چین میں شہری کے پیٹ سے زندہ بام مچھلی نکال لی گئی، ڈاکٹرز بھی حیران
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
چین کے صوبہ ہونان میں ایک 33 سالہ شہری اس وقت حیرت انگیز صورتحال کا شکار ہوگیا جب اس کے پیٹ سے تقریباً ایک فٹ لمبی زندہ بام مچھلی نکالی گئی، جو آنتوں کی دیوار پھاڑ کر پیٹ کے اندر پہنچ گئی تھی۔
یہ شخص شدید پیٹ درد کی شکایت کے ساتھ اسپتال پہنچا، جہاں ڈاکٹرز نے اس کا سی ٹی اسکین کیا تو ایک غیر معمولی شے اس کی آنتوں میں نظر آئی۔ جب ایمرجنسی لیپروسکوپک سرجری کی گئی تو ڈاکٹرز اس وقت دنگ رہ گئے جب انہوں نے دیکھا کہ مچھلی اب بھی زندہ ہے اور یوں محسوس ہو رہا تھا جیسے وہ پیٹ کے اندر تیر رہی ہو۔
میڈیکل ماہرین کا کہنا ہے کہ یہ مچھلی غلطی سے یا سیدھے راستے سے مقعد کے ذریعے انسانی جسم میں داخل ہوئی ہوگی اور پھر آنتوں کے راستے پیٹ کے اندر چلی گئی۔ اگر بروقت آپریشن نہ کیا جاتا تو یہ کیفیت پیٹ کی جھلی میں سوزش پیدا کرسکتی تھی اور مریض کی جان کے لیے خطرہ بن سکتی تھی۔
خوش قسمتی سے فوری سرجری کے بعد مریض کی جان بچ گئی اور اب اس کی صحت بہتر ہے۔ ڈاکٹرز کا کہنا ہے کہ اگر آنتوں کی دیوار پھٹ جائے تو اس سے گیسٹرونٹیسٹائنل پیچیدگیاں پیدا ہو سکتی ہیں، جو پرِٹونائٹس کا سبب بن سکتی ہیں، جس کے علاج کے لیے فوری سرجری انتہائی ضروری ہوتی ہے۔
یہ واقعہ اپنی نوعیت کا منفرد ضرور ہے مگر پہلی مرتبہ نہیں ہوا۔ گزشتہ برس ویتنام میں بھی ایسا ہی ایک واقعہ رپورٹ ہوا تھا، جہاں اسی طرح کی صورتحال میں زندہ مچھلی انسان کے جسم کے اندر پہنچ گئی تھی اور ڈاکٹرز کو فوری کارروائی کرنی پڑی تھی۔
.ذریعہ: Jasarat News
کلیدی لفظ: کے اندر
پڑھیں:
سی ٹی ڈی پولیس اسٹیشن پشاور کے اندر بارودی مواد پھٹنے سے دھماکا، اہلکار شہید
پشاور میں سی ٹی ڈی پولیس اسٹیشن کے اندر بارودی مواد پھٹنے سے دھماکے کے نتیجے میں ایک اہلکار شہید اور دو زخمی ہوگئے۔
ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہونے کی اطلاعات ملی ہیں۔
واقعے کی اطلاع ملتے ہی پولیس اور سیکیورٹی فورسز نے علاقے کو گھیرے میں لے لیا جبکہ بی ڈی یو، ریسکیو اور فائر بریگیڈ کی ٹیمیں موقع پر پہنچ کر کارروائیاں جاری رکھے ہوئے ہیں۔ تمام ملزمان کو حوالات سے بحفاظت نکال لیا گیا ہے اور کلیئرنس آپریشن کا عمل جاری ہے۔
سی سی پی او پشاور میاں سعید کے مطابق ابتدائی تجزیے میں یہ واقعہ دہشت گردی کا نہیں لگتا بلکہ پرانے دھماکا خیز مواد کے اچانک پھٹنے سے پیش آیا اور ہوسکتا کہ کسی شارٹ سرکٹ کے باعث باردوی مواد پھٹا ہو۔
انہوں نے بتایا کہ دھماکے کے باعث ایک سی ٹی ڈی اہلکار شہید اور دو اہلکار زخمی ہوئے، جنہیں فوری طور پر اسپتال منتقل کیا گیا۔
پولیس حکام کا کہنا ہے کہ واقعے کی مکمل تحقیقات کی جا رہی ہیں تاکہ دھماکے کی وجوہات کا تعین کیا جا سکے۔
پی ٹی آئی نے وزیراعلیٰ پختونخوا اور کور کمانڈر پشاور کی ملاقات کی تصدیق کر دی