کامران ٹیسوری اپنے بیان پرگورنر کے عہدے سے فارغ ہو سکتے ہیں؟اینکرپرسن عدنان حیدرکے سوال پر سینئر صحافی نصرت جاوید نے تجزیہ پیش کردیا
اشاعت کی تاریخ: 13th, August 2025 GMT
لاہور(ڈیلی پاکستان آن لائن)جشن آزادی کے حوالے سے تقریب میں کامران ٹیسوری اپنے بیان گورنرسندھ کے عہدے سے فارغ ہو سکتے ہیں، اینکرپرسن عدنان حیدر کے سوال پر سینئر صحافی نصرت جاوید نے تجزیہ پیش کردیا۔
نجی ٹی وی پبلک نیوز کے پروگرام ’’خبرنشر‘‘میں اینکرپرسن عدنان حیدر نے گورنر سندھ کے ووٹ دینے سے متعلق بیان پر سوال اٹھاتے ہوئے کہاکہ جب دھاندلی کی بات آتی ہے تو اس کا مطلب ہے کہ پی ٹی آئی سچی روتی ہے،بیرسٹر گوہر، عمر ایوب صحیح روتے ہیں کہ ان کا الیکشن چوری ہوا،آپ (گورنر)نے اس کی توثیق کی ہے ۔
وفاقی وزیر اطلاعات عطا تارڑ کو ستارہ امتیاز کیلئے نامزد کر دیا گیا
سینئر صحافی و تجزیہ کارنصرت جاوید نے کہاکہ تو پھر وہ(گورنر) عہدہ چھوڑ ان کی جماعت میں شامل ہوجائے ناں۔
عدنان حیدر نے کہاکہ ان کی اتنی موج لگی ہوئی ہے،سر کچھ نہ کرنے کے باوجود اگر آپ کو اتنا بڑا عہدہ مل گیا،آپ جو مرضی کریں،
نصرت جاوید کاکہناتھا کہ کتنی سنجیدگی بات سے ہم اپنا پروگرام شروع کرتے ہیں، عدنان حیدر کاکہناتھا کہ دیکھیں ناں میں تو یہ کہہ رہا ہے کہ اس ملک میں 8فروری کا الیکشن چوری ہوا،آج ایک حکومتی عہدیدار نے اس کی تصدیق کردی۔
سینئر صحافی نے کہاکہ میرا مسئلہ صرف ایک ہے گورنر جو وفاق کا نمائندہ ہے،وہ ووٹ کے بارے میں اس طرح کے توہین آمیز الفاظ استعمال کرنا اس کے عہدے کے خلاف ہے۔
’’مودی کے 40 سے 60 فیصد فالوورز جعلی یا بوٹس ہو سکتے ہیں‘‘بھارتی وزیر اعظم کی’’ ایکس‘‘ پر مقبولیت کا پردہ بھی فاش ہو گیا
اینکرپرسن عدنان حیدر نے سوال کیا کہ یہ گورنر فارغ بھی ہوسکتا ہوگا،اس کا بھی طریقہ کار ہوتا ہوگا، اس پر سینئر صحافی اور تجزیہ کار نصرت جاوید نے کہا کہ سیدھی سادھی بات ہےوزیراعظم کہیں کہ بھئی آپ نے کیا چول ماری ہے،آپ کیا کہہ رہے ہیں،الیکشن کمیشن انہیں طلب کرے،الیکشن کمشنر بڑےتگڑے آدمی ہیں ،وہ گورنر کو نوٹس بھیجیں کہ بھائی تم کیا کر رہے ہو،الیکشن کمیشن کی توہین کا قانون بھی ہمارے ہاں ہے کہ نہیں۔
عدنان حیدر نے کہاکہ المیہ ایک اور بھی ہے ناں سر،کامران ٹیسوری میرے خیال میں چیف الیکشن کمشنر سے زیادہ تگڑی شخصیت ہیں،نصرت جاوید نے کہاکہ دونوں میں مقابلہ کروا لیں ناں۔
فیلڈ مارشل سید عاصم منیر سے آذربائیجان کے چیف آف جنرل سٹاف کی ملاقات،عالمی و علاقائی سلامتی کی صورتحال پر تبادلۂ خیال
کامران ٹیسوری کی بات سن کر لگ رہا ہے کہ تحریک انصاف ووٹ چوری ہونے کا رونا صحیح رو رہی تھی۔ انہیں کچھ نہ کرنے کا باوجود اتنا بڑا عہدہ مل گیا ہے۔ وفاقی نمائندہ خود تسلیم کررہا ہے کہ 8 فروری کو ووٹ چوری ہوا ہے۔ عدنان حیدر: کامران ٹیسوری نے ووٹ کے بارے میں توہین آمیز گفتگو کی ہے، اس… pic.
خیال رہے کہ یوم آزادی کی تقریب میں گورنر سندھ کامران ٹیسوری نے کہا تھا کہ بہت سوچ کر ووٹ دینا ، میں یہ نہیں کہہ رہا کہ نہ دینا، اگر دینا ہے تو دے بھی دینا ، کیا فرق پڑتاہے، پہلے بھی دیا تھا نکلا نہیں تو کیا ہوا۔
مزید :
ذریعہ
ذریعہ: Daily Pakistan
کلیدی لفظ: کامران ٹیسوری نصرت جاوید نے سینئر صحافی نے کہاکہ
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ