے سامنے آئیں گی، اگر دونوں ٹیمیں فائنل تک رسائی حاصل کرتی ہیں تو ممکنہ طور پر تیسری بار بھی ٹاکرا ہو سکتا ہے۔
یاد رہے کہ ایشیا کپ 2025 کی باضابطہ میزبانی بھارت کو سونپی گئی ہے، تاہم پاکستان کی شرکت کو یقینی بنانے کے لیے ہائبرڈ ماڈل پر عمل کیا جائے گا۔ اس ماڈل کے تحت چند میچز متحدہ عرب امارات میں کھیلے جائیں گے، جب کہ بھارت میں باقی ایونٹ کا انعقاد ہوگا۔
ابتدائی طور پر سری لنکا اور یو اے ای کو مشترکہ میزبانی کے ممکنہ امیدواروں کے طور پر دیکھا جا رہا تھا، مگر موجودہ علاقائی و سفارتی صورتحال کے پیش نظر دبئی کو ترجیح دی گئی ہے۔
ایشیا کپ میں بھارت، پاکستان، سری لنکا، بنگلادیش، افغانستان اور ایک کوالیفائر ٹیم حصہ لے گی، جس کا اعلان بعد میں کیا جائے گا، یہ ایونٹ آئی سی سی ٹی ٹوئنٹی ورلڈ کپ 2026 کی تیاریوں کے تناظر میں بھی اہم تصور کیا جا رہا ہے۔۔
.ذریعہ: Jasarat News
کلیدی لفظ: ایشیا کپ
پڑھیں:
رواں مالی سال کی پہلی سہ ماہی میں تجارتی خسارے میں 33 فیصد اضافہ
اسلام آباد:مالی سال 26-2025 کی پہلی سہ ماہی (جولائی تا ستمبر)میں ملک کا تجارتی خسارہ 33 فیصد اضافہ کے ساتھ بڑھ کر 9 ارب 36 کروڑ 80 لاکھ ڈالر ہوگیا ہے جبکہ گزشتہ مالی سال کی اسی مدت میں تجارتی خسارے کا حجم 7 ارب ڈالر تھا۔
وفاقی ادارہ شماریات کی رپورٹ کے مطابق موجودہ مالی سال کی پہلی سہ ماہی میں تجارتی خسارے میں 2 ارب 32 کروڑ ڈالر کا اضافہ ہوا ہے، پہلی سہہ ماہی میں ملکی برآمدات 7 ارب 60 کروڑ جبکہ درآمدات تقریبا 17 ارب ڈالر رہی ہیں۔
اعداد و شمار میں بتایا گیا کہ رواں مالی سال کی پہلی سہ ماہی میں ملکی برآمدات 3.83 فیصد کمی سے 7 ارب 60 کروڑ ڈالر ریکارڈ کی گئیں جبکہ اس دوران درآمدات 14.39 فیصد اضافے سے 16 ارب 97 کروڑ ڈالر تک پہنچ گئی ہیں۔
ادارہ شماریات نے بتایا کہ گزشتہ ماہ ( ستمبر 2025 ) میں برآمدات 3.64 فیصد اضافے سے دو ارب 50 کروڑ ڈالر رہی ہیں جبکہ اگست 2025 میں برآمدات کا حجم 2 ارب 41 کروڑ 60 لاکھ ڈالر تھا۔
رپورٹ کے مطابق گزشتہ ماہ ستمبر 2024 کی نسبت برآمدات میں 11.71 فیصد کمی ریکارڈ کی گئی ہے، گزشتہ سال ستمبر میں ملکی برآمدات کا حجم 2 ارب 83 کروڑ ڈالر سے زائد تھا جبکہ ستمبر 2025 میں درآمدات کا حجم 5 ارب 84 کروڑ ڈالر سے تجاوز کر گیا۔
ادارہ شماریات نے بتایا کہ ستمبر 2025 میں تجارتی خسارہ 16.33 فیصد اضافے سے 3 ارب 34 کروڑ ڈالر رہا اور ستمبر 2025 میں گزشتہ سال کی نسبت تجارتی خسارہ 46 فیصد اضافہ ریکارڈ کیا گیا ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ