بلدیہ ہزاری کالونی میں گھر سے پھندا لگی لاش برآمد‘ خودکشی کا شبہ
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) بلدیہ ہزاری کالونی میں ایک گھر سے 45 سالہ شخص صادق کی پھندا لگی لاش برآمد ہوئی ہے۔ اطلاع ملتے ہی پولیس موقع پر پہنچ گئی اور لاش کو ضابطے کی کارروائی کے لیے سول اسپتال منتقل کیا۔ایس ایچ او اتحاد ٹاؤن راؤ شبیر کے مطابق ابتدائی تحقیقات میں یہ واقعہ خودکشی کا معلوم ہوتا ہے، تاہم موت کی اصل وجہ پوسٹ مارٹم رپورٹ آنے کے بعد ہی واضح ہو سکے گی۔پولیس نے بتایا کہ متوفی صادق کی اہلیہ کا انتقال ہو چکا تھا اور ان کی دو بیٹیاں گارڈن میں اپنے چچا کے پاس رہتی ہیں۔ صادق ہزاری کالونی میں کرایے کے مکان میں اکیلے رہائش پذیر تھے اور محنت مزدوری کر کے گزر بسر کرتے تھے۔فی الحال، خودکشی کی وجہ معلوم نہیں ہو سکی ہے۔ پولیس مزید تحقیقات کر رہی ہے تاکہ واقعے کے محرکات کا پتہ چلایا جا سکے۔ اس ضمن میں متوفی کے رشتے داروں اور آس پاس کے افراد سے بھی پوچھ گچھ کی جا رہی ہے۔
.ذریعہ: Jasarat News
پڑھیں:
کراچی: فائرنگ اور کلہاڑی وار سے تین افراد زخمی
کراچی کے مختلف علاقوں میں فائرنگ اور کلہاڑی کے وار سے تین افراد زخمی ہوگئے۔
تفصیلات کے مطابق ہجرت کالونی گلی نمبر 53 اے میں فائرنگ سے نوجوان زخمی ہوگیا جسے فوری طبی امداد کے لیے جناح اسپتال لیجایا گیا۔
سول لائن پولیس کے مطابق مضروب کی شناخت 24 سالہ فرید اللہ کے نام سے کی گئی جبکہ واقعہ خود کو گولی مار کر اقدام خودکشی کا معلوم ہوا ہے جس کی مزید معلومات حاصل کی جا رہی ہے۔
اورنگی ٹاؤن کے علاقے بخاری کالونی میں فائرنگ سے 55 سالہ تاج محمد زخمی ہوگیا۔اورنگی ٹاؤن پولیس کا کہنا ہے کہ واقعہ گھر کے اندر نامعلوم سمت سے آنے والی گولی لگنے کا بتایا جا رہا ہے جس کی مزید چھان بین کی جا رہی ہے۔
دریں اثنا فیوچر کالونی میں جھگڑے کے دوران سر پر کلہاڑی کے وار سے 46 سالہ وزیر شاہ شدید زخمی ہوگیا جسے طبی امداد کے لیے جناح اسپتال لیجایا گیا۔
شرافی گوٹھ پولیس کا کہنا ہے کہ 2 بھائیوں میں جائیداد کے تنازعے پر جھگڑا ہوا تھا جس میں اختر نے اپنے بھائی کو کلہاڑی کے وار سے زخمی کر دیا جو کہ موقع سے فرار ہوگیا ۔
پاک،امریکا بہتر تعلقات بڑی کامیابی، فوری فوائد کا امکان نہیں