مون سون بارشیں ،ملک میں دو ہفتوں سے کم وقت میں 72 افراد جاںبحق،130 ہوئے. این ڈی ایم اے
اشاعت کی تاریخ: 7th, July 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔07 جولائی ۔2025 ) این ڈی ایم اے کا کہنا ہے کہ 26 جون سے اب تک ملک بھر میں بارشوں سے متعلقہ واقعات میں کم از کم 72 افراد جاںبحق اور 130 زخمی ہو چکے ہیں این ڈی ایم اے کی رپورٹ کے مطابق خیبر پختونخوا میں سب سے زیادہ 28 اموات ہوئیں، جبکہ پنجاب میں 22، سندھ میں 15 اور بلوچستان میں سات افراد جاںبحق ہوئے پنجاب میں 26 جون سے بارش سے متعلقہ واقعات میں 66، سندھ میں 34، خیبر پختونخوا میں 23، آزاد کشمیر میں چار اور بلوچستان میں تین افراد زخمی ہوئے.
(جاری ہے)
رپورٹ میں کہا گیا ہے کہ 26 جون سے اب تک کم از کم 161 مکانات کو نقصان پہنچا ہے جبکہ 91 مویشی ہلاک ہو چکے ہیں این ڈی ایم اے نے بتایا کہ مجموعی طور پر 233 افراد کو بچایا گیا، جن میں سب سے زیادہ لوگ خیبر پختونخوا 115، سندھ 42، پنجاب 31، گلگت بلتستان 25، اسلام آباد 15 اور بلوچستان میں پانچ افراد کو بچایا گیا مسلسل موسمیاتی تبدیلیوں کی وجہ سے پاکستان کا شمار سب سے زیادہ خطرے سے دوچار ممالک میں ہوتا ہے 2022 میں مون سون کی ریکارڈ بارشوں اور گلیشیئر پگھلنے سے تباہ کن سیلاب آیا تھا جس سے 33 ملین افراد متاثر ہوئے اور 1700 سے زیادہ افراد ہلاک ہوئے. ادھر پی ڈی ایم اے نے بتایا ہے کہ بلوچستان میں حالیہ مون سون بارشوں کے دوران مختلف حادثات میں سات افراد جاں بحق اور 7 زخمی ہوئے، طوفانی بارشوں اور سیلابی صورتحال سے مختلف اضلاع میں 22 مکانات کو نقصان پہنچا ہے. پراونشل ڈیزاسٹر مینجمنٹ اتھارٹی(پی ڈی ایم اے ) نے بلوچستان میں حالیہ مون سون بارشوں سے نقصانات کے حوالے سے رپورٹ میں کہا ہے کہ حالیہ مون سون بارشوں کے دوران مختلف حادثات میں 7 افراد جاں بحق اور 7 زخمی ہوئے. پی ڈی ایم اے کے مطابق طوفانی بارشوں اور سیلابی صورتحال سے مختلف اضلاع میں 22 مکانات کو نقصان پہنچا، ضلع واشک میں سیلابی صورتحال سے 5 مکانات مکمل منہدم ہوئے،واشک میں فلیش فلڈنگ سے مکانات اور زرعی زمینوں کو نقصان پہنچا لورالائی میں طوفانی ہواﺅ ں سے متعدد سولر پینلز کو نقصان پہنچا، سوراب میں بھی شدید بارش اور طوفانی ہواں سے گھروں اور سولرپینلز کو نقصان ہوا موسی خیل میں آسمانی بجلی گرنے سے ایک شخص جاں بحق ہوا، پی ڈی ایم اے کی جانب سے متاثرہ اضلاع میں مزید نقصانات کا تخمینہ لگانے کے لیے سروے جاری ہے، پی ڈی ایم اے کی صوبے کے متاثرہ اضلاع میں امدادی سرگرمیاں بھی جاری ہیں. واضح رہے کہ بلوچستان سمیت ملک بھر میں مون سون کا دوسرا اسپیل جاری ہے جس کے دوران 10 جولائی تک بارشوں کا امکان ہے دوسری جانب محکمہ موسمیات نے موسلا دھار بارش کے باعث مری، گلیات، مانسہرہ، کوہستان، ایبٹ آباد، بونیر، چترال، دیر کے مقامی برساتی ندی نالوں میں طغیانی کا خدشہ ظاہر کیا ہے اسلام آباد، راولپنڈی، ڈیرہ غازی خان، شمال مشرقی پنجاب، کشمیر اور بلوچستان کے مقامی برساتی ندی نالوں میں بھی طغیانی کا خدشہ ہے، شدید بارشوں کے باعث خیبرپختونخوا، مری، گلیات اور کشمیر میں لینڈ سلائیڈنگ کا خطرہ بھی ہے. حکام کا کہنا ہے کہ شدید بارشوں کے باعث اسلام آباد، راولپنڈی، گوجرانوالہ، لاہور کے نشیبی علا قے زیر آب آنے کا اندیشہ ہے، اسی طرح سیالکوٹ، سرگودھا، فیصل آباد، نوشہرہ اور پشاور کے نشیبی علاقے زیر آب آنے کا اندیشہ ہے لاہور سمیت پنجاب کے مختلف اضلاع میں ہونے والی مون سون بارشوں بارے پی ڈی ایم اے نے رپورٹ جاری کی ہے پی ڈی ایم اے کی رپورٹ کے مطابق ضلع لیہ میں سب سے زیادہ بارش 37 ملی میٹر ریکارڈ کی گئی، کوٹ ادو میں 31، ڈیرہ غازی خان 29 اور بھکر میں 23 ملی میٹر ریکارڈ کی گئی. اس کے علاوہ میانوالی 8، لاہور7، نارووال میں 6، قصور میں 3، منڈی بہاالدین 2 اور ملتان میں 1 ملی میٹر تک بارش ریکارڈ ہوئی ترجمان پی ڈی ایم اے کے مطابق سیالکوٹ، منگلا، ٹوبہ ٹیک سنگھ، گجرات، بہاولنگر، ساہیوال، بہاولپور اور گوجرانوالہ میں بھی بارش ریکارڈ کی گئی پی ڈی ایم اے ترجمان کا کہنا ہے کہ مون سون بارشوں کا یہ سلسلہ 10 جولائی تک جاری رہنے کا امکان ہے، آئندہ 24 گھنٹوں میں پنجاب کے بیشتر علاقوں میں شدید مون سون بارشیں متوقع ہیں.
ذریعہ: UrduPoint
کلیدی لفظ: تلاش کیجئے کو نقصان پہنچا اور بلوچستان ڈی ایم اے بلوچستان میں ڈی ایم اے کی پی ڈی ایم اے سب سے زیادہ اسلام آباد بارشوں کے اضلاع میں کے مطابق
پڑھیں:
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک
data-id="863a0a8" data-element_type="widget" data-widget_type="theme-post-content.default">
لندن: برطانیہ کے علاقے کیمرج شائر میں خوفناک واقعہ اُس وقت پیش آیا جب ایک تیز دھار آلے سے حملے کے نتیجے میں ٹرین میں سوار 10 مسافر زخمی ہو گئے، جن میں سے 9 کی حالت تشویشناک بتائی جا رہی ہے۔
عالمی میڈیا رپورٹس کے مطابق یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا جو مقامی وقت کے مطابق شام 6 بج کر 25 منٹ پر روانہ ہوئی تھی، واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے 2 مشتبہ افراد کو گرفتار کر لیا۔
پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتال منتقل کیا، واقعے کے باعث ٹرین میں سوار متعدد مسافروں کو لندن جانے والی بسوں میں منتقل کر دیا گیا۔
کیمرج شائر پولیس نے اس واقعے کو بڑا حادثہ قرار دیتے ہوئے کہا ہے کہ انسدادِ دہشت گردی کے ماہر افسران اس حملے کی تحقیقات میں معاونت کر رہے ہیں،حملے کی وجوہات تاحال سامنے نہیں آئیں اور تحقیقات جاری ہیں، اس نے ایک شخص کو خون آلود بازو کے ساتھ بوگی میں دوڑتے دیکھا جو چیخ رہا تھا کہ ان کے پاس چاقو ہے، بھاگو اور اس کے فوراً بعد ایک اور شخص زمین پر گرا ہوا نظر آیا۔
دوسری جانب برطانوی وزیراعظم کیئر اسٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، انہوں نے شہریوں سے اپیل کی کہ وہ مقامی حکام کی ہدایات پر عمل کریں اور افواہوں سے گریز کریں۔
پولیس کا کہنا ہے کہ اس واقعے کے محرکات اور مشتبہ حملہ آوروں کے عزائم کے بارے میں تفصیلات جلد منظرِ عام پر لائی جائیں گی۔
وزیراعلیٰ سندھ مراد علی شاہ سی پی او میں ای ٹکٹنگ نظام کاافتتاح کررہے ہیں‘وزیرداخلہ اورآئی جی سندھ اورڈی آئی جی ٹریفک بھی موجود ہیں