فرح باقی بیویوں سے دُور کیوں رہتی ہیں؟ اقرار الحسن اپنی تینوں بیویوں سے متعلق اہم باتیں بتادیں
اشاعت کی تاریخ: 8th, August 2025 GMT
اقرار الحسن پاکستان کے معروف صحافی اور ٹی وی میزبان ہیں، جو اپنے مشہور تحقیقی شو ’سرِعام‘ کے لیے جانے جاتے ہیں۔ وہ ’شانِ رمضان‘ جیسے مقبول پروگرام کی میزبانی کر کے بھی بڑی شہرت حاصل کر چکے ہیں۔ اقرار الحسن کا شمار ان شخصیات میں ہوتا ہے جو نہ صرف اپنے پروفیشنل کام کے باعث خبروں میں رہتے ہیں بلکہ ان کی ذاتی زندگی اور خاص طور پر تین شادیاں بھی اکثر زیرِ بحث رہتی ہیں۔
حال ہی میں اقرار الحسن علی حمزہ کے پوڈکاسٹ میں شریک ہوئے، جہاں انہوں نے اپنی تینوں بیویوں کے حوالے سے بات کی اور بتایا کہ فرح باقی بیویوں سے دور کیوں رہتی ہیں۔
قرۃ العین کے بارے میں بات کرتے ہوئے اقرار الحسن نے کہا قرۃ العین اقرار کی ہر بات زبردست ہے، اور میں اسے بہت چاہتا ہوں۔ کل ہی میں عروسہ سے بات کر رہا تھا کہ عینی کتنی پرفیکٹ انسان ہے، جس میں کوئی خامی نہیں۔ بلکہ یہ بات خود عروسہ نے کہی۔
اقرار الحسن کا کہنا تھا کہ میرے لیے یہ بالکل نارمل ہے کہ میری بیویاں ایک دوسرے کی تعریف کریں۔ مجھے لگتا ہے کہ عینی نے میرا بچے کی طرح خیال رکھا میری ہر بات کو مانا اور مجھے لگتا ہے کہ وہ بہت بے نیاز ہے۔
انہوں نے مزید کہا کہ عروسہ اور قرۃ العین ایک ساتھ رہتی ہیں، اس لیے ان کا آپس میں زیادہ لگاؤ ہے۔ فرح کا مزاج تھوڑا مختلف ہے۔ میں اس کے ساتھ لنچ کرتا ہوں، اچھا وقت گزارتا ہوں اور پھر وہ اپنے گھر والوں کے پاس چلی جاتی ہے، جو کہ لاہور میں ہی رہتے ہیں۔ ہمارے درمیان سب کچھ ٹھیک ہے اور میں اس زندگی پر بہت شکر گزار ہوں۔
یہ بھی پڑھیں: اقرار الحسن سے شادی نہیں کرنا چاہتی تھی، اینکر کی دوسری بیوی فرح کے انکشافات
خیال رہے کہ اقرار الحسن نے پہلی شادی سابق نیوز کاسٹر قرۃ العین سے 2010 سے قبل کی تھی، جن سے انہیں ایک بیٹا بھی ہے۔ ٹی وی میزبان نے دوسری شادی نیوز کاسٹر فرح سے کی اور ان سے شادی کو بھی ایک دہائی سے زائد عرصہ گزر چکا ہے۔ جبکہ تیسری شادی تقریبا دو سال قبل صحافی عروسہ خان سے کی، انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔ ایک انٹرویو میں انہوں نے بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقرار الحسن اقرار الحسن شادیاں عروسہ فرح اقرار قرۃ العین اقرار.ذریعہ: WE News
کلیدی لفظ: اقرار الحسن اقرار الحسن شادیاں قرۃ العین اقرار اقرار الحسن قرۃ العین رہتی ہیں انہوں نے
پڑھیں:
شاہ رخ خان اور سلمان خان کے ساتھ فلم کرنے کے لیے عامر خان نے شرط رکھ دی
شاہ رخ خان، عامر خان اور سلمان خان کو بالی ووڈ کے تین بڑے سپر اسٹارز مانا جاتا ہے۔ مداح پچھلے 30 سالوں سے اس انتظار میں ہیں کہ کیا کبھی یہ تینوں ایک ساتھ کسی فلم میں نظر آئیں گے۔ شاہ رخ کے بیٹے آریان خان نے اپنی ہدایتکاری میں بننے والی پہلی ویب سیریز ’دی باسٹرڈز آف بالی ووڈ‘ میں تینوں کو اکٹھا ضرور کیا، لیکن اس ہفتے نیٹ فلکس پر ریلیز ہونے والے اس طنزیہ ایکشن کامیڈی شو میں تینوں نے اسکرین اسپیس شیئر نہیں کی۔
اپنے حالیہ انٹرویو میں عامر خان نے بتایا کہ وہ تینوں ایک ساتھ کام کرنے کے لیے تیار ہیں اگر ایک اچھی اسکرپٹ آتی ہے۔ ایک پوڈکاسٹ ’گیم چینجرز‘ میں بات کرتے ہوئے ’دنگل‘ اسٹار عامر خان نے کہا کہ سلمان اور شاہ رخ پہلے ساتھ کام کر چکے ہیں، سلمان اور میں بھی ساتھ کام کر چکے ہیں، لیکن ہم تینوں نے ایک ساتھ کبھی کام نہیں کیا۔ لیکن میرا خیال ہے کہ ہم اب اس کے لیے پہلے سے زیادہ تیار ہیں۔
یہ بھی پڑھیں: جیسیکا ہائنس سے ناجائز تعلق اور بچہ، عامر خان ڈی این اے ٹیسٹ کرا لیں میرے پاس ثبوت ہیں، بھائی فیصل خان کا دعویٰ
عامر خان کا مزید کہنا تھا کہ اگر کوئی اچھی کہانی آئے، جس میں تینوں کے لیے اچھے کردار ہوں، اور وہ تینوں کو پسند آئے، تو ہم یقیناً اس میں کام کریں گے۔ اس کے علاوہ اور کوئی مسئلہ نہیں ہے۔ جب ان سے پوچھا گیا کہ کیا تینوں کا ایک ہی اسکرپٹ پر متفق ہونا ممکن ہے، تو عامر نے کہا اس کا امکان 50-50 ہے۔
مسٹر پرفیکشنسٹ کا مزید کہنا تھا کہ اگر تینوں خانز ایک ساتھ میں کام کرتے ہیں تو اس پر ناظرین کی توقعات بہت زیادہ ہوں گی۔ عامر نے کہا یہ ایک جذباتی بات ہے جسے ہم تینوں شاہ رخ، سلمان اور میں سمجھتے ہیں۔ ہم تینوں ناظرین کے جذبات کی قدر کریں گے۔
یہ بھی پڑھیں: فیصل خان کا بالی ووڈ اسٹار عامر خان پر غیر ازدواجی تعلق اور ناجائز بچے کا الزام
واضح رہے کہ شاہ رخ اور سلمان نے فلم ’کرن ارجن‘ اور 1998 میں ’کچھ کچھ ہوتا ہے‘ میں ساتھ کام کیا ہے۔ اس کے علاوہ دونوں نے ایک دوسرے کی فلموں میں کیمیو بھی کیے ہیں، جیسے ’ٹیوب لائٹ‘، ’زیرو‘، ’پٹھان‘، اور ’ٹائیگر 3‘۔
سلمان اور عامر نے 1994 کی کامیڈی فلم ’انداز اپنا اپنا‘ میں ساتھ کام کیا تھا۔ عامر اور شاہ رخ نے اب تک صرف ایک سین شیئر کیا ہے۔ 1993 کی تھرلر فلم ’پہلا نشہ‘ میں، جو دیپک تجوری کی فلم تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بالی ووڈ کنگز سلمان خان شاہ رخ خان عامر خان
قال اللہ تعالیٰ و قال رسول اللہ ﷺ