کوہاٹ اور کرک میں پولیس مقابلے، 4 خطرناک دہشتگرد مارے گئے
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
پشاور: کوہاٹ اور کرک کے مختلف علاقوں میں پولیس نے منظم کارروائیوں کے ذریعے دہشتگردی کی نئی لہر کو ناکام بنا دیا۔
2 الگ واقعات میں مجموعی طور پر 4 دہشتگردوں کو مقابلے کے دوران ہلاک کردیا گیا ہے۔ یہ کارروائیاں پولیس کی جانب سے خفیہ معلومات کی بنیاد پر کی گئیں۔
کوہاٹ میں کی جانے والی کارروائی کی قیادت تھانہ صدر کے ایس ایچ او ریاض نے کی، جو معمول کے گشت پر تھے کہ اچانک دہشتگردوں نے اندھادھند فائرنگ شروع کر دی۔ فائرنگ کی شدت کے باوجود پولیس نے انتہائی فوری ردعمل کا مظاہرہ کرتے ہوئے محاصرہ مضبوط کیا اور جوابی کارروائی کی جس کے نتیجے میں 3 دہشتگرد موقع پر ہی ہلاک ہوگئے۔
پولیس حکام کے مطابق مارے جانے والے دہشتگردوں کا تعلق ایسے گروہ سے تھا جو علاقے میں خوف و ہراس پھیلانے کی منصوبہ بندی کر رہا تھا۔ ابتدائی شواہد سے پتا چلا ہے کہ یہ عناصر حالیہ ہفتوں میں ہونے والی چند مشکوک سرگرمیوں میں ملوث تھے، تاہم ان کے اصل نیٹ ورک، سہولت کاروں اور روابط کے بارے میں تفتیش جاری ہے۔
ہلاک دہشتگردوں کی لاشیں قانونی کارروائی کے لیے قریبی اسپتال منتقل کردی گئی ہیں جبکہ پولیس نے علاقے میں سرچ آپریشن بھی مزید تیز کر دیا ہے تاکہ فرار ہونے والے سہولت کاروں یا ممکنہ ساتھیوں تک بھی پہنچا جا سکے۔
اُدھر کرک کے علاقے میر کلام بانڈہ میں پولیس کو خفیہ اطلاع ملی جس کے بعد فورسز نے علاقے کو گھیرے میں لے کر کارروائی شروع کی۔ جیسے ہی پولیس پہنچی تو دہشتگردوں نے فائرنگ کرتے ہوئے فرار ہونے کی کوشش کی لیکن فورسز نے حکمت عملی کے ساتھ صورتحال کو سنبھالتے ہوئے حملہ ناکام بنا دیا۔
مقابلے میں ایک دہشتگرد ہلاک ہوگیا، جو مختلف سنگین مقدمات میں نامزد تھا اور قانون نافذ کرنے والے اداروں کو مطلوب تھا۔ سی ٹی ڈی کے مطابق اس دہشتگرد کا تعلق ایک ایسے گروہ سے تھا جو ضلع کے دور دراز علاقوں میں اپنی سرگرمیاں جاری رکھے ہوئے تھا۔
.
ذریعہ
ذریعہ: Jasarat News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا