ترک وزرائے خارجہ اور دفاع سرکاری دورے پر پاکستان پہنچ گئے
اشاعت کی تاریخ: 9th, July 2025 GMT
ترکی کے وزیر خارجہ حکان فیدان اور وزیر دفاع یاسر گُلر سرکاری دورے پر پاکستان پہنچ گئے۔
یہ بھی پڑھیں:ترکیہ کے سیکریٹری دفاعی صنعت کی بنگلہ دیش کے آرمی چیف جنرل وقار الزماں سے ملاقات
اسلام آباد پہنچنے پر دونوں رہنماؤں کا استقبال ایڈیشنل سیکرٹری برائے مغربی ایشیا، سفیر سید علی اسد گیلانی نے کیا۔
دورے کے دوران پاکستانی حکام سے اہم ملاقاتیں ہوں گی جن میں دونوں ممالک کے درمیان باہمی دلچسپی کے امور پر بات چیت کی جائے گی۔
یہ دورہ پاکستان اور ترکی کے قریبی اور برادرانہ تعلقات کا عکاس ہے، جو مشترکہ تاریخ، ثقافت اور باہمی اعتماد پر مبنی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
فیلڈ مارشل عاصم منیر سے مصری وزیر خارجہ کی اہم ملاقات، دفاعی تعاون پر گفتگو
data-id="863a0a8" data-element_type="widget" data-widget_type="theme-post-content.default">
راولپنڈی: پاکستان اور مصر کے درمیان دفاعی اور سفارتی تعاون سے متعلق انتہائی اہم ملاقات ہوئی، جس میں فیلڈ مارشل سید عاصم منیر نے مصر کے وزیر خارجہ ڈاکٹر بدر احمد محمد عبدالعاطی کا خیرمقدم کیا۔
دونوں رہنماؤں کے درمیان ہونے والی ملاقات نہ صرف موجودہ صورتحال کے تناظر میں بلکہ مستقبل میں دوطرفہ تعلقات کے نئے امکانات کے لیے بھی اہم ہے۔ ملاقات کے دوران خطے کی مجموعی سیکورٹی صورتحال سے لے کر عسکری اشتراک کے مختلف پہلوؤں تک جامع گفتگو ہوئی، جس میں دونوں ممالک نے مشترکہ مفادات کے مطابق تعاون کو مزید وسعت دینے کے عزم کا اعادہ کیا۔
آئی ایس پی آر کے مطابق فیلڈ مارشل اور مصری وزیر خارجہ کے درمیان ہونے والی اس تفصیلی گفتگو میں دفاعی روابط، عسکری سطح پر قریبی رابطے، تربیتی تعاون، انسداد دہشت گردی حکمت عملی اور علاقائی امن سے متعلق متعدد نکات زیر بحث آئے۔
پاکستان اور مصر کے درمیان دیرینہ عسکری تعلقات کی بنیاد اس بات پر قائم ہے کہ دونوں ممالک نہ صرف خطے میں امن و استحکام کے خواہاں ہیں بلکہ نئی علاقائی صف بندیوں کے تناظر میں باہمی تعاون کو وقت کی اہم ضرورت سمجھتے ہیں۔ ملاقات میں اس بات پر بھی اتفاق کیا گیا کہ بدلتی ہوئی عالمی صورتحال کے پیشِ نظر دونوں ملکوں کا ایک دوسرے کے ساتھ اسٹریٹجک تعاون جاری رکھنا ناگزیر ہے۔
مصری وزیر خارجہ نے فیلڈ مارشل عاصم منیر کو اپنی قیادت کا خصوصی پیغام بھی پہنچایا اور پاکستان کے ساتھ تعلقات کو مزید مضبوط بنانے میں گہری دلچسپی کا اظہار کیا۔
انہوں نے اس بات پر زور دیا کہ مصر دفاعی، سفارتی اور اقتصادی شعبوں میں پاکستان کے ساتھ تعاون بڑھانے کا خواہاں ہے اور اس سلسلے میں اعلیٰ سطح کا مسلسل رابطہ دونوں ممالک کے لیے نہایت سودمند ثابت ہوگا۔ فیلڈ مارشل نے بھی اس موقع پر مصر کی جانب سے ظاہر کی گئی خواہش کا خیرمقدم کیا اور اس باہمی اعتماد کو علاقائی امن کے لیے اہم قرار دیا۔
اس ملاقات سے قبل مصری وزیر خارجہ نے صدرِ پاکستان آصف علی زرداری سے بھی الگ نشست کی، جس میں دوطرفہ تعلقات، اقتصادی تعاون اور خطے کی سیاسی صورتحال پر تفصیلی بات چیت کی گئی۔
صدر مملکت نے کہا کہ پاکستان مصر کے ساتھ اپنے دیرینہ، برادرانہ اور تاریخی تعلقات کو نہایت اہمیت دیتا ہے جو مشترکہ عقیدے، ثقافتی ہم آہنگی اور باہمی احترام پر قائم ہیں۔ انہوں نے زور دیا کہ دونوں ممالک کو چاہیے کہ ان تعلقات کو مستقبل پر مبنی تعاون میں تبدیل کرتے ہوئے تجارت، سرمایہ کاری اور عوامی سطح پر رابطوں کو مزید مستحکم کریں۔
ٹی ٹوئنٹی ورلڈ کپ 2026 کا شیڈول آج ممبئی میں جاری ہوگا