موٹروے ٹول ٹیکس میں 100 فیصد سے زائد اضافے کا انکشاف
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد میں سینیٹ کی قائمہ کمیٹی برائے مواصلات کے اجلاس میں انکشاف کیا گیا ہے کہ موٹرویز پر ٹول ٹیکس میں 100 فیصد سے بھی زائد اضافہ کیا گیا ہے، جس پر ارکان کمیٹی نے تشویش کا اظہار کیا۔
چیئرمین نیشنل ہائی ویز اتھارٹی (این ایچ اے) نے کمیٹی کو بتایا کہ گزشتہ 6 سال سے ٹول ٹیکس میں کوئی اضافہ نہیں کیا گیا تھا، اسی لیے اب یکدم ٹول کی قیمتیں بڑھائی گئیں۔ ان کا کہنا تھا کہ ٹول ٹیکس سے حاصل ہونے والا ریونیو 32 کروڑ روپے سے بڑھ کر 64 کروڑ روپے تک پہنچ گیا ہے، جو صرف ٹول ریٹس میں اضافے کی وجہ سے ممکن ہوا۔
اس پر سینیٹر پرویز رشید نے تنقیدی انداز میں سوال کیا کہ “جب آپ نے ٹول بڑھا دیا تو موٹروے پر عوام کو سہولت کے نام پر کیا دیا؟”
اجلاس کے دوران ایم 6 منصوبے سے متعلق ایک اور سنگین معاملہ بھی سامنے آیا، جہاں دو اضلاع میں ساڑھے چار ارب روپے کی مبینہ خوردبرد کی گئی۔
چیئرمین این ایچ اے نے کمیٹی کو آگاہ کیا کہ سندھ حکومت نے اعتراف کیا ہے کہ دو ڈپٹی کمشنرز کی جانب سے یہ رقم ہڑپ کی گئی، تاہم منصوبے کو جاری رکھنے کے لیے سندھ حکومت نے خود یہ رقم جمع کرانے کی پیشکش کی ہے۔ ساتھ ہی یہ بھی تجویز دی گئی کہ رقم متعلقہ ڈپٹی کمشنرز سے وصول کر کے ریکوری مکمل کی جائے۔
یہ تمام انکشافات موٹرویز اور ترقیاتی منصوبوں میں شفافیت کے حوالے سے اہم سوالات کو جنم دیتے ہیں، جبکہ عوام پر ٹیکس کے اضافی بوجھ کے باوجود سہولیات کا فقدان مزید خدشات پیدا کر رہا ہے۔
.ذریعہ: Jasarat News
کلیدی لفظ: ٹول ٹیکس
پڑھیں:
سمندری طوفان نے کیوبا، جمیکا اور ہیٹی میں تباہی مچا دی؛ ہلاکتوں کی تعداد 60 ہوگئی
طاقتور سمندری طوفان میلیسا نے جمیکا، ہیٹی اور کیوبا میں بڑے پیمانے پر جانی اور مالی نقصان پہنچایا ہے۔
عالمی خبر رساں ادارے کے مطابق منگل کو کیٹیگری 5 شدت کے ساتھ ٹکرانے والے طوفان نے کیریبین میں بڑے پیمانے پر تباہی مچادی۔ جس میں 60 افراد ہلاک اور درجنوں لاپتا ہوگئے۔
متاثرہ جزیروں کے 60 فیصد علاقے میں بجلی منقطع ہوگئی اور پانی کی فراہمی کا نظام بھی تباہ و برباد ہوگیا۔ 90 فیصد گھروں کی چھتیں اڑ گئیں۔
ان تک جمیکا میں 19 اور ہیٹی میں 31 ہلاکتوں کی تصدیق ہوئی ہے جب کہ کیوبا میں ہلاکتوں کی اطلاعات آرہی ہیں۔ مجموعی طور پر 50 سے زائد افراد لاپتا ہیں۔
اس دوران 15 ہزار سے زائد افراد کو عارضی پناہ گاہوں میں منتقل کیا گیا ہے جہاں پینے کے پانی اور خوراک کا فقدان ہے۔
زیادہ تر علاقوں میں امدادی کاموں کے لیے فوج کی مدد لی جا رہی ہے تاہم ریسکیو مشینری کی عدم دستیابی اور دور دراز علاقے ہونے کے باعث مشکلات کا سامنا ہے۔
سمندری طوفان میلیسا اپنی تمام تر ہلاکت خیزی کے بعد اب کیریبین سے گزر گیا ہے اور اب اس کی رفتار اور شدت میں بھی کمی آچکی ہے۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے