مالی سال 2025 میں موٹر وہیکل ٹیکس میں 100 فیصد سے زائد اضافہ ریکارڈ
اشاعت کی تاریخ: 8th, July 2025 GMT
مالی سال 25-2024 کے دوران شہری اور دیہی علاقوں میں موٹر وہیکل ٹیکس میں 100 فیصد سے زائد اضافہ ریکارڈ کیا گیا ہے، ادارہ شماریات کے جاری کردہ اعداد و شمار کے مطابق، شہری علاقوں میں گاڑیوں پر ٹیکس میں 169 فیصد اور دیہی علاقوں میں 127 فیصد اضافہ ہوا ہے۔
ادارہ شماریات کے مطابق شہری علاقوں میں پانی کی فراہمی کے چارجز میں 15 فیصد، مائع ہائیڈروکاربنز اور گھریلو ٹیکسٹائل کی قیمتوں میں 14 فیصد، جب کہ ادویات کی قیمتوں میں 13 فیصد اضافہ ہوا۔ اس کے برعکس، بجلی کے نرخوں میں 30 فیصد، نصابی کتب میں 7.
یہ بھی پڑھیں:
دیہی علاقوں میں گاڑیوں کے ٹیکس کے علاوہ دانتوں کے علاج کی خدمات میں 27 فیصد، ادویات میں 15.3 فیصد، تفریح و ثقافت میں 13.2 فیصد، کلینک فیس اور تعلیم دونوں میں 12.8 فیصد اضافہ ہوا، تاہم بجلی کے نرخوں میں 30.2 فیصد، درسی کتب میں 11 فیصد اور موٹر فیول میں 2.6 فیصد کمی واقع ہوئی۔
مالی سال 25-2024 کے دوران ملک میں عمومی مہنگائی کی شرح 3.5 فیصد رہی، جبکہ خوراک اور توانائی کے علاوہ مہنگائی شہری علاقوں میں 6.9 فیصد اور دیہی علاقوں میں 8.6 فیصد ریکارڈ کی گئی۔ اسٹیٹ بینک کے مطابق بنیادی مہنگائی میں معمولی کمی آئی ہے، تاہم اشیائے خورونوش کی قیمتوں کے بیس ایفیکٹ کے خاتمے کے باعث عمومی مہنگائی میں دوبارہ اضافہ دیکھا گیا، جس کی شرح اپریل میں 0.3 فیصد سے بڑھ کر مئی میں 3.5 فیصد تک جا پہنچی۔
مزید پڑھیں:
اسٹیٹ بینک نے مہنگائی میں ممکنہ اتار چڑھاؤ کو مدنظر رکھتے ہوئے پالیسی ریٹ کو 11 فیصد پر برقرار رکھا ہے، بینک نے خبردار کیا ہے کہ علاقائی کشیدگی، تیل و اشیائے ضروریہ کی قیمتوں میں ممکنہ عدم استحکام اور توانائی کے نرخوں میں ملکی سطح پر متوقع ردوبدل مہنگائی پر اثر انداز ہوسکتے ہیں۔
ماہرین کا کہنا ہے کہ حکومت کا انحصار بالواسطہ ٹیکسوں پر ہونے کی وجہ سے، توانائی کی قیمتوں میں نمایاں کمی اور مستحکم شرح مبادلہ کے باوجود بنیادی مہنگائی میں خاطر خواہ کمی ممکن نہیں ہو رہی، فیڈرل بورڈ آف ریونیو کا کہنا ہے کہ آمدنی کا 60 فیصد حصہ بالواسطہ اور 40 فیصد بلاواسطہ ٹیکسوں سے حاصل ہوتا ہے۔
مزید پڑھیں:
دوسری جانب لیکن ماہرین کا دعویٰ ہے کہ بالواسطہ ٹیکسوں کا حقیقی حصہ 80 فیصد کے قریب ہے۔ ان کے مطابق ودہولڈنگ ٹیکس بھی بالواسطہ ٹیکس کے زمرے میں آتا ہے کیونکہ اس کا بوجھ آخرکار صارف پر ہی پڑتا ہے۔
ان کا کہنا ہے کہ رواں مالی سال حکومت نے ٹیکس نیٹ کو وسعت دینے کے بجائے بالواسطہ ٹیکسوں میں مزید اضافہ کیا، جس سے عام آدمی پر بوجھ بڑھا اور مہنگائی میں اضافے کا خدشہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک اشیائے ضروریہ پالیسی ریٹ تیل ٹیکس نیٹ شرح مبادلہ علاقائی کشیدگی فیڈرل بورڈ آف ریونیو مہنگائی موٹر وہیکل ٹیکس ودہولڈنگ ٹیکسذریعہ: WE News
کلیدی لفظ: اسٹیٹ بینک اشیائے ضروریہ پالیسی ریٹ تیل ٹیکس نیٹ شرح مبادلہ علاقائی کشیدگی فیڈرل بورڈ آف ریونیو مہنگائی ودہولڈنگ ٹیکس دیہی علاقوں میں کی قیمتوں میں مہنگائی میں کے مطابق مالی سال فیصد اور
پڑھیں:
پاکستان میں تعلیم کا بحران؛ ماہرین کا صنفی مساوات، سماجی شمولیت اور مالی معاونت بڑھانے پر زور
اسلام آباد:ممبر قومی اسمبلی ڈاکٹر شائستہ خان کا کہنا ہے کہ تعلیم پر سرکاری سرمایہ کاری کی کمی کے باعث لاکھوں بچے، خصوصاً لڑکیاں، اپنے تعلیم کے حق سے محروم ہیں، جبکہ موسمی رکاوٹیں اور ماحولیاتی تبدیلیاں اس مسئلے کو مزید سنگین بنا رہی ہیں۔
چیئرپرسن، نیشنل ووکیشنل اینڈ ٹیکنیکل ٹریننگ کمیشن گلمینہ بلال کا کہنا ہے کہ تعلیمی نظام مالی وسائل کی کمی کا شکار ہے، فنی و پیشہ ورانہ تعلیم کا شعبہ آگاہی کی کمی اور روایتی معاشرتی رویوں سے متاثر ہے، جو صنفی امتیاز اور تکنیکی شعبوں میں صنفی فرق کم کرنے میں حائل ہیں۔
ماہرین نے مطالبہ کیا ہے کہ پاکستان کے تعلیمی نظام میں حقیقی تبدیلی کے لیے سیاسی عزم اور مساوی مالی معاونت ضروری ہے، اگر صنفی مساوات اور سماجی شمولیت کو ترجیح نہ دی گئی تو پاکستان ایک اور نسل کو محرومی اور عدم مساوات کے اندھیروں میں کھو دے گا۔
گزشتہ روز سوسائٹی فار ایکسس ٹو کوالٹی ایجوکیشن (ایس اے کیو ای) کے پاکستان کولیشن فار ایجوکیشن (پی سی ای) کے سالانہ کنونشن سے خطاب کے دوران سوسائٹی فار ایکسس ٹو کوالٹی ایجوکیشن کی ایگزیکٹو ڈائریکٹر زہرہ ارشد نے کہا کہ تعلیم میں حقیقی تبدیلی تب ہی ممکن ہے جب مالی معاونت میں اضافہ کیا جائے اور صنفی مساوات و سماجی شمولیت کو پالیسی اور عمل کے ہر درجے میں شامل کیا جائے۔
انہوں نے کہا کہ تعلیم کا بجٹ بڑھانے کے ساتھ ساتھ منصفانہ استعمال کو یقینی بنائے بغیر جامع تعلیم کے وعدے محض کاغذی رہ جائیں گے۔ تعلیمی فنڈنگ میں حکومتوں کا احتساب صرف اعداد و شمار تک محدود نہیں ہونا چاہیے، بلکہ احتساب اس بات کو یقینی بنانے کے لیے ہونا چاہیے کہ بجٹ کا ہر روپیہ ہر لڑکی کی تعلیم کے حق کی تکمیل میں خرچ ہو۔
پاکستان انسٹیٹیوٹ فار ایجوکیشن کے ڈائریکٹر جنرل ڈاکٹر شاہد سرویا نے کہا کہ پاکستان کو اپنی تعلیم کی ایمرجنسی سے نکلنے کے لیے کم از کم جی ڈی پی کا 6 فیصد تعلیم پر خرچ کرنا ہوگا کیونکہ موجودہ وسائل ہر سال اسکول جانے والی عمر کے بچوں میں 1.7 فیصد اضافے کو پورا کرنے کے لیے ناکافی ہیں۔
پنجاب کے وزیر تعلیم کے مشیر ڈاکٹر شکیل احمد نے وضاحت کی کہ اسکولوں کی آؤٹ سورسنگ سے نہ صرف اسکول سے باہر بچوں بلکہ کم فیس والے نجی اسکولوں کے طلبہ کا اندراج بھی بڑھا ہے، تاہم مالی مشکلات اور سیاسی تبدیلیوں کے باعث اس پالیسی کی پائیداری ایک چیلنج بن سکتی ہے۔
بلوچستان کے محکمہ تعلیم کے اسپیشل سیکریٹری عبدالسلام اچکزئی نے اعلان کیا کہ صوبے میں 12 ہزار اساتذہ کی خالی آسامیوں پر بھرتیاں مکمل کی گئی ہیں تاکہ لڑکیوں کی تعلیم تک رسائی بڑھائی جا سکے، جبکہ لڑکیوں کے لیے ٹرانسپورٹ پروگرامز بھی شروع کیے جا رہے ہیں تاکہ اسکول واپسی اور حاضری کو یقینی بنایا جا سکے۔
خیبر پختونخوا محکمہ تعلیم کے مشیر محمد اعجاز خلیل نے بتایا کہ ترقیاتی تعلیمی بجٹ کا 70 فیصد حصہ لڑکیوں کی تعلیم کے فروغ کے لیے مختص کیا جا رہا ہے، جس میں 10 ہزار کلاس رومز اور 350 واش رومز کی تعمیر شامل ہے۔ انہوں نے مزید بتایا کہ کارکردگی میں کمزور اسکولوں کو آؤٹ سورس کیا جا رہا ہے اور 1,000 مقامی گاڑیاں لڑکیوں کے لیے محفوظ ٹرانسپورٹ فراہم کریں گی۔
اسپیشل ٹیلنٹ ایکسچینج پروگرام کے ایگزیکٹو ڈائریکٹر عاطف شیخ نے کہا کہ 90 فیصد معذور بچے اسکول سے باہر ہیں، جن میں 50 فیصد لڑکیاں شامل ہیں۔ اُنہوں نے نشاندہی کی کہ معذور بچوں کے لیے مخصوص بجٹ لائنز اور اساتذہ کی شمولیتی تربیت کی عدم موجودگی لاکھوں بچوں کو نظام سے باہر رکھتی ہے۔
جینڈر اور گورننس ماہر فوزیہ یزدانی نے کہا کہ صنفی مساوات اور شمولیت کو فروغ دینے کا آغاز ابتدائی عمر سے ہونا چاہیے، جہاں آئینی حقوق مقامی زبانوں میں پڑھائے جائیں اور والدین، اساتذہ، اور کمیونٹی اس عمل کو مضبوط کریں۔
اُنہوں نے کہا کہ پاکستان میں 18 فیصد لڑکیوں کی 18 سال کی عمر سے پہلے شادی کر دی جاتی ہے، جس کے نتیجے میں وہ تعلیم سے محروم رہ جاتی ہیں، جبکہ ملک میں جنوبی ایشیا کی بلند ترین ماں اور بچے کی اموات اور 40 فیصد بچوں کی ذہنی و جسمانی نشوونما میں رکاوٹ جیسے مسائل موجود ہیں۔
خواجہ سرا سوسائٹی کی ڈائریکٹر مہنور چوہدری نے کہا کہ ٹرانس جینڈر طلبہ کی شمولیت کے لیے جامع نصاب، اساتذہ کی حساسیت، ٹراما سے آگاہی، کونسلنگ اور زندگی کی مہارتوں پر مبنی تعلیم ضروری ہے۔
پیپلز پارٹی اور ن لیگ کا وزیراعظم آزاد کشمیر کیخلاف مشترکہ تحریک عدم اعتماد لانے کا فیصلہ